أضف سؤال أو موضوع جديد          

كراون فكتوريا .. مشكلة لمبة المكينة البرتقالية وش الحل؟؟

up 0 down 0
abonoura 5
قبل 4 شهر و 3 أسبوع



السلام عليكم

قبل اسبوع اشتغلت عندي لمبة بالطبلون ومباشرة بعدها وقفت السيارة علي فجأة وانا بالطريق طفت كأن البنزين خلص جنبت وشلناها بسطحة ومريت كم ورشة طلع المشكلة طرمبة البنزين . غيرتها بجديدة أصلي ب 1100 ريال .. المشكلة الآن بعد تغيير الطرمبة ولعت عندي لمبة المكينة البرتقالية اللي تجي يمين في الطبلون ، فحصت كمبيوتر قال لي عندك مشكلة طرمبة البنزين قلت توني مغيرها جديدة بالورشة اللي بالشارع الثاني قال طيب انا بطفيها من عندي واذا اشتغلت عليك مرة ثانية فالمشكلة طرمبة بنزين!!!

باليوم الثاني اشتغلت اللمبة والى يومكم هذا ما طفت . يا ليت اللي عنده خبرة بالفورد ينورنا وش الحل؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم
جرب تفك اصابيع البطاريه وتنتظر 10 دقايق ثم تركب الاصابيع مره ثانيه
طبعا راح تطفي اللمبه
لكن اذا اشتغلت مره ثانيه ففي عندك مشكله


up 1 down 1
dub_r-50 362
قبل 4 شهر و 3 أسبوع



ارسل كود الفحص علشان نفيدك


up 2 down 0
هبووب الشمال 33
قبل 4 شهر و 3 أسبوع



عادي انا صارلي مثلك وطفت بنفسها بعد كم يوم


up 0 down 0
اودي666 165
قبل 4 شهر و 3 أسبوع



جرب مثل ماقال اخوي شيل اصبع السالب ١٠ دقايق 
وارجع ركبه 

واذا ركبته لاتشغل ع طول 

افتح السلف لين تولع كل اللمبات بالطبلون وخله ٣٠ ثانيه وطفي 
كرر هالحركه ٣ مرات والرابعه دق سلف 

ان شاء الله تكون برمجت 

واذا ما ضبط 

اوجع للي ركب لك لان احتمال ماركب الافياش مضبوط 
وصارتلي ع كامري غيرت فلتر وثاني يوم طفت ع خط وسطحه وحوسه وديتها كهربايي قال الافياش ماهي راكبه مزبوط 
ركبها وليومك تمام من كم سنه الحمدلله


up 0 down 0
m7md 33 674
قبل 4 شهر و 3 أسبوع



انتظر كم يوم ....ان شاء الله تروح
اذا ما راحت
ارجع للشخص اللي سواها لك
يمكن تحناج برمجه



up 0 down 0
لا للغلاء 585
قبل 4 شهر و 3 أسبوع



المفروض تحتاج برمجة بعد التركيب 
انا ركبتها ع ماركيز 2011 ركبة طرمبه وكاله وشفت الميكانيكي ركب السيارة بعد ماخلص شغلته وقام يضبط في الاعدادات بس والله مادري كيف الطريقه بالضبط 


up 0 down 0
yasser alyasser 506
قبل 4 شهر و 3 أسبوع



روح للي ركبلك الطرمبة وخليه يحللك المشكلة ويشيك على كل شئ


up 0 down 0
rashidy 436
قبل 4 شهر و 3 أسبوع



ياخوي مو معناة غيرت الطرمبه يعني تختفي اللمبه لا الخطاء يبقى موجود كل اللي عليك تروح اقرب محل برمجه تقوله احذف لي الاخطاء او تفصل اصابع البطاريه لمدة ١٠ دقايق


up 0 down 0
withoutx 14
قبل 4 شهر و 3 أسبوع