مفتاح السياره ضاع وش الحل ؟

وعليكم السلام ورحمة الله 



حاول تدور لمحل واحد فاهم مجرد مفتاح وبرمجة فقط لاغير بدون كمبيوتر او ظفيرة

اول شي انك تروح محلات المفاتيح وتشرح له الوضع والطريقة واذا قالك تمام ابرمجه من دون تغير الكمبيوتر خذها سطحه وروح له وعندك الشايقي اشوفه أفضلهم وعنده كمبيوترات برمجه دام السياره توروس افتحها بالارقام السرية وفيه طريقه انك تنزل القير وتشيلها 

الي يقولك كمبيوتر وضفيره اكبر نصااب 
يجيب جهاز صغير معه ويبرمج لك مفتاح جديد وانتهت السالفه 
وفعلا السعر حول 200 لانه مفتاح جديد وبرمجه

واذا تبي تشيلها بدون مفتاح تشيلها ونش مو صطحه يرفعها من قدام يعلقها ويروح بها

ابعطيك رقم واحد وشغله وكاله

ويضبط لك كل شي ويفتح لك السياره بطريقة احترافيه مايلعب فيها ويبرمج لك مفتاح
‭055 170 9586‬

ابو سليمان 

حياك
السالفة يجي ويفتح السيارة بطريقته 
ويفك قفل الشنطة وياخذه للمحل عشان ينسخ منه مفتاح
واذا نسخ المفتاح يرجع للسيارة ومعه جهاز يشبكة وبيرمج 
لك المفتاح هذي طريقة
ولاضفيرة ولاكمبيوتر 
وباالتوفيق

ولا تنسى بدل المفتاح انسخ مفتاحين وارتاح واللي يضيع تلغيه 
واذا كانت بصمة المفتاح حول ال ٥٠٠ 

اذا الموتر وكاله او معك الحدبده الصغيره اللي تجي مع المفاتيح فيها كم رقم
اقرب محل يطلع لك مفتاح على الرقم

اخوي امير الاصيل ، هل تقصد بوكالة انه مو معرض لانه كان مرة كاني ماني غلطان سيارتي النترا بقص مفتاح ورحت للشايقي والظاهر مدري بحث في كمبيوتر عنده وبعدين يقول مرتبط بالوعلان او شيء زي كذا واتصل على رقم الظاهر انه الوكالة يقول يطلع الرقم  المهم فك الفيش حق السويتش تحت الدركسون وشبك الكومبيوتر وقعد يبرمج وقص لي مفتاح جديد واما بخصوص الحديدة لقيتها بس مدري وش سالفتها  واما المحلات الثانية غير الشايقي مريت  اثنين كلهم بس مفاتيح البيوت  او مفتاح حديد مايشغل السيارة ام السيارات المشفرة مايقصون  

المشكلة هذي قد حصلت لكن بطريقة ثانية ، مفتاح الجيب انكسر وفيه شريحة صغيرة ، واهل المفاتيح يقولون مايشتغل الموتر الا لازم الشريحة تكون لازقه في المفتاح

ويبرمجون المفتاح الجديد طبعاً ، المهم ودينا الشريحة لراعي المفاتيح وركبها في مفتاح صني في فتح وقفل وفتح شنطة طبعاً شنطة الجيب ماتقبل الامر هذا

بعدها يعطيك العافيه الموتر اشتغل واموره تمام ، فاللي يقولك لازم شريحة ونبرمج بعد مانحط الشريحة فهذا كلامه منطقي بعد ما لفلفنا نص محلات مفاتيح الرياض

اما اذا المفتاح ضايع بشريحته فما استغرب انهم يرهمون عندك ويقولون الامور ذي كلها ، لان الوكالة مسوي لكل موتر مفتاحه الخاص وشريحته الخاص فصعب انك

تجيب شيء من برا بدون ما تضيف المفتاح الجديد للكمبيوتر ، علماً اننا نسخنا مفتاح للجيب ووظيفته يفتح ويسكر البيبان فقط لا غير واذا جيت بتدق سلف مستحيل يقبل

او يشتغل الموتر مع العلم ان سِنّة المفتاح نفس سِنّة مفتاح الوكالة ، هذا الكلام بعد تجربه والله يعينا ويعينك وكل مسلم .

معناته المفتاح الحديد مهم ولو مايشغل السيارة فقط فتح سويتش وبيبان و شنطة  لانه تحتاجه لو ضاعت المفاتيح  ينسخون عليه ويبرمجون ، انا كنت قاص مفتاح حديد عشان السيارة بدون ريموت وممكن يتقفل على المفتاح   برا الدقمة ولا شي

انا صارت معي في سيارتي فكتوريا  موقفها في مواقف المطار وضيعت المفاتيح  ورحت جبت  الفني من عند الشايقي  وطلع معي للسيارة  الظاهر ب ٤٠٠  ريال وقعد حول ساعة  او اكثر يبرمج بجهازه وهو شابكه في فيش الدقمة بعد مافكه وقص المفتاح وشغلها من احسن مايكون  

دق عليه............

دق عليه............