ايش المكاين اللي تركب على القراند ماركيز 2003؟

يعني ما فيه تدخين بالمكينه ولا صوت ولا شيء
اعتمدت فقط على نسبة المكينه و هي برأيي وهميه
و قلت بتخبط و بتغير مكينه قبل اي ملاحظات عليها
المكينه لو كانت ٩٥ نسبتها و تعطل كويل عندك او انت فصلته
رجعت تعطيك ٦٠ او اقل
لو ركبت بواجي ماهي مناسبه للمكينه و تعطي شرار اقل بتعطيك نسبة ضعيفه و هي مجرد بواجي و انت بتروح تغير مكينه على طول

يعطيك العافيط بو صلوح.
المكينه ماشيه قريب 300 الف ميل الحمد لله.
ينقص زيت عندي وفيه كربنه.
كل 1000 كيلو علبه لتر ازيده.
واوقات يبوش تدعس بنزين المكينه ما تمشي.
غيرت طقم كويلات وبواجي نفس الحكاية.
حاولت كثير والله كل شغلي وكالة.
يعطيك العافية.

مكينة الموستنج ٤.٦ نفس مكينة الماركيز 
ما يحتاج تبدل شي من قير وكرونه 

ولو تركب ٤.٦ اربع كامات ٣٢ بلف نفس الماردور لو تدور القوه  
اقوى من العاديه الاثنين كامه و ١٦ بلف وما يحتاج تبدل القير لو قيرك سليم نفس الداير 

لا هنت يا احمد يعطيك العافية
بدور لي مكينه 4.6 موستنق

سنة 2000 ركبت مكينة 450 على فورد ماركيز 97 وكلفتني 3200 مع الترهيم ايام الرخص

مكينه الموستنق اولا
نفس مكينه الفورد 4.6
الا نوع خاص اسمه كوبرا و ماك ون تجي 4.6 بس 4 بلوف لكل سلندر
طبعا الى 2004 ..
اما 2005 فوق فهي تختلف وتجي 3 بلوف وهذي نادر يطبقونها ع الفورد


بخصوص موديلك من 2001 تجي الفورد برؤس اسمها pi
تختلف عن 2000 وتحت
مسماها بالصناعيه ثلاجه كبيره (موديل حديث)
ثلاجه صغيره (موديل قديم)

الفرق رؤس pi مربعه مداخل الهواء
رؤس القديم npi تجي دائره مداخل الهواء

الفرق تقريبا 30 حصان لصالح الجديد

موترك 2003 تركب عليه الاصدار الجديد وتقريبا من2003
كل المكاين نفس الاكسسوارات الفرق
في 2004 وتحت يجي حساس الحراره مقابل كوع الماء
الموديلات الاحدث يجي الحساس بصدر المكينه من داخل


الباقي اكسسوارات متعلقه بالثلاجه عاد اغراضك القديمه تركب
الفرق فقط في حساس الحراره
وشغلته بسيطه
لو بغيت مثلا تركب 2011

هذا اللي يحظرني بالتوفيق

وبخصوص الصرفيه
انا موتري 2010 ومثلك كل 1000 كيلو يمضمض علبه
والسبب عندي جلد البلوف مو منتهيه الا متهالكه

بخصوص كيف تحكم ان المكينه مبوشه او فيها ضعف في الضغط ممايسبب صرف زيت
عن طريق ساعه الكمبريشن
زي ساعه هواء الكفر
تركب في فتحه البوجي وتدق سلف ويطلع كم ضغط المكينه
يتم الاختبار لكل سلندر لين تتاكد ان الكمبريشن اوالضغط فيها سليم
وقتها تشوف جلد البلوف وتنسى الشنبر
اذا والله فيها ضعف ضغط
فالمكينه مشنبره وتحتاج توضيب

يعطيك العافية اخوي "م.داحم"
الان موتري من اشغله يرتفع RPM بشكل غريب :-
وقفت السيارة اشوف لها حل بعدين .
ادور ورشة بالشرقيه فاهمه
الله يسهلها

قبل لاتحكم على مكينتك تاكد منها وخل عنك الورش ومراكز الفحص .. نقص الزيت والكربون قد يكون سببه بسيط جدا ولا يكلفك الكثير .. اول شي تسويه حبيب قلبي غير (بلف تبخير الزيت ) سعره رخيص وتفكه وتركبه في دقيقتين .. بالنسبه لارتفاع صوت المحرك حدد بالضبط متى يكون الارتفاع .. هل اول ما تشغل السياره ؟ او يبدا الارتفاع بعد اول دوسة للبنزين ؟السياره مكتومه والا مشيها طبيعي ؟؟ السياره فيها تقطيع والا تحسها صافيه وانت ماشي .. كل ما طرحت تفاصيل اكثر عن مشكلتك كل ما سهل عليك التوصل لحل مشكلتك

يعطيك العافية اخوي ذياب .
ذكرت فوق ان من اول ما اشغل السياره يرتفع RPM بدون ما ادوس بنزين.
مشيها طبيعي ( كانت تتفتف قبل 6 شهور وطقمت كويلات وبواجي) وراحة التفتفه.
المكينه واضح انه ا مو صافيه ( ما فيها عزم ابد بس كانت تمشي)
غيرت دبات تلوث جدد والعزم نفس ما هو.