أضف سؤال أو موضوع جديد          

استفسار عن حرارة السياره

up 2 down 0
ali400ali 222
قبل 5 شهر



السلام عليكم ورحمة الله
شهركم مبارك وكل عام وانتو بالف خير
الموتر : كراون فكتوريا 2011
اخر شي تم تغييره موية الرديتر اصليه وبلف الحرارة والكوع والخراطيش
المشكلة :
السيارة توقف بالساعات الحرارة 88- 89
مجرد تمشي السيارة الحرارة ترتفع الى 100 - 103 واحيتان الى 104
الرديتر نظيف والبعض قال غيره
والبعض قال مروحه والبعض قال طرمبة مويه
فاحترت كثيرا
وابي العلم الاكيد من تجربة مشكورين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


امسك عليها خط وامشي 160 اذا ارتفعت الحراره فااعرف ان الرديتر مسدود ويحتاج تصيخ او تغير
بنسبه للمروحه شغل المكيف حق السياره وخل السياره واقفه اذا ارتفعت الحراره فااعرف ان دينمو المروحه متعطل شاغل بس ضعيف
بنسبه لطرمبه المويه خل السياره لين تبرد وشغلها وافتح غطاء الرديتر اذا شفت الماء يتحرك فمعناه شغاله
كيف تعرف ان طرمبه المويه متعطله 1 تهرب ماء 2 تطلع صوت خرخشه


up 4 down 1
سكودر 14892
قبل 5 شهر



الف شكر سكودر
اقصى سرعه قدرت اجرب عليها 110 تعرف الرياض لو الشارع فاضي فجاءة ينط لك واحد وخلال 6 دقائق وصلت 104
الرديترد ياطويل العمر من شريت السياره وكاله عام 2011 سنويا اغير موية الرديتر اصلي الموية الذهبيه حقت الوكاله وازودها ماء مقطر
ومن فترة لفترة ايضا ازوده ماء مقطر ما اعبي من البزبوز ابدا
في الوقوف ما تررفتع الحرارة ابدا 4 ساعات امس واقف الظهر والمكيف شغال الحرارة 88- 89 حقت فتح البلف
لكن مجرد مشيت ارتفعت


up 1 down 0
ali400ali 222
قبل 5 شهر



صراحه الفوره خبرتي فيه الحراره على النص ثابته لا ترتفع ولا تنقص
انت تقول غيرت بلف الحراره والكوع والخرطوش الماء انصحك بماء تويوتا الاصلي سعرها 40 ريال المويه هذي اضمنها لك سنه سنتين ماتتغير لا لونها ولا شكلها ولا رائحتها وكويسه ولا مويه مستوبيشي
الاديتر أذ كان قديم وله أكثر من اربع سنوات أنصحك بتغيره وخذلك اديتر المنيوم ميدن مكسيكو سعره 380 ريال تجده عند محلات التقوى للفورد
اذكر خويي كان يعاني من حراره الفورد وراح يسيخ الرديتر حصله مسدود وزبطت الحراره اسباب الحراره كثيره ولونك بالخرج دليتك على شخص كويس يشيك عليها حبه حبه لحد مايطلع المشكله



up 1 down 0
سكودر 14892
قبل 5 شهر



دامك تقول اذا مشيت ترفع 
فهناك احتمالين 
١- راس المكينه وان شاء الله مو هو .. 
٢- المراوح - مره صارتلي وطلع من اتوماتيك المروحه 
كانت اذا واقفه اوك واذا مشيت رفعت ، وكل من قالي راس المكينه الا كهربائي جزاه الله خير شيك عليهم وطلعت الاسلاك محربطه مدري وش بها 

طبعا كلامي مو اكيد لكن شيك عالمراوح والله يوفقك 


up 1 down 1
m7md 33 602
قبل 5 شهر



m7md 33
الف شكر لك
المروحه صراحه حنتها واضحه شغاله على لكن بتاكد اكثر
الراس مستبعد لعدم وجود ضغط في الليات



up 1 down 0
ali400ali 222
قبل 5 شهر



العفو ياخوي 
المروحه احيان تكون شغاله وتحس انها اوك بس مو عالسرعه المطلوبه 
وضغط الليات مو شرط بعد ، افتح غطا زيت المكينه وشف فيه اثر رطوبه او شي 
ممكن يكون بداية راس المكينه ويكون الموضوع بسيطه طقم وجيه وخلاص 

اخر الاعطال ان شاء الله


up 0 down 0
m7md 33 602
قبل 5 شهر



وممكن يكون غطا الرديتر خربان 




up 0 down 0
m7md 33 602
قبل 5 شهر



نفس حالتك بس في سيارة ازيرا اذا واقف ما ترتفع اذا مشيت ترتفع 
طلع عله كنترول المروحة غيرتة والحمد الله الى يومك هذا ٤ سنوات 


up 2 down 0



يمكن اللي غير لك ماء الرديتر نسى يسوي له تنسيم 
سالفة تنسيم الرديتر ماعرفتها الا يوم استخدمت الفورد
لو ماسويت تنسيم ترتفع الحراره مع المشي 


up 1 down 0
w.asa 2061
قبل 5 شهر



كلام جميل اخي الكريم w.asa.
بالنسبة لتغيير الماء فانا اغيره بنفسي من سنين .
وفي السياره هذي من وقتها اغيره سنويا .
لكن فضلا وضح طريقة التنسيم لافادة الجميع والف شكر لك


up 1 down 0
ali400ali 222
قبل 5 شهر



تسلم يابعدي > الطريقة لازم تكون السيارة باردة مثل واقفه من الليل 
وتجي الصبح وتسويها الطريقة والسيارة طافية  قبل تشغل > 
يجيك لي صغير راكب على القربة من يسار تفكه وتفك غطاء القربه وتعبي 
القربه ماء وتشوف بالبدايه يطلع فقعات وهوا وبعدها يطلع لك ماء 
لاطلع الماء ترجع اللي او الخرطوش الصغير لمكانه وتشغل السيارة وخلاص
كذا نسمت له وفيه طريقه ثانيه تفك حساس الحراره وتعبي ماء لين مايطلع
من مكان الحساس وترجع تركب الحساس بمكانه وتشغل والطريقه سهله واذا 
ماعرفت لها شف اي ورشه يسويها لك . 


up 0 down 0
w.asa 2061
قبل 5 شهر



ضروري بعد تغيير المويه ترجع تشيك المويه

الفورد مقلب تشوف المويه فل.. واذا زودت مويه مايزيد مستوى

المويه لانها ناقصه الا اذا فللت.. بحالتك اذا فيه نقص بيكون 2 الى 3 لتر


up 0 down 0
abdullah.ags 365
قبل 5 شهر



كيف تشيك طرمبة المويه... تفك السير وتشوف البكره اذا تتحرك يعني

الرمان تعبان... واذا ثابته يعني امورها سليمه.


up 1 down 0
abdullah.ags 365
قبل 5 شهر



على حد علمي الفوردات ما جات بمقياس درجة حرارة رقمي دايم حرارتها نص شتا صيف اسمع نصيحة برمضان غير رديتر بنوع مكسيكي او اردني او صيني كله كويس غير طرمبة ماء غير غطاء رديتر غير مروحة وكتاوت وانس الحرارةوهذا اللي سويته انا العام وقد طرحت الاسئلة في المنتدى وتم حل المشاكل ولله الحمد والمنة


كيف عرفت درجة حرارة موترك بالرقم علمنا الطريقة انا ما عرفت !!! وشي تاني قالي عنه مهندس انه الفورد تعد من المحركات الباردة جنب بعض انواع الشفروليه والدوج


الف شكر للجميع
اخي المعتصم بالله
عندي شاشة نظام اندرويد ومحمل عليها تطبيق torque
ومرتبط بقطعة obd بكمبيوتر السياره
طوال السنين الماضيه الحرارة عندي لاتتجاوز 95
صيف وشتاء زحمة بلد او خط طلوع عقاب توصل 97 احيانا
لكن الان 104 الى 110

تم تغيير طرمبة موية لانه فعلا كانت البكرة ترقل
تم تجديد الموية بذهبية اصليه
واليوم بعد الظهر بجرب ونشوف
شاكر لكل من ساهم وافاد بتجربة وبمعرفته




up 1 down 0
ali400ali 222
قبل 5 شهر