أضف سؤال أو موضوع جديد          

لمبة المفك فورد فكتوريا

up 1 down 0
mmohamad77_6 8
قبل 2 أسبوع و 2 يوم



السلام عليكم 
يا اخوان عندي فورد فكتوريا واذا شغلتها وهي باردة ومشيت شوي تطلع لي لمبة المفك ويقل العزم وتثقل الدعسة ثم اذا مشيت ووصلت الحرارة للنص اطفيها شوي وارجع اشغلها وتختفي المشكلة 
وديتها ورشة فحصها كمبيوتر وطلع له حساس بعد تغيير الحساس مازالت المشكلة
 ثم فك كمبيوتر السيارة وركب ثاني اختفت المشكلة طبعا الكمبيوتر سعره غالي
هل تنصحوني اغير الكمبيوتر ولا فيه حل ثاني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لمبة الفك معناها عندك مشكلة في البوابة وهاذي سبق وعانيت منها غالبا حلها بتكون برمجية

شوف انت نظف البوابة + حساس الماف ( الهواء ) الي في القربة الهواء + حساس TPS الموجود في البوابة نفسها جهت اليمين

بعدين افصل البطارية وخيلها كم ساعة وحاول تشغل وهيا طافية علشان تفرغ طاقة + حط الاصابع على الحديد ( الكبوت او الرفرف)

وعرفها طبعا طريقة التعريف مشروحة في احد مواضيعي

انا كنت اعاني منها بشكل فظيع والمشكلة اني منظفها بس عندي جهاز obd وكل ما افصحها القى خطاء او فشل يعني بختصار مشكلة برمجة
هاذي الاكواد الي كانت تطلعلي
p2106
p2135
p2104
p2111

بالنسبة للكمبيوتر ليش تغيره لاحد يضحك عليك لا تغيره ولا شي سوا الي قلتلك عليه وبتروح

اظف الى ذالك كانت عندي مشكلة غريبة اذا فصلت البطارية وجيت شبكت جهاز مانع الانزلاق كانت تشتغلت لمبة المفك + الريموت مايشتغل

فاذا عندك جهاز ABS خربان افصله له علاقة غير مباشرة بالمشكلة




up 8 down 0
mercy_sa 543
قبل 2 أسبوع و يوم



+ شيك على الفيوز


up 0 down 0
mercy_sa 543
قبل 2 أسبوع و يوم



مشكلتك بالثروتل ( الدعسه او فيوزات او حساسات لها علاقة بالثروتل ) الكمبيوتر لو فيه بلاء م اشتغل الموتر نهائياً


up 0 down 0
abdulaziz bin ateeq 167
قبل 2 أسبوع و يوم



Mercy_sa الله يعطيك العافيك على الرد ..
بس ياليت توضح لي كيف اعرف ان ال ABS خربان؟
والفيور اللي اشيكه أي واحد؟


up 0 down 0
mmohamad77_6 8
قبل 2 أسبوع و يوم



بالنسبة للفيوز
ادخل على هذا الرابط واختار موديل سيارتك وراح يعطيك مخطط كامل للفيوز الداخلية والخارجية مع وظيفة كل فيز
http://www.crownvic.net/drock96marquis/fuses.htm

كيف تعرف اذا ABS خربان ؟؟
اذا اللمبة شغالة سواء تبع مانع الانزلاق او abs نفسه



up 0 down 0
mercy_sa 543
قبل 2 أسبوع و يوم



شكرا لك ماقصرت لكن سيارتي موديلها 2011 ماهو موجود في الموقع
عموما ما قلت لي أي فيوز اشيك عليه لان الفيوزات كثيرة ؟


up 0 down 0
mmohamad77_6 8
قبل 2 أسبوع و يوم



وانا خوك ما اعرف اي فيز تحديدا
لكن ادخل على 2010 نفس التخطيط ما يختلف

انت افحصها كلها ما تاخذ 10ريال والخربان غيره
وزي ما ذكرت لك من ناحية تنظيف الحساسات والبوابة

واهم خطوة هاذي فصل البطارية وتعريف السيارة تقدر تسويها الحين وعطني علم تزبط ولا لا

بالنسبة ل abs انا كان مفصول من زمان فقلت مع فصل البطارية اكيد بيتبرمج مع السيارة وللاسف سبب لي مشكلة برمجية

اذا لمبة المكينة شغالة خذ قطعة سعرها ما يتجاوز 60 ريال تخليك تفحص سيارتك عن طريق الجوال اسمها obd2





up 0 down 0
mercy_sa 543
قبل 2 أسبوع و يوم



بجرب واقول لك لكن في طريقة اعادة التعريف مافهمت هالنقطة :
أدر المحرك حتى يصل إلى درجة حرارة التشغيل الطبيعية.

يعني هل اشغل ثم انتظر الحرار توصل النص؟ 

السؤال الثاني اذا فصلت البطارية كم دقيقة اخليها مفصولة؟


up 0 down 0
mmohamad77_6 8
قبل 2 أسبوع



طريقة التعريف بختصار

وقف السيارة وقوف تام وطفي كل شي شغال

افصل الاصابع + انتظر مدة 30 دقيقة فما فوق

نبدا عملية التعريف

شغل السيارة الين تحمى توصل النص

بعدها شغل المكيف لمدة دقيقة

فك الجلنط يدوي وعشق على D وخلي رجلك على الفرامل لا تحرك السيارة والمكيف شغال لمدة دقيقة

بعدها امش على الاقل 30 كيلو واحرص ان تكون سواقتك هادية بدون دعس خلي رجلك ريشة

ممكن مع فصل البطارية تسمع صوت طقطق من الطبلون لا تخاف هذا صوت القسام طبيعي


اعطني خبر اذا نجحت معك



up 1 down 0
mercy_sa 543
قبل 2 أسبوع



شيكت الفيوزات تمام وفصلت البطارية وسويت اعادة التعريف لكن مازالت المشكلة 
انا ما اعتقد المشكلة من الثروتل لان على حسب فحص الكمبيوتر كشف ان المشكلة من حساسات تبع المكينة والقير ومثل ماذكرت غيرتهم ومافي فايدة
احترت وش اسوي! 


up 0 down 0
mmohamad77_6 8
قبل أسبوع و 5 يوم