أضف سؤال أو موضوع جديد          

تجربتي في تلميع الفورد

up 29 down 9
mercy_sa 848
قبل 7 شهر



السلام عليكم ورحمة الله وبركاته

لمعت فوردي وحاب انزل تجربتي علشان تستفيدون ,, مافي شي أتكلم فيه لان كل شي موجود بالصور
ندخل مباشرة للموضوع //

بالنسبة للفورد فكه سهل وما يأخذ وقت كثير بس خلي يدك خفيفة لان الديكورات بلاستيك.
الأرضية ( الفرش ) انتبه لها لان فيها عوازل انا كنستها لانها نظيفة بس الي مليانة وسخ يركز على هاذي النقطة.

المتطلبات //

1-فيري + منشفة تكون نوعية ممتازة + اسفنج + ملمعات طبلون.
2-منظف ديتول تحصله في الراية ب 22 ريال مو ضروري بس انا افضل تستخدمه.
3-سيارتي قعدت يوم وكم ساعة واقفة حط في بالك الشي هذا.
4-هدوء البال وعدم العجلة.
5-مكنسة كهربائية.

نصايح //

1-كيس السيارة بعد التلميع مباشرة
2-لا تستخدم الجانب الخشن في الاسفنجة
3-اشتغل لحالك ,موترك وانت ادري بكل مسمار فيه.
4-اذا اشتغلت لا تشغل السويتش نهائيا وخاصة عند فك المراتب ممكن تشتغل لمبة الايرباق.
5-الشغل متعب فك وتنظيف وتركيب مو سهل وخاصة لحالك فاذا شفت نفسك ما تقدر ودها تلميع افضل من انك تخرب.

بالنسبة للتكلفة لا تذكر الي كلفني هو التكيس اخذ 300 ريال

مقطع فيديو للفورد بعد التلميع وقبل التكيس رجع اصفار بكل ما تعنيه الكلمة ( انصحكم بمشاهدة الفيديو )

https://youtu.be/blUVbYIzOZQ



































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احب اوضح كم شغلة انا ذكرت اني بنزل موضوع عن زيادة التبريد لكن للاسف جربتها وفشلت
والطريقة كانت عزل مواصير الفريون لكن اتضح لي انها الي خارجة من الثلاجة + فعليا ما نفعت معي وانا جربتها وفشلت

انشاء الله الموضوع الجاي فصل المكيف الحار نهائي وطريقة جدا سهلة بدل ما تخسر تغير القسام




up 6 down 2
mercy_sa 848
قبل 7 شهر



كفو ما شاء الله عليك اهنيك عليه


up 2 down 0
grand maquis 2
قبل 7 شهر



الله يعطيك العافيه
خبره + مجهود


اعذرني انتر ميلان كحيلان

اعطيتك دس لايك علشان بعدها اعطيك لايك ورفض

لاني عطيتك لايك ورفض وسويت الحركة وما ظبطت


up 7 down 0
mercy_sa 848
قبل 7 شهر



معذور يا الغالي



ليش التكييس
مراتب جلد سهل تنظيفه وهو مكانه
لكن تكييسالمراتب و الابواب اشوف ماله داعي
لا تستمتع بالمراتب ولا ترتاح بالاصوات ولا ترتاح باستخدام الازرار بالابواب


up 5 down 1



شغل نظيف صراحة بس تكييس وجلد الله يعينك مع الحر ،السيارة تاخذ وقت طويل حتى المكيف يبرد الداخلية اذا كانت جلد فما بالك بإضافة أكياس


الفورد ماشالله لما تكون داخليته نظيفة يكون روووووووووووووووعة


صدقا اصفق لك يارجل
عممل متقن والله يعطييك الصحة والعافية


up 1 down 0



اشكر جميع من علق واعطاني لايك

صالح بن محمد/

التكيس يحافظ على الديكورات نظيفة ويحميها من كل شي وانا تعبت عليه وابغى اخليه نظيف لاكبر وقت ممكن
بالنسبة للمراتب انا اتفق معك انا كانت نيتي تلبيسها مخمل لكن مكلف يصل 400 ريال
بالنسبة لاني ماني مرتاح اختلف معك التكيس له 5 شهور تقريبا والحمد الله مرتاح بالعكس لو فكيته باقي الابواب والمراتب على لمعتها .
بالنسبة لفكها صحيح انك تقدر تنظفها وهيا مكانها لكن انا ابغى اطلع الارضية فلذالك فكيتها .

يارب توفيقك 2014 //

انا صراحة كنت بلبس المراتب مخمل بس غالي فقلت بدل ما تقعد مكشوفة احط لها كيس يحميها
اما المكيف ثلج في جميع الضروف والتكيس ما يأثر
المراتب صحيح تمسك حرارة بس مو مرة عادي وبعدين هو الجلد كذا حتى قبل التكيس


up 1 down 0
mercy_sa 848
قبل 7 شهر



القصد المراتب نفسها و الابواب سهل تنظيفها بمنديل معطر او منشفه مبلوله
انا معك تفكها و تنظفها برى و تنظف الارضيه
لكن التكييس بعد التنظيف ما له داعي


up 1 down 2



شغل ممتاز ومجهود طيب

أهنيك عليه


up 2 down 0
فانتازي 1770
قبل 7 شهر



طيب الفيري على الجلد مايخلي المراتب او الجلد ينشف ويتقطع مع الزمن ولا أمن 


up 1 down 0
العمدة168 10
قبل 7 شهر



الله يعطيك العافيه على مشاركة الموضوع
لاحظت حاجة
موترك فيه لباد خلفي اسود على الطبلون الخلفي لين ارضيه المراتب الخلفيه
هذا يجي في الموديل القديم فقط
انا معي 10 ومافيها هاللباد مجرد قماس خفيف ابيض وفعلا عزل الصوت بالقديم اللاحظ افضل
عكس الجديد اي صوت من الشنطه او الشكمان اللاحظه يجي من ورى

اللباد انت مركبه او جاي على الموتر
وكم موديل الموتر


up 0 down 1
م.داحم 72
قبل 6 شهر و 3 أسبوع



م. داحم
موديله 2005
اللباد وكالة ماني مركبه
بالنسبة لحقك غريبة مافيه ياليت ترسلي الصور على الخاص


up 0 down 1
mercy_sa 848
قبل 6 شهر و 3 أسبوع