تنصحوا بالكدادة في الخطوط؟

المخاطر الوقوع في المخدرات كبتاجون في حال الحوادث تدفع ديه الركاب الخطوط تهلك السياره بسرعه المخالفات قد تجيك اولا حسب العسكري مكه بلد خير كد في مكه او اقولك شي احسن الخضره ابسط بخضر على سيارتك ترا فيها خير واجد او عندك الخرده المعادن التالفهفيها خير

شوف غير عن المخالفات وبالذات تحميل الركاب
انصحك من جدة لـ مكة والعكس
لانها اكثر شيء فيها شغل

اصرف نظر عنها الا اذا طلعت سيارة ليموزين رسمي المرور ووزارة النقل شادين حيلهم

أعانك الله أخي ورزقك من حيث لاتحتسب
أنصحك بالتسجيل والعمل في الشركات المرخص لها أوبر وكريم وغيرها - في حال كنت تمتلك سيارة حديثه
او
دورة تدريبية في صيانة الجوالات والعمل في المحال المخصصة لها خصوصا بعد حصر العمل بها على السعوديين فقط
ستكون أفضل لك من الدخول في دوامة المخالفات المرورية وقد تخسر أكثر مما تجنيه

وفقك الله وأعانك

يا اخي وش الله حادك تبهذل عمرك ف هالخطوط وتركب معك الصاحي والمجنون والطيب والحرامي 
خل سيارتك معك تقضي فيها مشاويرك ودور لك شركه زي بنده او العثيم تشتغل فيها ثلاث او اربع شهور وطلع سياره وكاله اقساط ودخلها في اوبر او كريم شي مضمون ورسمي 

الكداده انا جربتها من الرياض للدمام والعكس 
والله تعب ومشاكل  مع الكداده بالمواقف وبهذله 
ومخالفات وبعض الركاب الي كانو يركبون معي 
اكثر من مره ركب معي شخص حالته ماهو صاحي 
والمشاكل الي واجهتها اغلبها مع الكدادين بالمواقف 
ليش تحمل قدامي وانا لي ساعات قبلك ماحملت وليش تحمل 
بسعر اقل مننا ويتكاثرون عليك كلهم. والركاب اذا شافو 
المشكله ينزلون وتجلس فاضي. وقروشه. والي تطلعه من المكده 
يروح منه بنزين وزيت واكلك وشربك ويصفى لك شي 
قليل. احياناً تجلس بالمواقف من الظهر وماتحمل الى بعد العشاء 
او انك تظطر تمشي ومامعك غير راكبين. انا جربتها 
ولا شفت غير المشاكل والتعب والارهاق. والي تطلعه 
منها يروح زيت وبنزين واصلاحات لاقدر الله وتعطلت السياره 

والحين مع ارتفاع البنزين ماعاد بتستفيد منها الي 
تحصله يروح بنزين. 

قبل ٤ سنين. اظطريت اتجه للرياض بشكل عاجل
ومريت الموقف لقيت صابونه قديم بس نظيف  دفعت حق راكبين واخذت المرتبه الاماميه
كان شكل الرجال على قد حاله ويميل للتدين.   مرينا تفتيش
نزل قال هذا كريه يدري اني اكد وبيعطيني مخالفه. مع ان زملاءه رياجيل.  يقدرون
نزلت وقلت للعسكري نبي نعطيك دعوه ان الله يوفقك.  بس ترى الرجال ماتعرض الخطوط
الا محتاج.  وفي بلاده. وعلى ارضه. وانت واضح انك لحيةٍ غانمه.  قال تعال فتشني
وقال اركب وخلك ساكت.        وعطاه مخالفه.    مثل هذا واشكاله ودك ينفون من الارض
عيب عليك.    لا احد يقول مخالفه للنظام.    بعد المقاولين اللي يلطشون مليارات الدوله
عشان عندهم علاقه مع فلان وفلان مخالفين.     والريتز كارلتون خير دليل
فنجي عند هالضعيف.     ونمنع عليه كده وشقاه.  

والله وأنا اخوك ما أنصحك لأسباب كثير..

لكن دام لك رغبه بالمكده فخلك على أوبر أو كريم بوسط ديرتك ويين أهلك، والساعات الي بتقضيها بخطوط السفر خلها جوا الديره وبتلاقي خير ان شاء الله..

عندك الكداد والحطاب ما عمرهم اغنتوا ابداً الا يشاء الله 

عندي ولد خاله.   وكنا ساكنين في حي جديد وفيه بداية عمار.  عمال والخ.  
وكان معه ددسن غمارتين.  نلعب كوره وهو من الساعه ٦ محمل   عمال بعدتهم.  رايح جاي.      مامعه الا سادس
وظيفته في البندق. يعني جني في الحرس الوطني. طبعا وظيفه بدون دوام.   
من المكده ذي  بدأ يتاجر بالغنم.   ويوصلها مذبوحه.  الان ماشاء الله مايركب الا لكسز ٢٠١٧
وعند عماير تجاريه وملايين.   صحيح خسر في الاسهم لكن. لايزال مقرش
وعلى فكره كان ولايزال كريم جدا.     لكن كان يعرف يتدبر الفلوس.    
وبداية تجارته من المكده      

طبعا اتوقع الان مستحيل لتغير الظروف. وكثرة السيارات. وووو

انتبة مخالفات وزارة النقل 5000 ريال

كثير اشوفهم ينصحون بكريم و اوبرا ياليت توضحون فوائدها

مع ان اشوف مافيها خير مع ارتفاع النزين الا اذا ارتفع سعر التوصيل رفعه تستاهل مو تسليك عشان يكمل فيها

اوبر.  مدري وش فيه.   عندنا بنت يوديها اخوها للمدرسه ويرجع ب ١١ 
وبعد ارتفاع البنزين.  وداها ورجع ب ٢٧
واخر مره وداها ورجع ب ١٦ 
وش الفرق.  هل الساعه ٨. تختلف عن ٩ 
لانه يوديها اذا استلم ابوهم.      مافهمناهم.  ٢٧ مبالغ فيها
١١ رخيصه.   ٢٠مقنعه للكل

بسم الله اخوي انصحك بكريم واوبر واحد من اخواني يشتغل فيها اليوم يطلع 250 والخميس والجمعة والسبت كل يوم 400 فيها خير بس اهم شي النظافه واحترام الزبون لن فيها تقييم من الزبون وذا كنت في مدينة كبيرة يكون احسن والحين مسموح لكريم واوبر بتحميل من المطار يعني زيادة شقل مشاء الله

الله يرزقك من واسعه فضله , اشوف ان كريم وابر افضل لك من جميع النواحي وتتعامل مع اكثر من فئه بالمجتمع على نطاق واسع ( طلاب مدرسين دكاتره الخ ) فما اعتقد بتواجه مشاكل كثر اللي ممكن تواجهها بالكداده والله يوفقك ويكتبلك الي فيه الخير والبركة .

لا والله ما انصحك

اغلب الردود ما تنصح و انا والله انسان مالي في المشاكل

و ياليت لو اقدر اشترك بكريم لكنهم حادينا عالجديد