فورد 2010 أو اكورد 2012

الفورد بيكسر ظهرك بنزين
والأكورد بتريحك في البنزين صرفيتها اقل من الفورد
شوري لك أكورد اذا كانت نظيييييفه وافحص قبل ماتشتري ولو تفحص عند كذا مركز افضل ولاتروح للمركز الي يوديك له صاحب السيارة

الفورد موتر ماعليه كلام من ناحية التحمل والكرف طبعا اذا كان نظيف بس هذا مو زمانه هو اخر السيارات من ناحية الشكل الكلاسيك الا اذا انت تحب الكلاسيكي شيء ثاني والاكورد موتر يكد بس الله لايطيحك بموتر مكروف لان الموديل ذا ماتلقى نظيف الا نادر بسبب المفحطين الله يهديهم والخيار لك والله يرزقك بالنظيف ان شاءالله ومبروك مقدماً

اذا بتستخدم داخل المدينه انصحك بالاكورد
و اذا راعي خطوط خذلك فورد

كلهم حلوين 
والفورد ترى صرفيته مو كثير كل الي يقولون عشان ٨ سلندر لكن مجرب اكثر من فورد وصرفيته حلوه 
طبعا اذا نظيف ومغير استهلاكيات يعني مصفيه 

اما الاكورد فعلاً قاسيه وفرق الراحه كبير بين الاثنين 

وفيه شغله مهمه قطع غيار الاكورد دبل الفورد 

اذا تبي ترتاح وماتبي خرابات وقطع رخيصه وعملي خذ فورد 

والله يباركلك فيها مقدماً 

شوف غير هالسيارتين
تويوتا او نيسان
او ممكن كوري اذا موديل حديث و نظيف ليش لأ

انا عندي ماركيز 2008 شاريه ماشي 50 الف
والان ماشي 620 الف كيلو
صرفيته قريب من ال4 سلندر
فل 85 ريال يمشيك من 500 الى 600 كيلو ع حسب دعسك
قبل امس معبيه ب50 ومشى فيني 300 كيلو وولعت اللمبة

اذا ناوي ع الفورد وتبي معلومات اكثر عنه راسلني
صرت اعرفه اكثر من نفسي

وانا اؤؤكد كلام الاخ شرقاوي واذا نظيف الفورد يمشي اكثر انا عبيته ب 75 فل اخضر مشاني 500 كم ولسة باقي فيه ربع كامل ولسة يمشيني 200 كم قدام مكتوب في لشاشة وفي الشتاء الصرفية افضل ممكن يمشيني 750 800 حسب الجو والبرودة مدينة ولا خط بامانة الفوردات افضل سيارات امريكي في صرف البنزين اتكلم عن امريكي 8 سلندر في المدينة مصروف 6 سلندر وفي الخط مصروف 4 سلندروقطعها ارخص من الاكورد بواجد وتعيش وتتحمل اكثر من الاكورد

وعليكم السلام

الفورد موتر ممتاااز ويخدم لكن له عيوب اولها كبر حجمه وعله بالمواقف والاهم انه ول زمانه
الاكورد قاسيه وتكسر الظهر وفوق هذا قطعها غاااااااااااليه لايجي واحد ويقول بس تكد وتتحمل كل السيارات تكد
واريح منها

شوف لك كامري سوناتا تورس

عندي فورد 2009 اشتريتة قبل كم سنة عطلاته قليل وعبيت بنزين 95 فل من الرياض
بعد العصروممشاي 120 ماتعداها وأحيانن اقل والساعه 2 ليلا تقريبا عبيت من محطة ابوربعة بطريق الهجره بالمدينة المنورة