شرح بالصور تنظيف البخاخات للفورد

10 0

لايمكنك التصويت حتى الحصول على 20 نقطة على الأقل
إضغط هنا للإخفاء

mercy_sa 1080
قبل 6 سنه و 6 شهر

السلام عليكم ورحمة الله وبركاته

شرح تنظيف البخاخات طبعا ركزو معي في الكلام اكثر من الصور لانها تحتاج اتقان

الطريقة تنفع جدا وعملية وفرقت معي انا والسيارة ما فيها شي

نجي للمهم :

الأدوات //

1-بنزين
2-ابرة
3-عدة مفك
4-فيش لنفس البخاخ تاخذها من التشليح وتطول السلك حقها شوي
5-ربطات اذا الكلبسات مكسرة
6-منظفات أهمها أي سيدلكو ومزيل صدا
7-شحم ,, علشان الجلد الي في البخاخ
8-شطرطون لازم ياباني او نوع ممتاز تحصلها محلات السباكة

بعد ما توفرت الأدوات نجي لاهم خطوة هيا انك تشيل الجلدة الي في البخاخ وتلف البخاخ بشطرطون علشان يكون مظغوط جوة الابرة
لازم توزن علشان ما تنكسر الابرة وفي نفس الوقت لازم تكون محكمة الضغط هاذي تقريبا اصعب شغلة بس حط لها مزيل صد بسيط جدا علشان تدخل

واهم نقطة انفخ المكينة بهواء قبل تبدا الشغل وركز على أماكن البخاخات

الباقي تقريبا فك وتركيب وسيارة من سيارة تختلف ولكن الفكرة وحدة

شرح الطريقة //

1-فك البخاخ وبدا في تنظيفه من الخارج خاصة اسفل البخاخ
2-كثر من المنظفات خليها تمر اكثر من مرة على البخاخ وخاصة أي سديلكو + حاول تمرر المحاليل بجميع السرعات من البخاخ وتتاكد ان كل المسامات الي في البخاخ شغالة
3-قبل تركب حط شحم على البخاخ علشان يطبق معاك بسهولة
4-لا تفك الماصورة فك البخاخ نفسه طبعا هذا للفورد بس السيارات الثانية ما ادري والله بس فكه ماراح يفيد فلذالك لاتفكه الا مجبور .
5-غطي فتحات البخاخ بفاين لادخله عميق مجرد غطى فقط .

نصايح //

1-لا تخاف اول ما تشغل السيارة بتصير تفتفة طبيعية لانك فكيت البخاخ تقريبا 10 ثواني ويرجع كل شي احسن من اول .
2-اشتغل وانت مروق .
3-خلي يدك خفيفة .


الطريقة هاذي عملية وغير مكلفة كلفتني40 ريال ونتائجها مبهرة

في طريقة افضل بس تكلفتها عالية والي هيا تنظيفها الكتروني
مقطع فيديو يوضح الجهاز وطريقة التنظيف

https://youtu.be/32wnnTgCJn8

______________________________________

استغفر الله العظيم الذي لا إله إلا هو الحي القيوم وأتوب إليه
سبحان الله وبحمده سبحان الله العظيم

لا تنسونا من دعواتكم ...

إبلاغ

الردود