أضف سؤال أو موضوع جديد          

تنتيع في الفورد وانا داعس خفيف على سرعة 80 وفوق

up 1 down 0
محمد الغامدي 20 16
قبل 2 شهر و أسبوع



يالربع عندي تنتيعه وانا داعس خفيف على سرعة 80 وفوق واذا دبلت الدعسه تختفي وش المشكلة افيدونا يا أهل الخبره
علما ان السيارة فورد ماركيز 2010 امريكي ماشي 340 الف كم

وكذلك المكيف احيان يفصل ويرجع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكله كهربائيه ممكن كويلات او بواجي ، او حساسات 

وممكن حساس القير لان اتوقع النتعه مع التعشيق عندك


up 0 down 0
m7md 33 602
قبل 2 شهر و أسبوع



صارت معي اكتشفت ان الثلاجة تهرب موية على البواجي 

الثلاجة بعض الاوقات يكون فيها تنسيم خفيف ومع الضغط تهرب موية اذا تبغى تتأكد شوف اذا موية الرديتر فيها نقص 

او طلع البواجي وافحصها اذا مبلولة 


up 1 down 0
ادميرال2002 166
قبل 2 شهر و أسبوع



هذي اعتقد مشكلة حساسات ،،،حاول تفحص كمبيوتر


up 0 down 0
ابو حسين.......... 789
قبل 2 شهر و أسبوع



احتمال الثلاجة تهرب .


up 0 down 0
فهد ابن حسين 46
قبل 2 شهر و أسبوع



الله يسعدكم جميع لا خلا ولا عدم

وبختبر البواجي واسلاكها والثلاجة بإذن الله وارجع اعطيكم العلم
بس حساس القير وين مكانه بالضبط وكيف اختبره ؟


up 0 down 0
محمد الغامدي 20 16
قبل 2 شهر و أسبوع



خلك من القير شف المكينة فيها تفتفه اذا واقفه او لا اذا فيها شف الكويلات والبواجي والبخاخات يدوي اذا اختلاف صوتها شغال اذا اختلاف شي بسيط ضعيف وشف الصفاية البنزين تحت التانكي وشف بوابة الثروتل يمكن تحتاج تنظيف


up 0 down 0
هبووب الشمال 28
قبل 2 شهر و أسبوع



يالربع الثلاجه تمام
واسلاك الكويلات فيه خمس اذا فصلتها اختلف صوت السياره وثلاثه اختلاف بسيط هل تكون النفتفه منها ؟


up 0 down 0
محمد الغامدي 20 16
قبل 2 شهر و أسبوع



أنصحك روح افحص كمبيوتر قبل تغير أي شيء امنع نفسك من الخساير وتغيير اشياء قد تكون صالحة
افحص مكينة فقط وإذا ما اتضح شيء افحص قير
وشيك قبل الفحص (إذا عندك امكانية تسويها بنفسك ) من جلد الكويلات لان عند تغيير البواجي قد يتلفها الكهربائي أو الميكانيكي بدون قصد
مشكلتك صارت عندي وما خليت شيء مما كتبه الاخوان وإلا غيرته أو شيكت عليه في الاخير فحصت كمبيوتر و وجدت واحد من الكويلات ضعيف و بعد فكه وجدت جلدته مقطوعه
وبعد ما غيرتها رجعت السيارة طبيعية 
سعر الجلدة على ما أذكر 45 ريال 
وبالتوفيق


up 0 down 0
abo--fahad 74
قبل 2 شهر و أسبوع



عندي نفس المشكله وتزيد اذا شغلت المكيف وننتظر الحل


اخوي بدون نقاش
الفورد اذا فيه خلل اشعال missfire
يبان على طول بسرعه 80 .!!
لان الموتر بالسرعه ذي
في اخر نمره والطنجره قافله
والموتر ثقيل والحمل على المكينه عالي في rpm منخفض
مباشره اي خلل في الاشعال تحسه باينه وتحس بنفضات وهزات بسيطه


هالشيء يصير من الكويلات والبواجي
فك الكويلات واسحب الجلده واعرف كيف اتجاهها
ونظف السسته وهي بالكويل ورجع طبق من جديد
نظف باي شيء منديل رطب بصابون او بخاخ الكترونيات
انتبه تستخدم منظفات الكلبليتر مثل اي سي دلكو

يبقى البوجي في المكينه عاد هذي مشكله
اذا بتفك فشغلتك مطوله واذا بتطبق عليها وهي وصخه ممكن ماتضبط
الافضل غير بواجي كصيانه ونظف الكويلات


ودائما دائما دائما
الفورد مايبدا ينفض الا الكويلات او البواجي جاها ماء .؟!
يعني يامغسل المكينه او فيه تهريب مويه
خلاف ذلك مابتحصل هالمشكله

سابقا نظفت المكينه
ومباشره قام يتفتف الموتر وينفض
فكيت الكويلات وداخل كل فتحه بوجي القيت نظره
حصلت مافيه مويه قدها جفت بس .!!
البوجي وسسته الكويل صدت
وهذا سبب ضعف التوصيل



up 0 down 0
م.داحم 72
قبل شهر و 4 أسبوع



الله يرحم والديكم جميع
المشكله فعلا من الكويلات فكيتها ورجعت طبقتها ما عدا اثنين مساميرها مكسره وغير ثابت
بعدها مشى معي زي اللوز فترت اسبوع ورجعت التفتفه على خفيف فأتوقع من الثنين اللي ماهي ثابته
وسلامتكم


up 0 down 0
محمد الغامدي 20 16
قبل شهر و 2 أسبوع



السلام عليكم السيارة تطفى معك يعني اذا وقفت عند اشارة او شي لان المشكله عندي وغيرت ضفيره وغيرت كويلات الي سعرها ب65ريال كامل مع بواجي والمشكله باقي موجوده


up 0 down 0
مندوببيع المنظفات 4
قبل شهر و 2 أسبوع



وعليكم السلام
لا السيارة ماكانت تنطفي
واعتذر ماعندي المعلومات الكافيه اللي افيدك فيها