أضف سؤال أو موضوع جديد          

مكيف الفورد وش الحل

up 4 down 0
محمدالزهراني١٢٣ 18
قبل شهر و 4 أسبوع



سلام عليكم جميعآ. عندي ماركيز  2000المكيف بارد ولما اشغله فيه بروده والصوت عالي.  بس البروده اللي تخرج من فتحت المكيف خفيفه. مع ان لما امسك المبرد اللي في الكبوت. الاقيه مثلج. بس الدفع حق الهواء ضعيف  ويقسم الهواء اسفل وفوق. وش الحل معها. هل لازم اغير القسام. ولا اقدر اقفل بوابات الهواء وخلي  اللي في الامام مفتوحه وكم سعر القسام 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 
اذا المشكله من القسام سهله من تحت ديكور الشاي 
تقفله تخليه يحول الهواء بس عالي فوق .

لكن شيك على ثلاجة المكيف اذا سكرت القسام ولازال دفع المكيف ضعيف

والله يقويك


up 2 down 0
m7md 33 112
قبل شهر و 4 أسبوع



وعليكم السلام ورحمة الله
اخوي بارك الله فيك المشكله سببه اكثر من مكان خلف الديكور لازم تشيك عليه
الاول اللي شرح لك الاخ اللي قبلي ويكون خلف مكان الكاسات وهي عباره عن قسام شبيه باسلاك الكهرب وشغلتها معقده ويمكن تكون مقصصه عندك وملعوب فيها
الثاني خلف القسامات خلف الكاسات يعني تنزل عند دواسات الفرامل والبنزين وتطل عليها راح تحصل قطعه تشبه صفاية البنزين مثبتها ارفعها على فوق وثبتها باي طريقه تقدر عليها وشيك طبعا على دفع المكيف وانت تسوي اي طريقه من اللي اقول لك اذا صار منه الحمد لله تكتفي بطريقه وحده فقط
الثالث عندك تحت الدرج اما الراكب تفك البلاستيكه تحت الدرج اللي فيها اضاءة الارجل وتحصل نفس قسام البنزين مثبت بشكل طولي وطالع منها زي العامود صغير من تحته اضغطه على جوا بيقفل لك الهوايه الخارجيه ويزيد الهواء من الامام
الرابع والاخير افتح درج الراكب واضغطه مع الجوانب راح ينزل عالارض تحصل فوقه من جهة المسجل حديده صغيره على شكل رقم 7 ادفعها باتجاه السواق وحاول تثبتها وغالبا ترجع اذا فصلت البطاريه و تتعلق بالهيتر اذا كان مفصول عندك تخفف الدفع


up 2 down 0
0562318080 157
قبل شهر و 4 أسبوع



هذي الاسباب الاكيده اللي واجهتني بالفورد شيك عليها وبعدها بترتاح ان شاء الله والعلم عند الله


up 2 down 0
0562318080 157
قبل شهر و 4 أسبوع



شف القسام يحول الهواء فوق تقدر تقفله وتخلي الهواء من الوسط


up 0 down 0
نواف الحربي4 345
قبل شهر و 4 أسبوع



الحل سلمك الله بالفيديو المرفق , انا شخصيا طبقته لأن كان عندي نفس المشكلة من 4 سنوات وانتهت الحمدلله
اضف لها فقط لأنه ماهو مذكور بالفيديو ان تخلي الكهربائي يقفل لك بوابة الهواء الي تحت ب سيم حديد بإحكام

https://www.youtube.com/watch?v=RfCHRsJDqbw

بالتوفيق


up 1 down 0
ابوابراهيم 9090 345
قبل شهر و 4 أسبوع



يمكن هوز فيه شق بسيط انا صارت لي قبل شهر صار يطلع من فتحات الطبلون من فوق وصار الهوز مقطوع وركبه لي ورشه الله يعطيه العافيه وضبط


up 0 down 0
abdulaziz bin ateeq 167
قبل شهر و 4 أسبوع



اشكركم على التعاون. والله يسعدكم جميعآ.  بس سويت كل ذي. والقسام طلع شغال. وتوزيع الهوا شغال. ويتوزع. في الامام وفي المقدمه وفي الاسفل. والمروحه شغاله. كل شي ممتاز. والهواء بارد. بس المشكله. البروده مو عاليه. ياعني احط المكيف على ابرد شي. مايطلع هواء كثير زي السيارات الثانيه 


up 0 down 0
محمدالزهراني١٢٣ 18
قبل شهر و 3 أسبوع



يا طويل العمر كانت نفس المشكله عندي وحليتها تواصل على معي واعلمك ما تصلح للشرح اتصل بي بعد المغرب
٠٥٥٧٧٦٦٩٧٠


up 0 down 0
ابو نجد 111
قبل شهر و 3 أسبوع



قصدي تواصل معي على الجوال المرفق فوق اذا تبي الحل


up 0 down 0
ابو نجد 111
قبل شهر و 3 أسبوع



القسام موضوعه سهل و بسيط مقطع يوتيوب و انتهت السالفه
بنسبة لدفع الهواء في جميع الفوردات دفع الهواء غالبا ضعيف عندي ماركيز ٢٠٠٢ سعودي
المكيف يبرد و حلو لكن الدفع ضعيف بس احط المكيف ع ٣ و خلاص
حط المكيف ع ماكس ممكن الهواية تتقفل و خلاص


up 0 down 0
tweitilo80
قبل شهر و أسبوع



اخوي محمد بشر عساك لقيت حل

عندي نفس المشكلة ارفع المكيف والصوت قوي لكن دفع الهواء ضعييييييف جدا
اخر مرة مسكت خط بعد 120 او 140 الهواء يصير ضعيف ولا يذكر شي بسيييط حتى ماتحس فيه
لكن لما امسك الطبلون القاه باااارد لكن دفع هواء مافي
ايش الحل .؟

ياريت اذا انحلت مشكلة تعطينا خبر ضروري


up 0 down 0



نظف الثلاجة لا لغبار ماسك الهوا


up 0 down 0
ابو محمد9999 4147
قبل 2 أسبوع و 6 يوم



اذا تبا اتكد انه من عدم نظافة الثلاجة شغل المروحة بدون الفريون اذا اهوا قوي اعتبر التوصيلات جيدة وذا الهواء ضعيف اعتبر الثلاجة يبغالها تنظيف ويكون اضعف لما تشغل المكيف وتبرد واجهة الثلاجة


up 0 down 0
ابو محمد9999 4147
قبل 2 أسبوع و 6 يوم