النور عندي حاس إنه مو وزنية بلد

اخوي انت وينك بالرياض والا وين ؟ وكم موديل موترك طيب 

بالنسبه للوزنيه سهله اخوي وتقدر توزنها انت بنفسك انا موتري اوزنه بالبيت لين جيت امسك خط رفعته شوي تعرف الماركيز العالي تبعه ضعيف عشان كذا اذا مسكت خط ارفعه ههههههه

المهم اول ما تفك حق الشمعه الحديده حقتها بتلقى زي المسمار اعلى الشمعه من جهة اليسار حق الشمعه خذ لك زراديه واوزنه على كيفك وياليت تحط صورة الشمعه عشان اوضح لك كيف الطريقه 

او اذا تبي اعرف لك واحد بالرياض ممتاز يعرف يوزن كويس ومختص وزنية الفرود لان قليل يفهم لها 

وموفق خير يارب 

الله يعطيك العافيه أخوي 
وللأسف ماني من الرياض 
موديل سيارتي 2009 
وأنا أعرف مكان المسمار بس لعبت فيه (: 
وودي أرجعه بلد زي ماكان 
لأن البلد أرفع بس قد أيش بالضبط ما أدري 

طيب وقفه قبال الجدار واوزنه يمديك توزنه صح ويمكن تكون بعد اللمبه مقلوبه وانت ما تدري 

ع العموم موفق يارب ويعطيك الف الف عافيه يارب 

الله يجزاط بالخير أخوي 
وماقصرت ع التفاعل 

ومن كثر المحاولات بديت اوسوس خخخخخ 
مره أقول مرتقع ومره أقول نازل 

اوزن على جدار او باب لرفع النور واذا انه مارتفع نهائي تحتج انك تطلع الشمعه برا لكي تركب المسمار لنه انفك من العاكس ومعاد يوزن ولرفع تلف المسامر اليمين لليسار يعني الشمعه اليمين تلف المسامر اتجه الشمعه المقابله 

من وين انت ياغالي عشان نفيدك اكثر

شكرآ لك أخوي البرنس 
والمسمار عندي ماشاء الله يلف والشمعه تنرفع وتنزل بس المشكله ودي أتأكد من الوزنيه بالضبط 

وانا من الطائف 
وشكرآ لكم على التفاعل 

وقف في محل مظلم واوزن وحدة من الانوار على كيفك
وبعدين روح لجدار واوزن الثانية مثلها ويمكنك وزن الاثنين بنفس الوقت

او شوفلك واحد من خوياك معه فورد جديد وخله يوقف حولك واوزنها على وزنيتها

اوزنها بيدك بحيث انك تحط النور على جدار وتوزنه لك بياجي تمام

أخوي اوزنها مثل ماقال الاخوان على جدار في الليل موشرط كهربائي ولا الوكاله دام انك عرفت مكان المسمار خلاص

دورلك أرض مستويه واوزن على مدنظرك ولايك لولد الطائف والنعم ولاهانو الباقين .

موجودة الوزنية في كتلوج السيارة ماني فاكرها بالضبط بس اذكر انه لازم تكون الارض مستوية وتوقف امام جدار والبعد بينك وبين الجدار يكون (7.6) متر والباقي ما اذكره...

عموما هي موجودة بالكتلوج في صفحة 41 وهذا رابط الكتلوج

http://www.motorcraftservice.com/pubs/content/~WO8GRN/~MUS~LEN/41/08grnog1e.pdf

اخوي خذ الخطوات وطبقها

1- البنزين نص 
2- ارض مستوية تماما
3- وقف على جدار مخطط افضل 
4- لحم الموتر في الجدار وضع خط + على منتصف الشمعة اليمين واليسار 
5- وضع خط في المنتصف لمعرفة التباعد بين الشمعتين
6- ارجع مسافة 8 امتار بخط مستقيم
7- اخفض النور الى اقل مستوى من الكبوت بمعني التعليم السابق + عند حده
8- اوزن الشمعات على مستوى التاشير السابق
9- مسافة الشمعتين وهي في الجدار يجب ان تكون نفس ابعادهم عن 8 متر
توكل على الله وتمتع بإضاءة فرش في الارض ان شاءالله

الله يجزاكم بالخير جميعآآآآآآ وكلن بأسمه 
على الإفاده 
وبإذن الله بحاول أوزنها بالطرق الي ذكرتوها 
وفنفس الوقت بشوف الكتلوج يمكن فيه شيء محدد 

شكرآآآآآآ لكم ع المررو جميعا 

شباب معاي فورد كراون فكتوريا الوزنيه معدومه تمااام

فورد كراون فكتوريا 97

ابو مهند 

راجع خطواتي