أضف سؤال أو موضوع جديد          

شريت اكسبلورر- أصحاب الاكسبلورر المساعدة اذا تفضلتوا

up 2 down 0
الاحترافي 1109
قبل 2 شهر و 2 أسبوع



السلام عليكم

مساكم الله بالخير فردا فردا

يا اخواني الحمدلله من فضله ونعمه اشتريت اكسبلورر 2011 خليجي لمتد

والسيارة حاليا ماشيه قريب 137 ألف

والصيانات على كلام صاحبها الأول المحترم إنها في بترومين

والدليل وجود ستيكرات على القزاز ..وان الصيانةالقادمة 147 ألف

عموما يا جماعة الخير اللي حاب اسأله طبعا لأهل الاكسبلورر خاصة ولأهل الفورد او أصحاب الخبرة عامة
عندي شوي ملاحظات اكتبها اتمنى الإفادة ولا استغني عنكم

1- الكاميرا الخلفية عند الرجوع للخلف لا تعمل ( Camera is unavaliable - please contact you dealership ) أي بمعناه ان الكاميرا غير متوفرة .. الرجاء مراجعة الوكيل او البائع
ما أدري هل هناك حل او احدطلعت له هالمشكلة !!

2 - زيت القير على كلام صاحب السيارة لازم يتغير. . هل زيت القير يتغير او يزود عليه !!

3 - ايش نوع الزيت الأفضل للاكسبلورر. وهل تنصحوني بتغييره كل 5000 أو كل 10 آلاف

4 - أفضل كفرات للاكسبلورر جنط 20

5 - هل قطع غياره غالية جدا ؟ لأن حسب الفحص تحتاج إلى قطع بسيطة جدا تحت باطن السيارة ( المقصات والجلد والخ .. ) ويحتاج لها تربيط من تحت ,, هل هناك ورشة معروفة بالرياض شغلهم نظيف ومرتب واسعارهم معقولة يهتمون بالاكسبلورر بشكل خاص

6 - لو بركب نفقيشن .. هل أقدر أركب على شاشة الوكالة ؟؟


المعذرة على كثرة الاسئلة لعل وعسى احد يجاوبني ويفيدني وبنفس الوقت كل من راجع قسم الاكسبلورر يمكن يجد ضالته في موضوعي وردودكم

اخوكم أبا سلللطاااااااااان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مبروك مقدمأ
اجوب بعض الاسئله
1- احتمال برمجه او حساس او سلك مفصول
2- نعم يتغير زيت القير مع الفلتر ان وجد بعض السيارات فقط زيت بدون فلتر
ونوع الزيت ماينكرافت VS اسئل الوكاله نوع الزيت المخصص لها
3- زيت مقاس 5\20 مكتوب بغطي الماكينه اذا غير موجود البديل 5/30 او 10/30
كلها ممتازه ولاتعدي 10/30 تغير كل 5000
4 - افضل كفرات جودير امريكي اوكندي ممتاز للفورد
5- قطعها الخارجي البدي غالي الماكينه والقير نفس التورس والايدج
نفس القطع وسط اسعارها
6- ماتقدر تركب نفقيشن علي شاشة الوكالة غير مخصصه
يتم تغيرها شاشه رودماستر او فلاي خرايط وسيدي وبلوتوث وUSB
سعرها 1000 او 1200
.


up 2 down 0
ماجد المطلق 10760
قبل 2 شهر و 2 أسبوع



الف شكر يا ماجد

الغريب ان الكاميرا اول ما شريت السيارة كانت ما تشتغل
لما غسلت السيارة اشتغلت فجاة من حالها
وبعدها طفت ..
ولا عاد اشتغلت

اما موضوع اركب شاشة !! ممكن لكن المشكلة ان الشاش مرتبطة بالسيستم الخاص بالسيارة من مكيف وتبريد المراتب وتسخينها وتقريبا كل شي ... تغييرها مجازفة


up 1 down 0
الاحترافي 1109
قبل 2 شهر و 2 أسبوع



بما انه اول ما غسلتها اشتغلت يعني الموية دفت شي ولمسته في بعض اتوقع عندك الكاميرا لو تتبع اسلاكها تلاقي سلك مفصول بالنسبة للشاشة الوضع تطور
الان تركب الشاشة ويجي معاها النظام متكامل من مكيف وتبريد مراتب كله راح تلقاه في الشاشة
قبل فترة ركبت مع واحد من الشباب شاشة bmw الفئة الخامسه موديل 2007
شاشة الوكالة مربوط فيها اشياء كثير من صيانة من حالة السيارة والبواجي واشياء كثير جدا مرتبطه في الشاشة
وركبت الشاشة بدون اي مشكلة والنظام الجديد احسن من حق الوكالة



up 2 down 0
ms3al 1610
قبل 2 شهر و 2 أسبوع



كويس يا مشعل بس الشاشة هذي هل لها ضرر ؟؟ يعني لو ركبتها ما تضر الكهرباء ؟؟؟ وهل هي كويسة واستجابة سريعة ؟


up 0 down 0
الاحترافي 1109
قبل 2 شهر و 2 أسبوع



والله خبرك انت مرره قديم يبغالك تحديث اغلب الشاشات 99% من الشاشات فك ركب كأنها حقت وكالتها
الان تطورت الدنيا استجابة سريعه ورام عالي ومعالج قوي
لا توسوس تراها شاشة شغلتها بسيطة
بس كان تبغا النصيحة اذا سيارتك ليمتد الي هو ازارير لمس ونظام sony نصيحة لا تغير لانه مافي شاشة راح تجي بنقاوة المسجل حق الوكالة الي بنظام sony


up 0 down 0
ms3al 1610
قبل 2 شهر و 2 أسبوع



ماشاءالله تبارك الله

كم سعرها طلعت عليك و ايش المميزات والعيوب لاهنت .


up 1 down 0
panamira 1880
قبل 2 شهر و 2 أسبوع



حياك يا باناميرا

والله تقريبا اخذتها قريب الخمسين ألف
بس الحمد لله نظيفة السيارة

مميزاتها مريحة بالطريق .. التكييف جدا بارد ماشاء الله
المراتب مريحة جدا ,,,جربت اعمل تسارع بالسيارة الاستجابة كويسة نوعا ما
مسكت الدايري ما حسيت بنفسي الا اني ماشي 140 الف .. ماشاء الله يعني مريح جدا

العيوب .. الكفر عندي فيه قساوة شوي . يمكن نوع الكفر لأنه صيني اللي مركب عليه
الشاشة تمنيت فيها مميزات النفقيشن ومميزات ثانية
المراوح لما تطفي السيارة تستمر تشغيل ولها صوت قوي .. مدري يمكن المشكلة عندي

وسلامتك


up 0 down 0
الاحترافي 1109
قبل 2 شهر و 2 أسبوع



سلمت و ماقصرت

والله يبارك لك فيما تملك


up 0 down 0
panamira 1880
قبل 2 شهر و أسبوع