الفورد فيوجن

الفيوجن انا معي 2012
قطع البدي ماتجب الا اصلي غالبا .. لذلك غالية زي اغلب السيارات اما القطع الاستهلاكية اشوفها رخيصة ومعقولة .

كم موديل السيارة الي تبيها .
اهم شي افحصها مضبوط اذا نظيفة باذن الله بترتاح معها ..

واذا بتسعر او تشتري قطع لا تروح الوكالة غالين

رح الموزعين المعتمدين لقطع فورد زي التقوى . وخذ منهم تسعيره للقطع الاستهلاكية الي تبي وقارن .. والله فيه قطع ارخص من قطع الكامري وباقي السيارات وفيه قطع اغلى .. لكن اغلب القطع تعيش معك

موديلها 2011 و الممشى فوق الميتين ولكن صاحبها يقول انها مواظب عليها عند الوكالة فاتصور من غير المعقول ان السيارة تمشي كل هالممشى من دون ما تتعرض المساعدات للصيانة او الاستبدال و القير كذلك

اشوف ممشاها معقول السيارة عمرها فوق 7 سنوات الان يعني كل سنة اقل من ثلاثين الف طبيعي ..

لكن مادام الرجل مواظل عالصيانات بالوكالة فهذا شي ممتاز خصوصا اذا معه فواتيرها شيك عليها وشف الاشياء الي غيرها ..

واما بالنسبة للمساعدات افحصها عند شخص ثقة وشف اذا يحتاج لها تغيير او لا ، قد يكون مغيرها الرجال . واذا ماغيرها فهي تعتبر استهلاكية .

والقير اذا مواظب على تغيير الزيت واستخدامه طيب فالقير يتحمل شفت فيوجنات ماشية فوق 300 ماتغير لا قير ولا مكينة مب زي الكوري

طبعا زي ماقلت لك افحص السيارة ..

شيك على وضع القير والمكينة .. ممكن كراسي المكينة تحتاج تغيير اذا ما تغيرت من قبل .
شيك على دودة الدركسون لانها تخرب عند بعض الناس خصوصا الي مايعرف للسيارات يلف الطارة للاخير لين تطق ويعدم الدودة .

شيك على المكيف كتبريد ودفع هواء .ولاتنسى تتاكد من نظافة الفلتر
الفيوجن مكيفها باارد لكن دفع الهواء يعتبر ضعيف شوي مقارنة بالياباني . يعني اذا موقف بالشمي بتحتاح وقت لين تبرد السيارة لكن كثير من السيارات كذا

مميزات السيارة الي لاحظتها
السيارة متينة وصلبة والبودي قوي ماشاء الله تذكرني بموديلات التسعين ههههههه وزنها ثقيل حول الثنين طن .. لكن معطيها رساااوة ماعمرها هجت او حاصت علي ابدا مريحة بالخط عزل الهواء ممتاز العزل الارضي لا باس فيه.

بالنسبة لسعرها اذا ماجاها حوادث بال20 وتحت

اذا كانت نظيفة وماطلع فيها شي بالفحص استخر وتوكل بعد ماتجربها .
اسعار المستعمل منها رخيص انظف فيوجن ب20 الف وحولها الى 12 الف

بعكس الكامري تجيك مكروفة كرف ومعدومة واسعارها فوق الثلاثين .

عندي وحدة
شريتها وما سمعت النصيحه وحلفت ما اشتري فورد مره ثانيه سواقتي معتدله
1 الخرابات بعد 200 الف كيلو واحد ورا الثاني طبيت الصناعيه فوق 20 مره
2 القطع موجوده فقط عند الوكالة وعند الملحم بعضها القاها وبعضها افر التشاليح وبالقوة القاها
3 المكانيكية مو كلهم يعرفون لها تمر كذا محل لين تلقا واحد يعرفلها عشان تغير بكره يفك المكينه ويرفعها بجنزير سلامات
مريحه وفيها مميزات لاكن انحش ولا تغرك تلقاها ماشيه 200000 ب 15000 ليه فكر فيها لان بيطلعلك نخل من الخرابات والقطع كتاوت مالقيتها فما بالك في باقي القطع