أضف سؤال أو موضوع جديد          

تنصحون اشتريه او لا ؟

up 3 down 1
raptor-ahmad 7
قبل 3 أسبوع و 2 يوم



السلام عليكم ورحمة الله ،،

كيف الحال ؟...

حصلت فورد F150 ٢٠١٤ XLT مستعمل ماشي ١٠٥ الف عند توكيلات الجزيرة قسم المستعمل .. السؤال مب هنا



السؤال : هل تنصحون اشتريه او لا لانه كان تبع شركة الكهرباء (سكيكو) وتعرفون بعض الموظفين مايهتمون بالسيارة اذا كانت تبع شركة لانها مب من جيبه ..

والشي الثاني اني شفتها وجربتها والحمدلله مافيها شي لكنها جدا مغبرة ومتسخة من داخل والمكيف اذا شغلته يطلع غبار .. وطبعاً قال لي الموظف اذا شريته راح يلمعون لك السيارة داخلياً وخارجياً ويطلعونها لك كانها وكالة .. وقال لي تقدر تفحصها اذا تبغى ..

الشي الثاني .. سعرها 56,700 ريال .. هل تشوفونها تستاهل او لا ؟

ووش افضل الورش بالدمام او الخبر لفحص السيارة ؟ .. قريت انه ورشة سهم اللي بالخضرية من افضل الورش ؟ .. ياليت اللي جربهم يفيدنا الله لايهينه


ملاحظة : ما ابغى ادفع من جيبي على سيارة وبكرا من ورشة لورشة .. هل تؤيدون اخذها ولا اشوف غيرها ؟؟ .. وكيف اعرف اذا السيارة فيها صدمات او رش او سمكرة ؟؟



والسلام عليكم وجزاكم الله خير ،،




اعتذر على الاطالة










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


م انصحك اذا كان تبع شركه يعني اكثر من شخص استخدمه


up 1 down 0
abdulaziz bin ateeq 201
قبل 3 أسبوع و 2 يوم



بصراحه بحكم اخوى شغال بشركه حفر يعلمنى يقول نسوق ونيتات جموس
كل ٥ سنوات تغيرهم الشركه ومايشتكون منهم بس يوم جابو لهم اف ١٥٠ يقول يتهربد بسرعه وعيوب مصنعيه وكدا لدرجه يسوقو الونيت القديم ولا يطلعو بآلاف ١٥٠ وهو جديد


up 6 down 0
رضا يوسف 1545 17
قبل 3 أسبوع و 2 يوم



سعره غالي مرة وماشي بحكم عمره واستخدام شركة يعني صيانة انسى راح تنفضه من الى اذا شريته


up 1 down 0
يارب توفيقك 2014 1609
قبل 3 أسبوع و 2 يوم



انتبه
على اكثر من يد
القير اكيد يتأثر
الدبل لازم تشيك عليه تمام ..ودينمو الدبل ما يعلق عليك
والسعر غالي شوي .....وبالتوفيق


up 2 down 0
لا للغلاء 515
قبل 3 أسبوع و 2 يوم



نصيحة
من الشكل شكله مكروف و خاصة اذا كان تبع شركة
لانهم يهملوا الصيانة الدورية مثل زيت المكينة و القير و الفلاتر
و غيره
و ابحث في المعارض او حراج راح تحصل شئ طيب و بسعر
معقول و افضلك الغمارتين
حتى لو موديل 13 او 14
لان المحرك واحد 8 سلندر
بعكس موديل 16
يوجد محركين 8 سلندر و 6 سلندر تيربو



up 1 down 0
alhkami 225
قبل 3 أسبوع و 2 يوم



شركة الكهرباء مثل سلاح الحدود - الممشى قليل والسيارة حتى وهي واقفة ما تنطفي والمكيف شغال 24 ساعة

مكروف لأبعد الحدود


up 2 down 0
أبو عبادة 4150
قبل 3 أسبوع و 2 يوم



عليكم السلام ورحمة الله وبركاته 

والله لو تشوف استخدام موظفين الشركات للسيارة 
ماراح تلفت لسيارة شركة ولا تفكر تشتريها 
انسى شي اسمه سيارة موظف مهندس ولا مدير 
ومحافظ عليه كله كلام والله انا كنت بشركه وفيه طريق ردميه 
وبطناج ومطبات يمشون عليها ١٢٠ قليل ومطبات ياخذها على سرعته
ويستخدمها اكثر من شخص ومايشيكون على زيت مكينه وغيره 
موظف اجنبي ولا سعودي كلهم يقولون سيارة شركه مو دافعين شي من جيبهم



up 3 down 0
w.asa 2051
قبل 3 أسبوع و يوم



انا مسئول نقليات في شركة وتحت ادارتي 80 سياره وكل بعد فتره يعرضوها للبيع
واقسم بجلال الله ما اخذها بريال من كثر الكرف وغير عدم النظافه من غير ما اظلم يمكن سيارات المدراء الكبارالفخمه
وهي لو انعرضت يطلبو فيها سعر خيالي كانك بالمعارض
عن نفسي ارفض اخذ سياره من شركة او ايجار
والقرار راجع لك


up 5 down 0
فـــ9ـــد 365
قبل 3 أسبوع و يوم



انا من موظفين شركة و  مستلمين قبل F150 و الحين سلفرادو 
الافضل انك تتركها سواء هذي او سيارات ارمكو او اي استخدام شركات 
صحيح السرعه ما تتعدى 120 و صبانة دورية اول بأول لكن الاماكن اللي تطلع لها و طبيعة العمل تجبرك تضغط عالسيارة اغلب الوقت 


up 2 down 0
صصااالح 75
قبل 3 أسبوع و يوم



في اخطاء املائيه بس ان شاء الله واضح 


up 1 down 0
صصااالح 75
قبل 3 أسبوع و يوم



ابعد عنها خالي شغال فسكيكو وخويي فارامكو

موظفين ارامكو يهونون موظفين سكيكو والله انه يشطفك وهو طاير ولا يوقف لمطب معطيها للصاجه

وسيارة واقفه ساعات مع مكيف شغال ولجاء يسوقون ما يعرف يضغط بشويش

لازم نص دعسه ههههههههه


up 2 down 0
mohammed1368 33
قبل 3 أسبوع و يوم



وانا اقول لك ابعد عنها ...
اسوء سواقين هم موظفي شركة الكهرباء .
يوميا نداوم سوا واشوف سواقتهم ....مافي اي اهتمام بالسيارة الي يسوقها ولا بالسيارات الي حوله


up 2 down 0
ابومشعل2010 153
قبل 3 أسبوع و يوم