أضف سؤال أو موضوع جديد          

كم يسوى فورد فكتوريا 2011

up 1 down 1
mishoxksax 11
قبل سنه



السلام عليكم ؛

كم يسوى فورد فكتوريا
2011
ممشى 340 الف كيلو
سعودي
بودي بلد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المفروض من ٢٥ الى ٣٠ ممشاه واجد


up 0 down 1
benz lover -74
قبل سنه



علمني سعره 25 الف



up 0 down 1
mishoxksax 11
قبل سنه



ما انصحك فيه بعد ارتفاع البنزين


up 2 down 1
1405-1985 1237
قبل سنه



ممشاه كثير ياصاحبي انا معي ماركيز 2001 ولا بعد وصل هالممشى !


up 1 down 1



الممشى مايعيب السيارة اذا مكينة و قير و دفرنس سليمة
و اهم شئ البدي الفورد فل بنزين اخضر حدود 85 ريال
داخل مدينة يمشى حدود 600 كم على سواقة معتدلة
خط فوق 600 كم

و الفورد يتميز بالراحة و التكييف و رخص قطع الغيار


up 5 down 5
alhkami 322
قبل سنه



اما الفورد يتميز بالتكيف ههههههه
رخص القطع والراحه معك
اما تكيف من اسوء المكيفات
هي الفكتوريا والماركيز
اما التورس وخواتها مكيفاتها ممتازه


up 3 down 6
d7ooom777 412
قبل سنه



بالعكس مكيف ممتاز وبارد معي ماركيز 2008 والحمدلله
ثلج ماشاء الله تبارك الرحمن


up 3 down 2
am.an.com 415
قبل سنه



اللون له دور والكفرات واوراق السيارة وداخليتها 
اذا كل هذا ممتاز يسوى هالملبغ علما هذا أعلى سعر له
يعني اذا يبي له صيانة حتى بسيطة يعتبر غالي وومشاه كثير


دحوم كان معي ماركيز 2008 تكيفه افضل من التورس 2013 خاصه طريقة توزيع الهواء وقوه دفعه والبرودة لا يعلى عليه 
التورس التكيف بارد لكن طريقة توزيع الهواء سيئه ودفعه ضعيف لازم تزيد الى اربع طقات لاجل اَي يصل وتحس به 


up 2 down 1
088mansour 760
قبل سنه



انحش عنها ماشيه واجد كانت واحده مع اخوي 2011 تصرف بنزين واجد بالنسبة للتكييف ماحولك تبريد كل السيارات الجديده كذا مكيفاتها بالصيف ماتجمل مو بس الفورد


up 0 down 3



بالنسبة حق الي يقول الممشى مايعيب السيارة اجل وش الي يعيبها؟

اذا الممشى 340 الف والا 500 الف والمكينة سليمة تتوقع رح تمشيني الى المليون مثلاً بدون مشاكل؟

وليه الي يسوم يسأل كم الممشى؟


up 2 down 2
chevrolet zr1 585
قبل سنه



اخ نواف معا 2011 وما يصرف مثل ما ذكرت ممكن اللي كان معك اخوك فورد سعودي ذاك يصرف زيادة عن الامريكي اللي معاي لان السعودي جاي شكمانين ولو كان عندنا بنزين 85 زي امريكا لكان الفورد اجمل واجمل لان هذا البنزين ما يصرف ويطول في الاحتراق


كسيارات 8 سلندر يعتبر الفورد فكتوريا افضل شي في صرف البنزين اذا كانت مكينته وبخاخاته نظيفة داخل المدينة مصروف 6 سلندر وفي الخطوط على سرعة 120 110 مصروف 4 سلندر في استهلاك البنزين وهذا الكلام عن تجربة لهذا الشهر


شف الممشى مو نقطة عيب في سيارة
انا اعطيك مثال سيارتي جراند ماركيز 2005 ماشية 430 الف لكن نظيف بكل ما تعنيه الكلمة سواء داخلية خارجية ميكانيكة

جاري معه نفس الموديل وممشاه اقل لكن ديكوراته مكسرة معطيه لولاده كل يوم ورع يسوقه ومن بره محكحك وعدم مبالة بالسيارة

وكمان انا الف المعارض لقيت 2011 وفيكتوريا ممشاه 280 الف والله ثم والله من ركبته ما كاني في سيارة مهلوك بكل ما تعنيه الكلمة

انا سيارتي حتى اخوي ما اعطيه

فلا تعتمد على الممشى كثير طبعا في حدود المعقول

اما فوردك ممشاه 340 في 6 سنوات تقسمها يطلع كل سنة يمشي 56 الف تقسمها على 12 شهر يطلع كل شهر يمشي4700
تقسمها على 30 يوم يطلع كل يوم يمشي 157 كيلو !!!

شكل صاحب السيارة دوامه بعيد


up 0 down 0
mercy_sa 936
قبل سنه