يا اخوان... ابي رايكم

المشكله الاولى مدري
المشكله الثانيه موجوده عندي بس عكس خويك
انا عندي اذا عليتها مافي صوت ولذا قصرتها يطلع الصوت
طبعا بالمكيف الخلفي خرب خلال الضمان وصلحوها
وبعد الضمان بكم سنه رجع خرب والى يومك هذا ماصلحته
لان اساسا مكيف الفورد مايبرد مره يعني لازم تعليه على اخر شيء
والمشكله الي اتوقعها هو القسام الي يحول الهواء
من فوق الى تحت او العكس
لان عندي مايحول على طول لازم احوس فيه
عشان كذا اتوقع معلق ويطلع صوت اذا قصرتها

المشكله الأولى ما أعرف لها
الثانية
على حسب توضيحك ( صوت طقطقه )
هو جهاز منظم الهواء , حساس صغير, عند الوكاله سعره تقريبا 50 ريال
تحصله تحت ديكور الطبلون عند أرجل السواق أو تفتح الدرج اللي مقابل مرتبة الرديف تحصله
لازم اول يميز الصوت وين موقعه بالضبط
عموما الشغله ما تسوى لو تركه عادي

وش قصدك بريحة تكتير ؟ ريحة زيوت يعني محترقة ولا وشوا ؟ يمكن المكينة عنده وسخه وعليها زيوت ومع المشي والحرارة تطلع ريحة وهل متأكدين ان الريحة في المكينة يمكن كيس ناشب في القزوز ولا في الشكمان ومع الحرارة تطلع ريحة


عموماً دام الموتر طبيعي ما انصحه يسوي شي ابد بس لازلت بانتظار افادتك على سؤالي وش قصدك بالريحة



المشكلة الثانية ما اشوفها مشكلة اساساً دام المكيف تبريده زين واموره طيبة وشوله يفقع المروحة اساساً لاخر شي ناوي يجيب اجلها حط البرودة المتوسطة وطول على المروحة ثنين الى ثلاثة بالكثير وشوي ويبرد الموتر وكفى الله المؤمنين القتال



ترى بعض الناس عنده مفهوم انه اذا طول على المروحة وقطع قلب المكيف بيبرد الموتر على طول وهذا غير صحيح بالعكس يمرضك ذا على طول هواء يبخ في وجهك وانت معرق وما استفدت شي حطه على ثلاثة او اربعة قل ان كثرت وشوي ويبرد ونزله على 2 او عاد الدرجة المناسبة حسب السيارة


عمومأ ما انصحه يسوي أي شي في السيارة لأن من المكتوب ان الموتر طبيعي مافيه شي يستدعي الخوف او تقول يمكن ينظر لذلك لو يوديه لكهربائي ولا لغيره قام يتفلسف ويغير اشياء مالها لزمه وبيدفع فلوس على الفاضي ويمكن ما يتغير شي ولا يخرب عليه شي زود


لذلك خله على طمام المرحوم دامه كويس هذي وجهة نظري


موفق

يا اخوان..  اشكركم على ردودكم 
ابراهيم..
بالنسبه للريحه اذا فتح الكبوت تطلع له الريحه وللمعلوميه توه مطلع الموتر من الورشه توضيب

طيب اللي اعرفه ريحة زيت وشي طبيعي المكينة توها موظبه تحصل اللي موظبها مانظف الزيوت اللي عليها المهم خله يمرنها لازم ولايتسخدم غير زيت خفيف وتصنيف SNضروري الامر وخله بعد 1000 كيلو يغير زيت مع فلتر

عا فاك الله يا نواف