أضف سؤال أو موضوع جديد          

طرمبة البنزين ماتشتغل مالسبب؟

up 3 down 0
withoutx 13
قبل 3 شهر و 2 أسبوع



سلام عليكم عندي فكتوريا ٩٩ الطرمبه ماتشتغل فكيتها وجربتها غلى بطارية شغاله تمام ولما اركبها وادق سلف تشتغل ثانيه وحده وتطفي شيكت الفيوزات وكل شي وحتى الكتاوت جبت كهربائي وفحص لي يقول الكهرب م توصل وغيرت الكمبيوتر وبرضه المشكله لازالت 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام
طيب فيه زر احمر بالشنطة يسار جهة فتحة التانكي يمكن يقفل وشف الصفاية يمكن منسده ومسوية ضغط ع الطرمبة وتفصل وشف اسلاك الطرمبة يمكن عندك التماس


up 3 down 1
نواف الحربي4 333
قبل 3 شهر و 2 أسبوع



الله يعطيك العافيه بجرب ورد لك


up 0 down 0
withoutx 13
قبل 3 شهر و 2 أسبوع



بالنسبه للزر شفته امس مظغوط على تحت 


up 0 down 0
withoutx 13
قبل 3 شهر و 2 أسبوع



افحص كمبيوتر اذا كل شي سليم عندك المفتاح 
اذا شريحة يمكن مكسورة وماراح تشتغل لين 
تغير الشريحة وتبرمج المفتاح 


up 0 down 2
w.asa 2048
قبل 3 شهر و 2 أسبوع



اخوي الكريم
في فيوز لونه احمر طويل لحاله بين البطاريه والرفرف شيك عليه
ممكن يحتاج تجديد اللحام او ربطه بقوه


up 0 down 0
dub_r-50 357
قبل 3 شهر و 2 أسبوع



مافيه فيوز بين البطاريه والرفرف والمشكله ماتوقع انها برمجه لاني شرقت للموتر ببنزين في بوابة الهواء واشتغل وطفى 


up 0 down 0
withoutx 13
قبل 3 شهر و 2 أسبوع



عندك كذا احتمال
1 الطرمبه تدور ب12 فولت لاكن ضعيفة يعني اول ما تحط عليها حموله يعني تخليها تسحب بنزين من جد تطفي والدليل اما انها تكون حاره بعد الفحص حق البطاريه او اختبار مقاومه بجهاز الكهربائي

2 السلك لازم تفحصه بجهاز كهربا عشان تشوف اذا فيه 12 فولت او اكثر وليس فحص باللمبه
3 السويتش يوصل الكهربا للطرمبه اذا خرب ما تشتغل السويتش داخله زي مفتاح اللمبه يوصل سلكين ببعض

الباقي انت فحصته

حل تلفيقي مد سلك من الطرمبه الى الكتاوت اذا اشتغلت معناته مشكلتك في السلك خلي سمك السلك نفس الاصلي عشان لا يذوب وتولع حريقه


up 0 down 0
ابوزياد123321 182
قبل 3 شهر و 2 أسبوع



غيرت الطرمبه وسويت كل شيء لكن الله يفرجها


up 1 down 0
withoutx 13
قبل 3 شهر و 2 أسبوع



اذا انت غيرت كمبيوتر المكينة لازم تغير قطعه دائريه بنفس الدركسون يفك الطاره وغيرها ويبرمجها لك على المفتاح اذا المهندس ماسوها مراح تشتغل السيارة الكمبيوتر حق المكينة لازم تغير معه القطعه اللي ذكرتها


up 0 down 0
نواف الحربي4 333
قبل 3 شهر و 2 أسبوع



ودها كهربائي خله يفحص لك المفتاح لانه فيه شريحه وقله افحص لي شريحة الدركسون يمكن شريحة الدركسون متعطله الدقمه اللي يركب فيها المفتاح فيه شريحه حقت دركسون يفك الطاره ويحصلها
اذا شريحة الدركسون متعطله لازم ترجع لسيارة اللي اخذت منها الكمبيوتر وتاخذ الشريحه منها لانها مبرمجه مع كمبيوتر المكينة شغلتها طويله


up 0 down 0
نواف الحربي4 333
قبل 3 شهر و 2 أسبوع



انا حصلت معاي ان الطرمبة ضعيفه غيرت طرمبة البنزين ونفس الشي ماتغير شي حصلت ضفيرة المكينة مع ضفيرة القير ملتمسه الالتماس احرق كمبيوتر المكينة صلحنا الالتماس غيرت كمبيوتر المكينة مع شريحة الدركسون ومع برمجة المفتاح واشتغلت
ف


up 0 down 0
نواف الحربي4 333
قبل 3 شهر و 2 أسبوع



ابشركم الموتر زبط والله يعطيكم العافيه ولكن لافآدة الغير : الخلل طلع شريحة المفتاح طلعت المويه اللي فيها واحترقت والحل ب ١٠٠ ريال برمجة شريحة جديده ،، كيف تعرف ان المفتاح يحتاج برمجة اذا جيت تدق سلف تلاحظ فيه لمبة تاشر بشكل سريع وم توقف اعرف انه برمحة


up 1 down 0
withoutx 13
قبل 3 شهر و 2 أسبوع