أضف سؤال أو موضوع جديد          

استفسار حرارة التورس

up 0 down 0
abuomarr 224
قبل شهر



اخواني السلام عليكم
معي تورس ٢٠١٣ امريكي وقبل فترة كنت مشغل السيارة بالظهر ونزلت محل وقفلتها وهي شغاله
المهم ما طولت ورجعت حصلت موية الرديتر تسربت للارض والحراره فووق
طفيت السيارة وخليتها شوي نزلت الحراره لثلاث ارباع يمكن وشغلتها بوقفها بالظل بس ارتفعت اول ما شغلتها وطفيتها 

تركتها ورجعت بالليل وفتحت الرديتر عبيت مويه وكل شي تمام توقعت فيه تسريب بس مافي شي
كملت اسبوعين تقريبا وقبل امس بالظهر جيت وقفت السيارة وجلست دقيقه وهي شغاله لاحظت الحراره ارتفعت فوق النص وطفيتها على طول
ولاحظت موية الرديتر نفس الشي تسربت للارض
جيت بالليل وعبيتها ولاحظت فيه تسريب من القربة وخليتها 
من بكرا عبيتها الصبح والامور طيبة ولا فيه تسريب
طبعا ناوي اشحنها للرياض لاني اداوم بقرية ما فيها ورش لكن خوفي بالطريق توهقني
الشي الثاني كيف التسريب يروح ويجي؟ الحين مافيه تسريب ابدا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

مادامك شفت تسريب من القربة فاحتمال كبير منها 

وممكن التسريب ماظهر الا اذا كان فيه ضغط كبير وممكن انفتح اللي ويهرب واذا انخفض الضغط يرجع يقفل وماتشوف شي


شيك على المراوح هل تشتغل اول شي وغطا  الرديتر وبرضو شيك على البلف 


دامها من القربة شيك المراوح عندك ضعيفه وبالتالي يحصل ضغط داخل المكينة ومايبرد الماي بسرعه ويرجع للعلبة وغطا الرديتر

والافضل تعبي الماي الاصلي يتحمل حرارة اعلى


up 1 down 1
7amood1930 292
قبل شهر



عندي نيسان سنترا كانت تسوي كذا مرات ومرات و طلع بلف يقفل وما يفتح وغيرته وبعدها ما ارتفعت


up 0 down 1
ksa_p.8 16
قبل شهر



وقوف السيارة الطويل والمكيف شغال وقت الحر القوي  خاصة المواتر الاوله يضر السيارة انا كان معي فورد فكتوريا ووقفته يمكن ساعة وشوي وجيت لقيت الحرارة مرتفعة والماء مفور ومهرب وبعدها خربت الثلاجة وصارت تهرب موية على المكينة وغيرتها ب٧٠٠ ريال حقها هذا زمان 


up 1 down 3
جبل شعيب 98
قبل شهر



بلف الحراره للتورس قيمته 65 ريال أو أقل

غيره منت خسران و شيك على القربه شف فيه صدى
إذا فيه سيخ الرديتر و غير البلف
وركب مويه اصليه
و رد لنا وش صار


up 2 down 1



عندي نفس مشكلتك سيارتي اكسنت وغيرت غطاء الرديتر من الوكالة على رقم الهيكل والحمد لله انحلت المشكلة


up 0 down 1
الخاطووف 102
قبل شهر



مشكلة شائعة في التورس من 2013 وفوق وصارت مع أحد اقاربي معه 2015 لكن نسيت وش اللي كان يهرب
بس السبب الرئيس في المشكلة هو ريش التهوية الموجودة أمام الرديتر خلف الشبك هذي تفتح وتقفل بشكل تلقائي ومتكرر حتى أثناء المشي
بعض الناس يثبتها بمسار عشان تبقى مفتوحة على طول


up 3 down 1
فورد530 1288
قبل شهر



اذا القربه تسرب من الغطى الوضع طبيعي اذا فيه مشكله في التبريد تنسم للامان

1 افصل الكتاوت حقت المروحه وشيك على الافياش ومداخلها اذا فيها اثار ذوبان او حرق غيرها او عدلها بسكين عشان يتلامس السلك

2 اذا المروحه تشتغل لاقصى درجه غير غطى الرديتر
3 ممكن مشكله في البلف او الطرمبه لازم واحد يفحصها لك يفصل اللي ويفحص ضغط الطرمبه ويبين وشيك كلام فورد530


up 0 down 0



انتبه من طرمبة الماء 
تراها داخل المكينة
ودايم تخرب بالتورس 
شف جهة السيور هل فيه تهريب 

امس واحد من العيال صار له زيك 
وبالاخير طفت السيارة ولاعاد اشتغلت
ويبي لها نص توضيب 

اهم شيء بالتورس 
طرمبة الماء لانها داخل المكينة 
ودايم تخرب 

قيمتها رخيصة ب ٣٥٠ يمكن 

لكن المشكلة لازم فك مكينة 
وشغل اليد من ٢٠٠٠ الى ٢٥٠٠




up 0 down 0
galaxy 909 13
قبل شهر



دام السيارة وهي ماشية أمورها تمام وعند الوقوف ترتفع الحرارة
شيك على فعالية المراوح و سرعتها والرديتر..
ايضا من اكثر مشاكل التورس منظم المروحة (كتاوت المروحة)
ومن اعطال المنظم المروحة شغالة وفجأه تطفي المراوح


up 0 down 0
alsaahr5753 11
قبل شهر



ابدا بالاسهل و الارخص 

1-شيك ع مراوح التبريد للسياره

2-غير بلف الحراره (واتوقع ان مشكلتك منه)

3-غير غطاء الرديتر

4-وهاذا خله اااخر خيار اذا مانفع كل ماسبق الي هو تسييخ الرديتر 

بكذا هاذي كلها اسباب الحراره في السياره باقي بس طرمبة الماء وهاذا مستبعد في مشكلتك الحاليه 
لأن طرمبة الماء اذا خربت راح ترتفع الحرراره حتى لو انك في القطب الشمالي 


up 0 down 0
shaker.alotibi 9
قبل 4 أسبوع و يوم