طرمبة البنزين ماتشتغل مالسبب؟

عليكم السلام
طيب فيه زر احمر بالشنطة يسار جهة فتحة التانكي يمكن يقفل وشف الصفاية يمكن منسده ومسوية ضغط ع الطرمبة وتفصل وشف اسلاك الطرمبة يمكن عندك التماس

الله يعطيك العافيه بجرب ورد لك

بالنسبه للزر شفته امس مظغوط على تحت 

افحص كمبيوتر اذا كل شي سليم عندك المفتاح 
اذا شريحة يمكن مكسورة وماراح تشتغل لين 
تغير الشريحة وتبرمج المفتاح 

اخوي الكريم
في فيوز لونه احمر طويل لحاله بين البطاريه والرفرف شيك عليه
ممكن يحتاج تجديد اللحام او ربطه بقوه

مافيه فيوز بين البطاريه والرفرف والمشكله ماتوقع انها برمجه لاني شرقت للموتر ببنزين في بوابة الهواء واشتغل وطفى 

عندك كذا احتمال
1 الطرمبه تدور ب12 فولت لاكن ضعيفة يعني اول ما تحط عليها حموله يعني تخليها تسحب بنزين من جد تطفي والدليل اما انها تكون حاره بعد الفحص حق البطاريه او اختبار مقاومه بجهاز الكهربائي

2 السلك لازم تفحصه بجهاز كهربا عشان تشوف اذا فيه 12 فولت او اكثر وليس فحص باللمبه
3 السويتش يوصل الكهربا للطرمبه اذا خرب ما تشتغل السويتش داخله زي مفتاح اللمبه يوصل سلكين ببعض

الباقي انت فحصته

حل تلفيقي مد سلك من الطرمبه الى الكتاوت اذا اشتغلت معناته مشكلتك في السلك خلي سمك السلك نفس الاصلي عشان لا يذوب وتولع حريقه

غيرت الطرمبه وسويت كل شيء لكن الله يفرجها

اذا انت غيرت كمبيوتر المكينة لازم تغير قطعه دائريه بنفس الدركسون يفك الطاره وغيرها ويبرمجها لك على المفتاح اذا المهندس ماسوها مراح تشتغل السيارة الكمبيوتر حق المكينة لازم تغير معه القطعه اللي ذكرتها

ودها كهربائي خله يفحص لك المفتاح لانه فيه شريحه وقله افحص لي شريحة الدركسون يمكن شريحة الدركسون متعطله الدقمه اللي يركب فيها المفتاح فيه شريحه حقت دركسون يفك الطاره ويحصلها
اذا شريحة الدركسون متعطله لازم ترجع لسيارة اللي اخذت منها الكمبيوتر وتاخذ الشريحه منها لانها مبرمجه مع كمبيوتر المكينة شغلتها طويله

انا حصلت معاي ان الطرمبة ضعيفه غيرت طرمبة البنزين ونفس الشي ماتغير شي حصلت ضفيرة المكينة مع ضفيرة القير ملتمسه الالتماس احرق كمبيوتر المكينة صلحنا الالتماس غيرت كمبيوتر المكينة مع شريحة الدركسون ومع برمجة المفتاح واشتغلت
ف

ابشركم الموتر زبط والله يعطيكم العافيه ولكن لافآدة الغير : الخلل طلع شريحة المفتاح طلعت المويه اللي فيها واحترقت والحل ب ١٠٠ ريال برمجة شريحة جديده ،، كيف تعرف ان المفتاح يحتاج برمجة اذا جيت تدق سلف تلاحظ فيه لمبة تاشر بشكل سريع وم توقف اعرف انه برمحة