مشكلة ازلية في مكيف الفورد من يوم شريته

ممكن من مروحه المكيف

لاتتعب نفسك هذا الموديل دفع المروحه فيه ضعيف نصيحه اخويه لاتسوي شي راح تخسر ولاتستفيد شي
ولكن لو حابب تجرب حظك نظف الثلاجه قد تكون مقفله غبار وأتربه

مر كهربائي كويس يحل مشكلتك
نفس مشكلتك جتني
مابتكلفك اذا الحار مشبوك يفصله
واذا ماانحلت
فيه مدري وش سوا من عند رجول السايق
اذكر ان طلبني هوز مترين جبت له وحلها

موديل سيارتي98مكيف الكتروني
التكلفه حوالي150الى200ريال
الكهربائي في الجبيل

لاتتعب نفسك من تجربه بالفكتوريا وخواتها الثنتين
هذي من مشاكل فورد الازليه تبريد ضعيف وانوار ضعيفه
ظلل السياره وريح راسك
ولو حصلت حل علمني عشان اشتري فكتوريا
لي فتره افكر فيها بس شايلها من راسي بسبب المكيف
عاد الله العالم المشكله من الثلاجه او من الكبمروسر
لو من الكبروسر شف كان يترهم عليها حق نيسان او اي سياره
مكيفها ثلج

اخوي احتمال كبير الهوايه مسكره تجي يمين تحت درج الراكب يمين تحت

ممكن عندك سدد فمجاري الهوا وايضا مثل ماقال اخوي هبووب الشمال

فك ثلاجة المكيف ونظفه ونظف المراوح وان شاء الله يتحسن معك
مكانه اذا فتحت الكبوت فوق يسار اللي شكله دائري
طبعاً فك اصابع البطارية علشان ما يكون في مشاكل وكذا

اتفق مع هبوب الشمال و ابو حسين
وممكن يكون القسام خربان او مايل ومايظهر لك هواء لا من فوق ولا منتحت يضيع بالطبلون 

وموديل موترك سهل توصله مو مثل اللينكولن المهم حاول تحرك القسام فوق تحت تلينه وبعدها تثبته عالمستوى حق الفتحات 
طبعا خل كهربائي يسويه افضل لانه يعرف مكانه وكذا

وبالتوفيق

احتمال نفس ماقال لك هبوب الشمال فيه الهوايه بالطبلون جهة الراكب
يجي مكانها ورا الدرج بعضهم يقفلها عشان ماتدخل الروايح من فتحة 
المكيف ويصير دفع الهوا ضعيف واصلا لو تقفلها ماستفدت شي 
يعني الروائح تدخل عليك لازم تقفل الهواية من برا مكانه عند المساحات 
جهة الراكب تقفله بعازل وخلاص ماتدخل عليك وافتح الهوايه الداخليه 
اللي بالطبلون ويختلف معاك دفع الهوا والتبريد . لاني انا قفلت الهواية 
اول اللي بالطبلون وصار دفع الهوا ضعيف وفتحت الهوايه ورجع الدفع قوي 
اذا مافهمت كلامي هذا رابط للمحترف باليوتيوب
اسم الفيديو '''طريقة اغلاق الهواية بالفورد والماركيز'''
وهذا رابط الشرح يتكلم عن طريق اغلاق الهواية وانت 
سو العكس لاتسكرها افتح الهوايه حتى شف 
بالدقايق 5:50 يقول اذا قفلت الهواية يصير دفع الهوا ضعيف 


https://youtu.be/eTVyCCNn0Ro

طيب شوف ياخوي وركز معي زين مشكلتك الي لها 10 سنوات بحلها لك وانا اتحمل مسؤولية كلامي

طبعا انا من الناس الي اشتغل كل شي بنفسي والمكيف امس صار عندي فيه ضعف
نفس مشكلتك بالزبط واطريت اني افحص نظام التكيف كامل واخذت خلفية كامل عن مكيف الفورد

طيب قبل ما ابدا في خطوات الحل راح اذكر لك حاجتين مهمة

1- نظام المكيف في الفورد هوا والهواء عن طريق الليات الي في الكنترول طبعا تاخذ قوتها من الهوز تبع الباكم الي ياخذ هوا من البوابة

2- تنظيفك للثلاجة بدون فكها بالكامل خطأ المفروض تفكها كامل علشان تنظف الرديتر الداخلي وتنظف كل جزء بالتفصيل

نبدا في الحل ركز معي علشان تستفيد ويستفيد من عنده نفس المشكلة انا بذكر الشرح كامل //

عندك اشياء مهمة وهيا الاقرب لمشكلتك وهيا الليات + والهواية الداخلية + واذا كان عندك مشكلة في القسام وحليتها عن طريق فصل المواصير الخارجية
فممكن القسام يكون مفتوح على الحار طبعا رح يقل الدفع عندك بس ماراح يجيك هوا حار لانك فاصله من المواصير

الاشياء الثانوية الكنترول + الهواية الخارجية + المروحة نفسها فيها ضعف

نبدا نشرح كل شي بالتفصيل

الليات / هاذي سبب مشكلتي وراح اكتب موظوع عنها,, لانها تتحكم بكل شي في المكيف قفل الهواية وفتحها والمكيف الارضي الخخخ
مشكلتي كانت ان اللي الموصل بالهوز تبع الباكم مقطوع طبعا من الحرارة انقطع الي صار عندي مباشر ان الهواية الداخلية تسكرت
وما رضيت تفتح وفي نفس الوقت في ضعف في الدفع حتى مع فتح الهواية

المطلوب منك تشيك على كامل الليات الخارجية والداخلية
شد حيلك ممكن فيها تنسيم قطع عاد الله يعينك الامر متعب ولكن اظمن انها سبب المشكلة

في حال كانت الليات سليمة بختصار تسد الليات الاسود والازق والابيض من تحت عند الراكب بطريقة سهلة ومشروحة في النت
فايدتها تلغي الارضي والي فوق تخليه بالوجه فقط

وهذا رابط الموضوع
http://www.ford4arab.com/vb/t35032.html
وهذا مقطع يشرح الطريقة
https://youtu.be/zbUytwFLX4o

الهواية الداخلية تحصلها تحت الدرج وهنا في نقطة مهمة علشان تكشف لك اذا الليات خربانة او لا
طبعا الهواية بختصار عندها هوز ابيض تفصله تقفل الهواية تشبك تفتح
في حال شبكته وما فتحت حتى مع تشغيل السيارة فتأكد 100% انها من الليات

هذا فيديو يشرح لك اغلاق الهواية وفتحها ( طبعا ذكر انها هيا المسؤول عن الرواح الخارجية وهذا غلط )
https://youtu.be/eTVyCCNn0Ro

نجي للقسام راح يضعفه بشكل بسيط الفكر بختصار ان القسام يقفل علشان البارد ويفتح علشان الحار
غالبا القسام يعلق على الحار او بختصار افصل البطارية وارجع اشبكها اذا سمعت صوت طق طق طق هذا من القسام وعاد شوف هو مفتوح ولا مقفل
اذا مفتوح يضعف عندك الدفع واذا مغلق يزيد طبعا قبل كل هذا تأكد انت فاصله من برا ولا لا
اذا فاصله من برا افحص واذا لا بتحس بالحرارة مباشرة تجيك في حال كان عطلان

هاذي الاشياء المهمة

الثانوية وراح اعطيك نسبة احتمال خرابها وحلها

الهواية الخارجية انا مقفلها ومعين خير بس انت دامك تبغى دفع فكها نظفها ورجعها تحصلها مثل الفلتر كتبت موظوع تقدر تدخل على اسمي وتشوفه
احتمالية الضرر منها 0% مالها تأثير

الكنترول مشكلته تكون في توزيع الهواء وليس ضعف الهواء حله ذكرته فوق وهو انك تقفل الليات الاسود والازرق والابيض
احتمال كبير منه في حال عندك الهواء يطلع من كل مكان مما يسبب لك ضعف في الدفع

المروحة كل الي اقدر اقولك عليه خليها اخر شي بعد ما تتاكد من كل شي غيرها لان احتمال خرابها ضئيل جدا


مواضيع تفيدك ركز عليها وعلى التعليقات //

http://www.ford4arab.com/vb/t16765.html مهم جدا شرح كامل

http://www.ford4arab.com/vb/t17929.html مهم جدا

http://www.ford4arab.com/vb/t107216-2.html مهم جدا جدا في احد التعليقات راح تشوف الليات


http://www.ford4arab.com/vb/t1761-12.html الموظوع له 24 صفحة راح تلاحظ ردود الاعظاء استفيد منها

انشأت قروب للفوردات تقدر تدخله وماراح يقصرون معك او تتواصل معي شخصيا وانا افيدك بكل شي بالتفصيل

انا اعلمك  وعن تجربة  فكتوريا ٩٧ لمدة خمس سنوات وفكتوريا ٢٠٠٣ لمدة ٤ سنوات  المكيف  دفع الهواء فيه  وسط أو أقل والبرودة وسط  وخاصة في النهار تكون أوسط أو أقل  وكنت اذا لحالي اسكر حقت الراكب الثنتين وبكذا يزيد دفع الهواء بوجهي ولكن متكيف ومتحمل الوضع بالقناعة والصبر والتعود والتحمل  وصارت عادي عندي والثانية خرب علي بعد سنتين وغيرت كومبرسور ولياته وضبط سنتين يمكن كلف ١٣٠٠ اذا ماني ناسي 
لكن انت في الفكتوريا تتنازل عن التبريد في مقابل راحةة كبيرة ووسع المرتبة الكبير ومنظر جميل   وسعر رخيص وقطع غيار متوفرة 

يالغالي أنا معي ماركيز 2008

و تورس 2010 توني مركب كمبريسور وكاله مع رديتر و نظفت الثلاجه

مكيف الماركيز أطلق بمليون مره ثلللللللج
ولا يفصل إذا وقفت

غير مروحة سيارتك

اللي يقول الموديل هذا مكيفه كذا غلطااان كان عندي ماركيز 99 مكيفه ابرد من مكيف الصني

كانت عندي نفس المشكله و السبب انه المكيف يتوزع بالاعلى و الاسفل

روح لاي كهربائي مختص بالمكيفات قوله يالضبط مثل ما اقولك

قفل لي الهواء من الاعلي و الاسفل وخلي الدفع فقط من الامام