هل سيارتي مخبطه او لا.

وعليكم السلام 
عاير الزيت مرة ثانيه
والافضل تغير الزيت و يبان معك اذا فيه براده حديد أو رواسب 

انت فحصت الزيت مباشرة ماراح يوضح معاك بعد تطفي السيارة اصبر على الاقل ٥ دقايق وعاير الزيت

غير الزيت والفلتر لو مكانها وفي تطبيق ناسي اسمه يجون يغيرون الزيت بمكانها وبعدها شيك
ولو ما فاد ركبها سطحه وعلى الورشه يمكن البساتم تالفه مدام تطلع صوت
ما راح افتيلك الا واحد مختص يفحصها

من تجربه مره سمعت صوت بالمكينه طلعت البكرات تالفه او السير او شي خفيف بس اذا الصوت
من داخل المكينه عاد هنا الله يعينك يبيلها شغله

وعليكم السلام ورحمة الله 

طرمبة الزيت تدفع الزيت واكيد طلع الزيت لاخر العيار وهذا طبيعي وانت عليرت مباشرة وشفت الزيت بس انتظر ١٠ دقايق حتى ينزل اغلب الزيت وبعدها عاير ،،،وغير الزيت لاتستهين فيه

اول شي استبدل زيت مع سيفون بعدين شوف لك كدا ورشه اقل شي ثلاث ورش لا تعتمد على ورشه وحده

انا معى موستنق ٢٠١٢ طلع لى صوت مزعج يمكن من البكرات وكان باقى يومين واسافر خليتها قلت جيتى اوديها الورشه رجعت مافيها شى مره راح الصوت من نفسه

غير الزيت لنو الزيت مع السيفون إلى فيها انتهت
صلاحيته وهي 6 شهور
انا اتوقع الصوت الي فيها تق تق تق تق خفيف
وسريع ومستمر
لا تخاف شي طبيعي
لانو الزيت وسخ
استخدم منتج ايزي
الأول اسمه فلاش انجن وكب الزيت الجديد بعد 15 دقيقه
حط المره الثانيه زيت اصلي حق الوكاله موتر كرفت
لا تأخذ التخليقي ولا النص تخليقي خذ الطبيعي
أرخص حاجه 5الاف كيلو استخدم نفس لزوجة الزيت
حق الوكاله تحصلها على الغطاء
وحط مع الزيت منعم مكينه من ايزي

ي اخوان انصلت بورشات كثيره الاغلب يقول نغسل المكينه من جواء بمواد خاصه وان شاءلله تضيط

بس انا خايف من المواد هاذي تحوس علي كل شي تنشف جلب البلوف وتخرب الطرمبه وتسكر علي شخالات صفاية الزيت 

وش رايكم انظفها من جوا ولا لا.؟

ولا اغير زيت وسيفون واشوف وش يطلع .؟ وش رايكم

السلام عليكم ورحمة الله وبركاته
قسم بالله اني ما اسوي دعايه
لاكن منتج ايزي انجن فلش أفضل
شي شفته بالسوق انا احطه لكل سياراتي.
وكميته قليله ينحط مع الزيت
اما باقي المنتجات يقلك نزل الزيت وبعدين
حط المنتج لحاله
كنك تشغل السياره بدون زيت ويناكل عليك جلد البلوف

تم تغيير الزيت و السيفون نوع الزيت موتكرفت لزوجه10w30 

والصوت ماراح نفس الشي بالعكس احسه زاد واتوقع انها سبايك الله يعينا ع مكينه مستورده