أفضل حل لمشكلة أنوار الفورد

وش مشكلتك اذا قصدك ضعف النور ف هذي معروفه فالفورد ومالها حل الا العدسات بس م انصحك تلعب بالكهرباء

نعم مشكلة ضعف النور

انا معاي فورد ومالقيت حل الا بتركيب عدسات هيلا e55 ومحولات
زينون 55 واط  ميزة الهيلا العالي فيه قوي والواطي عادي يعني 
عكس عدسات كيو فايف الواطي فيها اقوى من العالي وشف اللي يناسبك 
انا شريت العدسات من العضو فؤاد والرجال تعامله طيب ومحترم
ويرسل لك الطلب يومين ثلاث واصلك الطلب وماعليك الا تركب بسس وابد ارتحت من مشكلة النور خلاص انتهت المشكله 
بس اذا انت بمنطقه مافيها احد يعرف يرهم العدسات نصيحيتي تشتري العدسات من احد يعرف يركبها ولا اذا عندك الشمعات مصفره ومرمله اللي تطلب منه العدسات خله يركبها 
على شمعات جديده وتحاسبه على قيمة العدسات
واللمبات والشمعات واذا ماعندك محولات زينون 
تحصل عندهم بعد ولاتنسى تركب ضفيره وكتاوت خارجي اللي يجي لونه اصفر وفيه قطعه صغيره اسمه مكثف على ماظن هذي يركبها لك الكهربائي
عشان تشتغل معاك العدسه عالي وواطي لانك تركب لمبه وحده ولازم تركب القطعه هذي عشان يشتغل معاك عادي وواطي واحسب حساب بتدفع 
اقل شي ٨٠٠ ريال وتوصل ل ١٠٠٠ ريال بس لك وللزمن ولاتنسى تركب حماية عشان ماترمل 
انا ركبتها شهرين ومسكت خط والطريق غبار وسافي عدم لي النور 

أفادك العضو w.sas وارشح لك الأخ فؤاد عضو قديم وأمين وكثير من الأعضاء سبق وتعامل معه ويشيدون بأمانته وحسن تعامله وشغله النظيف . تمنياتي لك بالتوفيق .

لا تركب عدسات ولاشيء انا معاني مثلك ولقيت الحل اخيراً المهم رح اقوب محل زنون هذ شمعات لد اللون انصحك ب الابيض الثلجي قل له ابغا قوته 6000 وانت طالع وبتدعي لي (:

انا ركبت العدسات والزنون وفرق معي ٢٠٠ في المية واسافر وانا مطمن و شايف الطريق زين

فيه شمعات يجي فيها عدسات جاهزه يبيعونها علي موقع حراج ادخل علي الموقع واكتب في البحث عدسات فورد

فك اللمبه حقت الوكاله وشف مقاسها 
واطلب لمبات ليد من علي اكسبرس رخيصه حول ال 70 ريال 
وجرب واذا ماعجبتك عاد توجه للعدسات والزينون واكيد انه افضل من الليد 
بس مشكلته السعر 

الزنون مشكلته يسحب كهرباء كثير على عكس الليد قوة وانتشار افضل
سبق وركبت لفورد ما شاءلله فرق كبير

^ الليد ابوكلب مجربه ولا يتقارن بالعدسات والزينون 
الليد اللي يجي على السيارات على الوكاله انا معاك بهذي
بس اللي عند محلات الزينه ابو كلب فاشل 
واللي يقول الزينون يسوي مشاكل بالكهرب غير صحيح 
فيه انواع صيني اللي ب ١٢٠ تجلس اقل شي سنه بدون مشاكل
حتى المحولات ابو ١٢٠ افضل من الليد بالاضائه 

جزاكم الله خير جميع

أستغرب اللي يقول الليد أفضل أو اللي يقول ركب ليد .. أولاً الليد بتكسب دعاوي الناس لأنه يجهر المقابل لك وثانياً نوره مشتت ولابد من العدسات إذغ أردت نور ممتاز ولا يعمي اللي مقابلك ..