أضف سؤال أو موضوع جديد          

اللي جرب اكسبيدشن ٦ سلندر توين تيربو

up 3 down 0
abu zahrah 114
قبل 2 شهر



السلام عليكم كيف الحال ياشباب
ارجوا اللي امتلك السياره وجربها فقط يفيدنا
لي تقريبا اسبوع ابحث في المواضيع مافيه اجابه شافيه او تجربه مفصله من احد الملاك عدا التجارب الدعائيه اللي كلها ايجابيات
رايكم في الاكسبيدشن ٦سلندر توين تيربو ٢٠١٦ (دبل) شاص قصير طبعا من كل النواحي
هل صحيح ان صيانة التيربو او جدول الصيانه الدوريه غاليه
وهل صحيح مع الوقت يضعف وتصير السياره ثقيله
وبالنسبه لاستهلاك الوقود ونوع الوقود
وكذلك التكييف والنور الامامي
وايضا قيادة وراحة السياره في السفر وثباتها في المنعطفاات
وهل فيه فرق بين الخليحي والسعودي وهل يدخل الخليجي تحت الضمان
ارجوا كتابة مميزات وسلبيات السياره بالتفصيل خصوصا اللي جرب فتره ومشا فيه كيلوات كبيره
شاكر ومقدر للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و عليكم السلام ورحمة الله و بركاته

بجاوبك على قد اللي اعرفه

اولا صرف البنزين اقتصادي بنزين 91

ثانيا بالنسبة للصيانه التوربو كل الاكسبديشن 2015 و طالع توربو و اذا تقصد اعطال التوربو نفسه

الفورد التوربو موجود فيها من عام 2010 بأمريكا على سيارات فورد فلكس و فورد تورس شو و الايدج

لكن هنا بالسعوديه ما جابوه الا 2013 اعتقد على التورس شو و 2015 و طالع على الاكسبدشن

ولا احد اشتكى منه لحد الان ما شفت مواضيع احد يشتكي منه

بالنسبة للراحه فهو مريح و راسي و سواقته جميله و عزمه جبار


up 1 down 1
ابراهيم 78 -99
قبل 2 شهر



خويي يستخدم اكسبدشن 2016 توين تيربو العمل صارفها له .. كان يبي يوكن و م توقع انها ممتازه الا يوم جربها
تكييف ممتاز + انوار ما عليها خلاف .. م سافر فيها لكن مريحه داخل البلد وراسيه في المنعطفات هذا اللي اقدر افيدك فيه
حاليا ماشيه معه 40 الف وسياره فزه واستجابتها ممتازه مع ان السياره شاص طويل اللي معه


up 4 down 0
its_o_o 271
قبل 2 شهر



its_o_o

لو تجي تقارن اليوكون و التاهو بالاكسبديشن

اليوكون و التاهو قاسي داخل المدينه او بخط عن تجربه بالخط اي شيء بالطريق ينقز بالسيارة نقز

بالنسبة للعزم التاهو و اليوكون نصف دعسة ما تسوي شيء يعني بسواقتك العاديه الضغط يوصل 3 نص

و عزم السيارة بارد يالله تمشي معك تحس السيارة فيها خمول لازم كل شوي تدعس مافيه استجابه

لكن لو دعست كامل الدعسة او دعسة قوية فزتها وقتها قوي و يتغير صوت المكينه و يمشي معك صح

لكن الاكسبديشن الجديد التوربو او حتى الموديل السابق سواقته خفيفه و ما يحتاج دعس ابدا متجاوب معك على طول


up 3 down 1
ابراهيم 78 -99
قبل 2 شهر



عليكم السلام واحد من اصحابي جربه صرف البنزين ممتاز جدا وعزمها قوي وخفيفه والانور كذلك لاباس فيها وكذلك القيادة مريحه هذا اللي حبيت افيدك فيه والله يكتب اللي فيه خير لك وللجميع


up 2 down 0



مشكورين على تفاعلكم ياشباب
بانتظار باقي المجربين


up 3 down 0
abu zahrah 114
قبل 2 شهر



أقدر أفيدك عن صرف البنزين بحكم امتلاكي للسياره
التانكي 100لتر اذا فللته بنزين ٩١ وكانت سواقتك هاديه ومعقوله
بيمشيك من ٩٠٠ كيلو الى ٩٥٠ كيلو..طبعا اللي يطلع لك في الشاشه أكثر من
١١٠٠ كيلو..

بالنسبه للسياره كنعومه وهداوه وراحه ممتاز ولا عليه كلام..

أما صيانه فما أقدر أفيدك السياره اللي معي ماشيه ١٦ الف فصعب أحكم عليها.

غير كذا اخذت السياره من الوكاله وعليها عرض صيانه مجانيه لين ٥٠ الف كيلو.




up 5 down 0
sultan-07 2431
قبل 2 شهر



عز الله انه موتر ويعجبني جدا عزمه طياااااااره الله يرزقنا ب ٢٠١٨ ٤٠٠ حصان


up 1 down 2
benz lover -122
قبل 2 شهر



ماقصرتوا ياشباب وبانتظار البقيه


up 2 down 0
abu zahrah 114
قبل 2 شهر



في واحد من الاخوان منزل موضوع كامل في المنتدى بخصوص تجربته والبنزين قبل شهر ونص ممكن دورها تحصلها


up 1 down 0
camaro28 731
قبل 2 شهر



زيادة على ماكتبوه الاخوان ومن باب الفائدة

نوره بسم الله ممتاز اشوفه ويكشح الطريق وخاصه يوم فصلو الاصطب كل نور لحاله صار كلام ثاني يعني العالي على اسمه والواطي

يكشح الى قراية 300 متر قدام مسافة ماهي سهله ترى

الراحه والنعمومه فورد تتكلم عن نفسها والله سافرت عليه من الباحه الى الدمام ماشاء الله تبارك الرحمن مرييييح


الصيانة زيه زي اي سيارة بس المهم ان التيربو اذا جيب من مسافة طويلة لاتطفي على طول خل الموتر من 30 ثانيه الى دقيقه شغال

علشان الزيت يطلع فوق التربوات ويريحها وصيانته عادية ياخذ 6 علب زيت وقطعه جدا معقوله على جيب عائلي

وتماسكه يعد افضل الامريكي من الجمس تحس بتماسك الموتر ولاتسمع اصوات قرقعه في الديكور او من هالقبيل


من الاخير موتر ماشاء الله تبارك الرحمن


up 2 down 0
هاوي707 191
قبل 2 شهر