ماهي أفضل ورشه لتغير زيت القير للفورد

بالنسبة لتغيير الزيت مايهم العمالة طالما انك بتوقف على راسهم وتنتبه للتالي:
اول شي نوع الزيت تلقاه مكتوب على المعيار حق زيت القير لما تسحبه مكتوب اش نوع الزيت المناسب
اثنين تروح تشتري 6 علب منه مع وجه الي هو القازكيت وفلتر وكلهم أصلي.
ثلاثة يفك الكارتير حق الزيت وينظفه زين من الربش وخصوصا الى متجمع على المغناطيس ويغسل الكارتير بشوي بنزين.
ثلاثة يرجع يركب الكارتير مع الوجه الجديد والفلتر ولما يشد الصواميل يشدهم بالشد العكسي صاموله يمين فوق صاموله يسار تحت
ويرجع العكس صاموله يمين تحت وصاموله فوق وصاموله في النص , الشد يكون باليد ماهو بالمسدس وبدون حديده او شي
مساعد يعني يشدها باليد اقصى شي ولا يزيد عشان لايضغط على الوجه من جهه ويرتخي من جهه ويصير يهرب زيت.
اربعه يعبي الزيت كامل 6 علب وقبل ماتمشي حرك عصا القير من 1 الى الريوس تتابعيا رايح شي وبعده تمشي لك لفه وتعاير
الزيت وعادة يكون مزبوط.
خامسا وهي الأهم والمهم لاتشد على الدعسه ابدا ابدا ابدا لمسافة لاتقل عن الف كيلو , من بعد الالف كيلو تقدر تشد شوي شوي
تدريجيا وفالك التوفيق ان شاء الله.

معروف العماله اليمانيه ماحد يقدر عليهم باسلوبهم الذكي بالنسبة لفوردك يتغير مع الطنجرة ونوع الزيت مقاس كرافت ميكرون
M اسحب علبة وضيف علبة وامش عليها فترة واسحب علبة وضيف ثاني وهكذا وبعده غيره كامل مع زيت الطنجرة 
      

بعد التغيير الكامل امشي بشويش لمدة ثلاث ايام وبعده عادي علشان القير يتشرب الزيت الجديد ويتأقلم معه وسلامتك 

اهم شي لاتطب بترومين وتجربتي بموضوعي وردود العالم المنكوبه خير دليل