أضف سؤال أو موضوع جديد          

توضيب قير الفورد ام تغييره ؟ ماهو بنظرك ؟

up 3 down 1
مشاري النداوي 29
قبل 7 شهر و 2 أسبوع



السلام عليكم و رحمك الله و بركاته  . 

مسيتم بالنور و الرضى شعباً و حكومة :)

عندي فورد كراون فيكتوريا 2003 
حصلت فيه مشكلة انه يفصل اذا جيت ادعس و فجاة يشبك 
و عند التعشيق في ال"D” و تدوس ع البانزين يعطي كان السياره في الفاضي 
و فجاة يشبك القير و يمشي و يقطع و على هذا الحال 


و رحت للورش بجدة ، اللي يقولك توضيب و اللي يقولك غير 
و قابلت واحد يقول بعض القبور ينفع معها التوضيب 
و الفورد من هالأنواع 
المهم انا محتار مدري وش اسوي 
و يقولك المثل ، ما خاب من استشار ولا ندمى من استخار 

فمدري وش تنصحوني فيه 

التوضيب ولا التغيير 

و من أفضل ورشة للتوضيب 

و من أفضل ورشة للتغير 



و أشكركم مقدماً على النصح و تقديم الاستشاره 
ووفقكم الله لما تحبون 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وضب مع الضمان قطع التوضيب رخيصة وماتكلفك واجد 


up 3 down 6
benz lover -81
قبل 7 شهر و 2 أسبوع



الي بدك توضب او تغير
قير الفورد من تجربه يقبل التوضيب ولا منه خوف
واصلا اسهل توضيب قيور ومكاين هي الفوردات الفكتوريا وخواتها
لكن وين تحصل الي يعرف وعنده خبره ويركب قطع امريكيه مايضحك عليك
لكن ماراح يخدمك مثل كلتشات بلدها لان الكلتشات اصليه
اما حاليا الي بالسوق كلتشات امريكيه لكن يخدمك 7سنوات بأذن الله بالراحه
اما التغيير اذا من فورد مرميه بالتشاليح ماانصحك
اما اذا مستورد من كندا امريكا افضل من التشليح
لكن مدري هل راح يخدمك اكثر من التوضيب او لا ماعندي علم
انا اشوف انك توضبه وتريح راسك عند ورشه ثقه


up 3 down 5
d7ooom777 428
قبل 7 شهر و 2 أسبوع



قبل لاتغير او توضب

غير الفلتر والزيت
لان الفلتر احيان ينشفط لداخل ويسوي تفويت في النمر
وسياسة تغيير الزيت عندك حلين:

الاول انك تغيره مرة وحدة مثلي وحظك نصيبك يايظبط معك القير او لا
كان معاي ماركيز 95 واكثر من 10سنين ماغيرت زيت القير
وفجأة غامرت وغيرته هو والفلتر بعد وظبط معاي ماشاءالله


او انك تتفادى المغامرة وتتبع سياسة تضيف لتر وتسحب لتر

واخذ فلتر وزيت اصلي من الوكالة كويك لين
اذا راحت المشكلة كويس واذا ماراحت ف انصحك تغير القير بواحد شد بلد م انصحك بالتوضيب ابداً


up 6 down 2
معرض المئوية 194
قبل 7 شهر و 2 أسبوع



ما بتحصل قير نظيف على موديل السيارة

و ممكن يكون قد توضب مره و مرتين و انت تآخذه على بالك

انه شد بلد و حتى لو كان شد بلد له ١٥ سنه يكرف

وضب أضمن و افضل


up 4 down 4
ابراهيم 78 -97
قبل 7 شهر و 2 أسبوع



اخي الكريم
قير الفورد يتحمل كثير ومايخرب بالسهولة هذي
كان عندي ماركيزين وكلها قيورها ممتازة بل انه واحد منهم مبوشة مكينته لكن القير سليم ماشاء الله وشغال حتى يومك هذا رغم الكرف اللي جاه من 6 مستخدمين

انت اترك التوضيب آخر الحلول
غير الزيت والفلتر بالبداية و شوف وش يصير


up 6 down 0
فورد530 1289
قبل 7 شهر و 2 أسبوع



فورد٥٣٠

موديل ٢٠٠٣ اكل عليه الزمن حتى لو يتحمل خلاص انتهى عمره


up 1 down 5
ابراهيم 78 -97
قبل 7 شهر و 2 أسبوع



اخوي على ماع اعتقد الشباب اةل نزلو موضوع عن فيوز موجود في علبة الفيوزات اذا ضرب هذا الفيوز يبدا يلخبط معاك القير
ويبان انه محتاج توضيب لكن ماادري اذا الكلام صح او لا بس انت جرب وشوف الفيوز اذا محترق او لا


up 2 down 1
vip-yt 327
قبل 7 شهر و 2 أسبوع



اتوقع وانا خوك انك تقدر تركب حق موديل 2008 لانه من 03-08 نفس الزيت ما اختلف زي 2009

فالافضل التغير بس لازم تكن فطن تعرف في القيور علشان ما ينضحك عليك




up 3 down 0
mercy_sa 848
قبل 7 شهر و 2 أسبوع



رداً على مشاركة الأخ العزيز / vip-yt

نعم نزل موضوع هنا قديماً وأتذكره جيداً ولكن للأسف الشديد فقدت الصوره بعد أن حفظتها في جهازي والخاصه بعلبة الفيوزات والتي ذكر صاحب الموضوع أن القير لايبدل والسياره لاتسير أكثر من 40 حتى لو دعست بجولك كلها وأنتم بكرامه وأصحاب الورش والسباكين يقولون له تغيير قير أو توضيب والموضوع كلّه فيوز بريالين


up 3 down 0
jakwar2004 301
قبل 7 شهر و 2 أسبوع



عليكم السلام ورحمة الله وبركاته
غير الزيت والفلتر زبط ممتاز مازبط غير القير كامل لاتستعجل قير الفورد قوي ويتحمل


up 2 down 0
نواف الحربي4 330
قبل 7 شهر و 2 أسبوع



شيك على البراوانة. او البطيخة لان هي الفاصل بين المكينة والقير يمكن يفصل ويشبك منها


up 2 down 0
ابومزعل 338
قبل 7 شهر و 2 أسبوع



سبق ووضبت قير ماركيز٢٠٠٥ وكلفني ٢٥٠٠ ريال شامل كل شي واستخدمته ٦ اشهر وهو من افضل مايكون وبعت على شخص اعرفه واستخدمه سنين بدون مشاكل بالقير

قير الفورد جدا بسيط وغير معقد أبدا لذا إذا حصلت ورشة تضمن لك الشغل اقل شي ٦ اشهر وضب وبدون تردد

ووقتها حصلت قيور مستوردة ب ٣٥٠٠ ريال وضمان اسبوعين فقط


up 0 down 4
دكتوراه في الحب 163
قبل 7 شهر و 2 أسبوع



صارت معي يفصل القير كانه ع الفاضي
وعلطول غيرت زيت القير والوجه والفلتر وراحت المشكلة
انصحك تغير الزيت والفلتر بعدين احكم


up 0 down 0
ابو سراج55 136
قبل 7 شهر و أسبوع