أضف سؤال أو موضوع جديد          

ما رايكم في الفوكس؟

up 3 down 0
amine48 9
قبل 8 سنه



السلام عليكم
الله يكرمكم اريد شراء سيارة فوكس و نبهني البعض الى ان قطعها غالية و لا توجد الا في الوكالة
لكن السيارة اعجبتني و هناك صديق قال لي ان المازدا ثلاثة قطعها تناسب الفوكس 
مارايكم
السلام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته, اخي الكريم بالنسبة للقطع ما اعرف عنها كثير بس يقولون انها غالية ومتوفرة بالوكالة فقط بس فعلاً تركب عليها بعض قطع مازدا 3, بس بالنسبة للسيارة ممتازة بمعنى الكلمة عن تجربة. بس ابعد عن القير الاوتو لان مشاكله كثيرة وتقدر تدخل موقع حراج وتشوف اكثر الفوكس الاوتوماتيك المعروضة للبيع فيها مشاكل بالجير. وجمعة مباركة.


up 1 down 0
mustaf 421
قبل 8 سنه



وعليك السلام
نصيحه الشي اللي تبيه وتقد تشريه اشتره
الناس لها الف راي وراي ( رأي )
الفولكس قطعها متوفره بالوكاله
ويكفيك انها المانيه وانت شاري جديد وهي اعطالها قليل 
ارشح الفولكس واجن 


up 1 down 0



صادق السهل الممتنع, الناس تختلف في الاراء, وانت اذا نفسك فيها وارتحت لها توكل على الله وخذها ويعطيك خيرها ويكفيك شرها


up 1 down 0
خطاي الشوق 2532
قبل 8 سنه



اتوقع الرجال يقصد فورد فوكس مو فولكس من رأيي ابعد عنها اشتراها واحد من الشباب ب 8000 وباعها ب 2000 طفشته كل شوي خراب .. شوف لك بديل عنها مثل الاكسنت الالنترا الصني


up 2 down 1
المحترف99 928
قبل 8 سنه



خايسه مره ابعد عنها وانا اخوك عندك الكوري سوناتا.. النترا .. و .الياباني سيفك.. اكورد
بعد ثلاث سنوات ان شاء الله تشعر بالفرق بينهم وارشحلك الياباني افضل


up 2 down 2
البطش 3585
قبل 8 سنه



في وقت من الاوقات كنت ناوي اشتريها .. وكنت متردد بينها وبين المونديو .. ولكن بعد عدو مشاورات .. ومناقشات مع اصحاب الخبرة .. كلهم نصحوني ابعد عنهم الاثنين .. ورحت فرع للوكالة اللي بصناعية النسيم .. ولكن قالي اننا ما نجيب قطعها نهائيا .. وبعدها رحت الفرع اللي بصناعية الشفا ,, وتفاجات بان اسعر القطع الاستهلاكية غاااالية .. مع انه في بعض القطع معقولة .. ولكن اغلب القطع مبااالغ فيها .. لذلك انت حر بالاختيار ,,,


up 0 down 0



جمعتكم مباركة
كنت مع صديق لي نصحني بالشوفرليه ابيك احسن ايش رايكم


up 0 down 0
amine48 9
قبل 8 سنه



انا اقول لك من واقع تجربة هلسيارة امتلكت موديلين لها 
2005 خذيتها مستخدمة ماشية 200 الف وسافرت فيها وبعتها وهي ماشيه 300 وشوي
والله العظيم ما حطيت فيها غير الاقشمة وكفرات وديسك وصحن لانها كانت قير عادي يعني قطع استهلاكية 
وبعدها شريت 2006 لو ابيض والله ياهي حبوووبة هذه سلمك الله خذاها مني واحد من العيال وسافر فيها تركيا والله ماغيرنا غير هوبات واقشمة 
وراح ورجع الرجال ويشكر فيها واستهلاكية حيل في البانزين 
ع العموم بختصار خذها ولا تشاور ربعنا جحلط ونا اخوك الا من رحم ربي طايحين ع ابو لطفية وطقتة واسعار خيالية 
ويالي فيها مواصفات (طيس ,قزاز هندل ,قزاز عادي ,جنوط ابو طاعسة , شكل ولا اغباء , مواصفات ولا اخس ومقاعد مخمل ولا تكسر اوووم ظهرك 
ولا يقولون لك القطع رخيصة اقسم لك بالله انه مضحوووك ع اوووم امهم ولا هم دارين اجل المساعد بي 700 ريال وكل كفر له سعر خاص 
ع العموم خذها وصدقني راح تدعيلي وتراها مهيب امركية ذي موصفات الوربية المانية 
ومبروووووووووووووووك مقدماَ


up 0 down 0



وعليكمـ السلآم ورحمة الله وبركاته ,,

أمين .. أنا طرحت موضوع مثل موضوعك تقريباً عن مشورة الشباب بـ الفوكس ..!

كانت بين مؤيد ومعارض ..

وأغلب المعارضين بل أكثرهم إن لم يكن كلهم كان يعارض بسبب غلاء قطعها .. !

أنا طبعاً إستخرت .. بعد الإستشارة .. وتوكلت على الله واشتريتها ..

وأنا طبعاً مثلك سمعت بأن قطع مازدا 3 تركب على الفوكس ..

أنا متخوف هل تركب عليها .. ؟ !! ولآ ما تركب .. ؟!!

وكان تحتاج السيارة سير مكيف لأني إشتريتها مستعملة .. وسير المكينة كانت تحتاج إلى تغيير ..

المهم أخوي أيمن .. رحت لتوكيلات الجزيرة .. تفاجأت بأن سعرها بـ 230 ريال .. !!

المهم إشتريتها .. وندمت أشد الندم على هذا .. < ستعرف ليه ندمت بعد قليل !

وركبت السير .. والحمد لله السيارة ممتازة .. وقوية .. وثابتة .. ما شاء الله تبارك الله ..

المهم .. قلت خلني أشوف سير مازدا 3 2006 ..

وإلي يميز شركة مازدا بأن قطعها تجدها بغير الوكيل وبسعر ممتاز بعكس الفوكس ..

رحت لمحل بيع قطع الغيار لمازدا .. وقلت للبائع : أعطني سير مازدا 3 2006 ..

قال لي الرجال : فيه ياباني .. وفيه صيني ..

قلت عطني الياباني ..

وأعطاني السير .. وأتفاجأ بأنه نفس السير إلي مركبه بسيارتي ..

فقلت للرجال : بكم سعره ؟!ـ

قال بـ 45 ريال !

عاد أنا صرت سااااكت وقاعد أقلب بالسير لما شفت سعره !!

قلت بنفسي .. أنا شريت السير هناك بـ 230 .. وهنا بـ 45 !!


وبدأت جولتي للبحث والسؤال والمقارنة عن بقية القطع لمازدا !!

ومن خلال هذا البحث .. وجدت هذه قطع المازدا إلي تركب على فوكس .. وأغلبها ولله الحمد من القطع الإستهلاكية .. ::

1 / المساعدات ..

2 / الفحمات ( أقمشة الفرامل ) ..

3 / البواجي ..

4 / السيور ( وبالأخص سير المكينة .. يجيك سير طويل ) ..

5 / الكمبوروسر ..

6 / طرمبة الماء ..

7 / الليات التي تخرج من طرمبة الماء ..



وللمعلومية بأن مازدا 3 لها عدة أنواع ..

فإلي جاءني من الخبر بأن مازدا 3 2006 .. يركب على فوكس 2006 ..

ومازدا 3 2007 .. يركب على فوكس 2007 .. وهكذا .. والله أعلم ..


وأنا تجرتبي كانت مع الفوكس 2006 .. !


وأسأل الله تعالى بمنه وكرمه وجوده وإحسانه أن أكون قد نفعت إخواني الذين يشتكون من قطع الفوكس ..

وللعلم أن السيارة لآزالت معي وأي جديد فلن أبخل عليكم به بإذن الله تعالى ..

وبقيت المشكلة الوحيدة للفوكس هي : " قلت أهل الصيانة بصيانتها " .. !


اللهمـ صلي وسلم وزد وبارك على عبدك ورسولك محمد .. وعلى آله وصحبه آجمعين ..





جزاك الله خير يا ابو عبد الرحمن وفيت والله
فعلا مصيبة اسعار قطع غيار الفوكس
سيارتي فوكس 2009 و لازم اغير الهوب ما ادري كم سعره في الوكالة
لكن بروح اليوم ان شاء الله تشليح بريمان
وبروح منها قطع غيار مازدا 3 علي قولك يا ابو عبد الرحمن
وربنا يكتب ال فيه الخير


up 0 down 0
samtaher -1
قبل 4 سنه و 7 شهر



نصيحة لوجه الله لأحد يقربها


up 0 down 0
الأسكندرية
قبل 4 سنه و 7 شهر