لاصحاب التورس الدفع الرباعي

8 1

لايمكنك التصويت حتى الحصول على 20 نقطة على الأقل
إضغط هنا للإخفاء

شخص عادي 111 139
قبل 6 سنه و 11 شهر

السلام عليكم


كثير مننا يجهل تغير زيت ال ptu او اللي يسمونه الدبل الامامي والخلفي
واغلب الخرابات تجي من الامامي
انا مستغرب بصراحه من الوكاله رحت لهم اسالهم ودخلت عند المدير يعني ماسالت واحد عند الباب وطلعت سالته بالنسبه لتغير زيت القير والدبل

يقول زيت القير تغيره كل 200 الف
وزيت الدبل تغير كل 240 الف
قلت له سلامات وش هالكلام !!!!!
قال هذا كلام المصنع قلت على كذا راح ينتهي الضمان وماراح استفيد شي قال تجينا بسطحه ونستقبلك كاش مو ضمان

وبنفس الوقت لقيت واحد يدور دبل في التشليح سالته ليش كم ماشي موترك قال 120 ومحافظ على الصايانات لمن راح لهم قالو خرجت من الضمان ولقيت تورس في ورشه عنده نفس الكلام

بالنسبه لي انا اغير زيت القير وزيت الدبل الامامي والخلفي كل 40 الف القير امره سهل يتغير عند اي بنشري وزيت الدبل تروح لبترومين يغيره لك مايقارب 300 ريال امامي وخلفي عشان نظامه شفط

رغم اني اغيره بالوقت هذا الا اني الاحظ زيت الدبل الامامي اسسسود مره من الخلفي هذا وانا اغيره كل 40 الف فما بالك باللي اكثر


عموما انا حبيت انصح الجميع اشياء بسيطه لو تهتم فيها ترتاح باذن الله

لاتنسوني من دعائكم

إبلاغ

الردود