أضف سؤال أو موضوع جديد          

لاصحاب التورس الدفع الرباعي

up 8 down 1
شخص عادي 111 136
قبل 2 شهر و أسبوع



السلام عليكم


كثير مننا يجهل تغير زيت ال ptu او اللي يسمونه الدبل الامامي والخلفي
واغلب الخرابات تجي من الامامي
انا مستغرب بصراحه من الوكاله رحت لهم اسالهم ودخلت عند المدير يعني ماسالت واحد عند الباب وطلعت سالته بالنسبه لتغير زيت القير والدبل

يقول زيت القير تغيره كل 200 الف
وزيت الدبل تغير كل 240 الف
قلت له سلامات وش هالكلام !!!!!
قال هذا كلام المصنع قلت على كذا راح ينتهي الضمان وماراح استفيد شي قال تجينا بسطحه ونستقبلك كاش مو ضمان

وبنفس الوقت لقيت واحد يدور دبل في التشليح سالته ليش كم ماشي موترك قال 120 ومحافظ على الصايانات لمن راح لهم قالو خرجت من الضمان ولقيت تورس في ورشه عنده نفس الكلام

بالنسبه لي انا اغير زيت القير وزيت الدبل الامامي والخلفي كل 40 الف القير امره سهل يتغير عند اي بنشري وزيت الدبل تروح لبترومين يغيره لك مايقارب 300 ريال امامي وخلفي عشان نظامه شفط

رغم اني اغيره بالوقت هذا الا اني الاحظ زيت الدبل الامامي اسسسود مره من الخلفي هذا وانا اغيره كل 40 الف فما بالك باللي اكثر


عموما انا حبيت انصح الجميع اشياء بسيطه لو تهتم فيها ترتاح باذن الله

لاتنسوني من دعائكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بس عادي لو تاخر 


up 0 down 1
nma16 4
قبل 2 شهر و أسبوع



الزيت له لزوجه تنتهي بحسب ظروف القياده والأجواء


up 2 down 1
شخص عادي 111 136
قبل 2 شهر و أسبوع



ماشي عليه اكثر من 200
مدري لو غيرته بيضر الموتر
واتمنى تعطينا نوعيه زيت الدبل


up 1 down 0
mm88zz 84
قبل 2 شهر و أسبوع



يعطيك العافية

ما عندي تورس ولكني بحثت في المواقع الأجنبية من باب الفائدة لأنك ما ذكرت على أي أساس تغير الزيت على ممشى 40 ألف

في المواقع الأجنبية يغيروه على ممشى 40 ألف ميل تساوي 64300 كم

أنصحك تغيره على 65 ألف وتوفر فلوسك وترى الوكالة عارفين أنه رح يمشي معك حتى ينتهي الضمان وبعدها تتورط


up 2 down 0
مفقود 759
قبل 2 شهر و أسبوع



صادق اخوي مفقود بس انا ماشي على نظام شركه لكزس يغيرون الزيت كل 40 الف بس مثل ما قلت لك انا اغيره على 40 واشوف الزيت في الامامي اسسود رغم اني مامشيت كثير عكس الخلفي لونه مقارب للجديد


up 0 down 0
شخص عادي 111 136
قبل 2 شهر و أسبوع



زيت الدبل نوع موتر كرفت ويجي معه محلول تقريبا الدفرنسين تشيل 2 لتر
من قبل قالو لي 3 علب اشتريت بقيت علبه كامله ما استخدمتها

بالنسبه لبترومين مو اي فرع اسالهم عن اماكن تغير الزيت بطريقه الشفط يدلونك عليه


up 1 down 1
شخص عادي 111 136
قبل 2 شهر و أسبوع



كذاب يقولك 200 الف هذا يبي خراب سيارتنا عشان يجلدنا بالقطع ووشغل اليد


up 0 down 0
كارينو 538
قبل 2 شهر و أسبوع