أضف سؤال أو موضوع جديد          

فورد تورس 2013 والحراره ومشكلة المراوح

up 8 down 0
ahmad alotaibi 306
قبل 2 شهر و 3 أسبوع



السلام عليكم ورحمة الله وبركاته

تكمله للموضوع السابق https://ford.montada.haraj.com.sa/60707/للمقبلين-على-شراء-فورد-تورس-شوية-تجارب-ونصائح/ تفاجأت يوم رحت اغير زيت السياره ان فيه مويه تنزل من المكينه مع ملاحظة ان مافي اي تغير بحرارة السياره الحراره طبيعيه رحت لورشه وبعد ساعه بحث وتدقيق صار عندي الطبه اللي بالمكينه هربت مويه وصار ومكانها عسر اضطروا يفكون الوجه كامل انوار شبك صدام اديتر مراوح والدينمو علشان يوصلون لها والفريون طار بعد وتم تغييرها ووضع معجون اصلي بس المهم اني مع الصدمه مااستوعبت وش سبب اللي زاد الحراره والضغط في المكينه وتسبب ان الطبه تضرب وبعد ماركبوا كل شي وتأكدوا ان ماعاد فيه تهريب جا الكهربائي يعبي فريون واكتشف الخلل ان مروحة المكيف خربانه والتورس تجي مروحتين وطبعا مافيه شي تشتري مروحه بلحالها لازم تشتري الطقم كامل وسعرها 600 ريال فالله الله يا اخوان شيكو المراوح انها شغاله وامورها زينه لان عداد الحراره مااعطاني حتى تنبيه او تحرك شعره تخليني اشك بخلل يعني ارتفعت الحراره وضربت الطبه والعداد ماجاب خبر اعتذر عن الكتابه بسرعه وعدم التنسيق







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معوض خير يا اخوي وجزاك الله خير افدتنا بس عندي سؤال طقم المراوح اصلي؟


up 1 down 0
محمد بن مطر 46
قبل شهر و أسبوع



ايه نعم طال عمرك ووفرها زميل لي صاحب ورش عن طريق معرفه بسعر جيد بس مايفرق عن السوق الا ميه وميه خمسين تقريبا وقالي اقدر اجيب لك المروحه الصغيره من التشليح اوفر لك وفضلت اني اغيرها الثنتين وكاله لان عمرها حول الست سنوات


up 0 down 0
ahmad alotaibi 306
قبل 4 أسبوع و يوم



انا اصلح مراوح التورس دام القلب سليم اغلب مايتعطل فيها الفحمات
وشغلتها بسيطه حرام خسارة ٦٠٠ ريال على شغله بسيطه


up 0 down 0
;كاسبر 793
قبل 3 أسبوع و 6 يوم



الشغله البسيطه كلفتني طبه وبغت تروح المكينه والحراره ماادري للحين ليش ماارتفعت شي غريب مع ان عداد الحراره شغال ؟؟ وغيرتها لاني اعتقدت ان عمرها الافتراضي قرب يخلص ماقصرت من وكالتها ست سنوات


up 0 down 0
ahmad alotaibi 306
قبل 3 أسبوع و 4 يوم



اخوي احمد انا اهرج على المراوح ان شغلتها بسيطه حرام خسارة ٦٠٠ ويمكن اصلاحها
واللي عنده مراوح خربانه سواء وحده او الثنتين يتواصل معي ويبشر


up 0 down 0
;كاسبر 793
قبل أسبوع و 6 يوم



همك طال عمرك انا بسبب ان وقتي ضيق قلت اشتري راحتي ولا حصلت ناس يغيرون فحمات وتماتيك المروحه وامورها عال العال وترا المروحه القديمه عندي اذا انك شراي نتكسب


up 0 down 0
ahmad alotaibi 306
قبل 4 يوم و 22 ساعه