ايهما افضل الاكسبلورر السعودي او الأمريكي

وعليكم السلام

ماعرف بين السعودي والامريكي

لكن سبق واستشرت كثير عن الاكسبلورر وماحد نصحني والكل قالوا انحششششش عنه

ابتعد عنه مشاكل قير و مكينة و تكييف
ثقيل و يصرف بنزين
اذا تبي جيب مثله احسن منه شف الباثفندر نيسان
موديلات اقدم

٢٠١٠ ما ينفع ابدا
٢٠١١ افضل بكثير
٢٠١١ و طالع المحركات مكينه قير كمبروسر كمبيوتر و غيرها
موحده اكسبلورر و تورس و فلكس و ايدج

ولا فيهم مشاكل

كان عندي ٢٠١٠ سعودي وكالة
والله تحافظ عليه وعلى يد وحده يمشي معك
بس رجلك حاره لا والله ابعد
وعموما ما انصح فيها لانها اذا طلبت خلاص بتتعبك
انا ماقصرت معي وكنت محافظ جدا علبها بس بعتها بعد تزايد طلباتها وقطعها شوي غالية

لاهنتم الله يجزاكم خير

اسعارها حلوه جدا

لكن في نفس الوقت ماودك تاخذ سياره وتداوم في الصناعيه
لاهنتم جميعا

للأمانة انا استخدمت 2017 جديد اول مستخدم فترة بسيطة ابد مارتحت له.. فيه قساوة وتبديلات القير لك عليها

كان عندنا واحد في العمل
وكرفناه كرف على كيف كيفك

لكن كانت فيه مشاكل
بعدها العمل بطلوا من شركات الامريكيه كلها
وصاروا يجيبوا لنا ياباني
مستبيشي باجيروا
رافور تايوتا
وكستيرا نيسان
فورنيشر تايوتا
باترول نيسان
والله عز افضل من جميع السيارات الامريكيه مع انها كانت مريحه
لكن ما تنفع مع قساوة العمل خط +جبل +طعوس
طبعا كل السيارات اليابانيه ممتازة
لكن نيسان اكستيرا مجرم وحش خصوصا قير عادي
وووووف

ما انصح عموما بموديل 2010 اكسبلور انصح بالشكل 2011 وانت طالع هذا تحسن فيه كثير من العيوب الي كانت موجودة على جيل

2010 وقبل وعموما انصح بالسعودي الامريكي هذا الموديل ماتدري وش وضعه اذا تبي امريكي خذ موديل حديث اضمن

عندي 2010 وللان ما شاء الله تبارك الله

اللي يقول قير ومكينه ومدري وشو لا تصدقهم تلاقيهم مهملين الصيانه يحسبون معاهم هايلوكس

هو فيه عيب واحد بس ويضايق

عزمه بالطلوع القوي مثل العقاب في الجنوب ضعيف شويه

اما ك خط وسفر ممتاز

صرفية بنزين يصرف فوق المتوسط

بالنسبه لسعودي او امريكي

سعودي الافضل الامريكي لازم تلاقي فيه مشاكل خاصه الحرارة

انصحك فيه او لا
ما انصح فيه للامانه

سعر النظيف حول 28 -35

عندي واحد موديل 2002 والله انه سيارات لا يعلى عليها
بس يبغى لك تاخذ نظيف
تخيل من الرياض لجده ومنها للجنوب ابها ومنها لشروره
وبعدها اليمن مسافة يومين متواصله وزي الحلاوه
وهناك الطرق كلها مكسره وجبال وحفريات لمدة سته شهور ولا قالت يا راسي
بختصار خذها وخلها على يد شخص واحد تدوم معك

انا استغرب الي يعيب بالاكسبلورر موديلات 2010 وتحت
بحجة تعطل القير
واسأل نفسي والناس الي معه هذه السيارات للحين هل هم اصحاب تشليح او شغالين في الوكالة كل مره يبدلون قير مجانا.
للاسف إذا مدحنا شي طلعناه فوق السحاب وإذا سبينا شي خسفنا به الأرض.

يجب ان يكون التقييم للسيارات عقلاني ويذكر المستخدم العيوب والمميزات بكل حيادية مو يقول اخوي معه ذالسيارة يسبها والثاني يقول زميلي وخالي وعمي.