انوار و اضاءة الفورد اكسبلولر

اول حاجة لازم تاخذ قي الحسبان في نظام سيء في الفورد وخصوصا الموديلات الحديثة منها
زي الاكسبلور من 2012 الى الموديل الحالي
الايدج من 2011 الى الموديل الحالي
التوريس من 2011 الى الموديل الحالي
كل الانواع الي فوق اذا غيرت الداخلية الى LED راح تظل اللمبات معلقة وما راح تطفي غير بعد ما يشتغل نظام حماية الكهرباء الي هو يقطع الكهرباء بعد 15 دقيقة اظن مدري 10 دقايق بعدها اللمبات تطفي معدا ذلك اللمبة الوسيطة راح تظل شغالة


بالنسبة للي الانوار الامامية انا ما ادري اذا انت مركب زينون ولا لا بس انصحك تركب زينون
اذا كنت مركب زينون ولازال النور تعبان يا انه القزازة الخارجية مغبشة يا انه العدسة داخلها غبار
في اسوء الحالات يكون العاكس الداخلي محروق وراحت لمعته وبكذا راح تضعف عندك الانارة بس ما اتوقع الشي هذا
بالنسبة انك تركب لمبات ليد للشمعات الامامية ما انصحك فيه ابدا عن تجربة لجميع الانواع الا نوع واحد مكلف سواء كان شراء او تركيب
الي هو عدسة مدمج معاه LED وهذا النوع اشتريته لسيارتي ب 410 ريال والتركيب لازم من فك القزازة وتحفير وشغل معقد بس انارة بطله وعمر طويل ان شاء الله
اما اللمبات الليد العادية هذي تاخذها عشان كشح فقط وتاخذها كنور ثانوي يعني انا مثلا عندي شمعة العالي لحال والواطي لحال وغيرت الواطي حطيت فيه عدسة (عالي واطي) ممكن انك تركب ليد في العالي بحيث يكشح لما تشغل العالي لانك انت معوض العالي بالعدسة الي انت ركبتها في الواطي
لكن في حالتك يا انك تركب عدسة LED او انك تركب زينون اما لمبة LED ما راح تضبط معاك

من الاخير انوار فورد زفت بالعربي خصوصا ف الظلام مدري شوضعها شركة اكثر من 100 سنه ماتعرف تسوي انوار ويتفوق عليها الصيني

الاخ العزيز ma3sel شكرا جزيلا على اهتمامك
انا الان استخدم انوار السيارة الاصلية لم اغير اى عدسة او انارة او اى شىء ..
اين تنصحنى اشترى لمبات الزينون او عدسة الليد ؟
انا اريد شىء سهل التركيب - لا اريد اى تعقيد فى السيارة او الكهرباء
السيارة فورد اكسبلولر 2013
و الف شكر