أضف سؤال أو موضوع جديد          

تهريب زيت الدفرنس .. ماركيز 2001

up 1 down 1
moath 5997 28
قبل 10 شهر



السلام عليكم ... مثل ماهو واضح من العنوان اليوم مريت لي ورشة ابي اضبط تهريب بزيت الدركسون ويوم رفع الموتر
الا الموتر من تحت كلله زيت ويوم خلص شغله قلت شف لي وش هالزيوت .. ويراعي قال لي هذا من صوفة المكينة
قلت بس الزيت ماينقص قال يمكن قديم ولو تبي تتاكد نظفة كله وشوف يطلع زيت او لا .. وشاف الدفرنس الا قال زيته ناقص
وانا انخرشت الصراحة مدري وش المشكلة ووين التهريب ولا ادري وش السالفة .. وودي اسالكم .. وش اسوي الحين امر بنشري اخليه يزود الزيت ؟ ولا اخليه على وضعه ؟ ولا اوديه لميكانيكي مختص يشيك وين التهريب ؟ علما باني ما اسمع
لاصوت ولاشي يعني الموتر سلييم .. والنقطة الثانيه لو مشيت عليه وهو كذا وش اسواء شي ممكن يصير للموتر ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله 

اول شي تسويه اغسل الموتر من تحت عشان تشيل كل الشحوم والزيوت وتقطع الشك باليقين ،،، وبعد مشوار قصير  ارجع ناضر تحت السيارة وشف اذا في تهريبات وكل مارحت مكان ورجعت تفقده  ،،،،بعدها اذا شفت زيت روح لاقرب ورشة وارفع الموتر وشف من فين الزيت والتهريب بالظبط


اهم شي لاتروح مشوار الا ونت متفقد زيت المكينة والقير لايكون فيهم نقص  



up 2 down 0



اول شي تسويه تروح بنشر يفتح الدفرنس ويزود الناقص بالغالب

الي ناقص كمية بسيطه وثاني شي وهو المهم تلاقي لي صغير يسار الدفرنس يعني ناحية السواق

هذا حق تبخير... لازم تنظفه ومايكون مسدود لان اي انسداد يسبب ضغط

لبخار الزيت وبعدها يبدا التهريب من اقرب نقطه وهي الصوفه

اسوا شي ممكن يصير حسب سؤالك لو كان فعلا ناقص ومشيت مسافه

كبيره والنقص فوق نص لتر بيتظرر رمان البنيون لان مكانه عالي

وهو اول شي ينقص عليه الزيت.


up 1 down 0
abdullah.ags 366
قبل 10 شهر



كان معاي  فورد قبل  الفود  يعشق التهريب  معروف  بنسبه  لدفرنس  روح  البنشري ويعبيه  لك  زيت  وذا  قفل  االصاموله  يحط  حق  السباكه  الفه الابيض   ويقفل  الصاموله  اما تهريب الدكسون  فيه  علبه  من  ساكو  توقف  التهريب  ولا تخصر  واجد  عليه  الفورد  يعشق   التهريبات  ولاصوات  وطقطقه


up 2 down 0
سمرمد 200
قبل 10 شهر



اذا زيت المكينة كامل يمكن صوفت القير الاماميه او الخلفيه ويطرطش على الدفرنس اغسل بطنها وشف من وين التهريبات


up 1 down 0
نواف الحربي4 330
قبل 10 شهر



لا هين انا متاكد ان التهريب من الدفرنس لاني دايم اشيك على كل الزيوت ولافيها اي تهريب والميكانيكي شيك عليه وقال ناقص .. لكن انا خايف اعبيه من عند البنشري وتطلع اصوات او مشاكل واخاف اخليه وتطلع لي مشاكل ثانيه وش الحل ؟ لاني سمعت ناس يقولون لاتعبيه الا لازم تشري زيت من الوكالة ومعالج ومدري وشو


up 2 down 0
moath 5997 28
قبل 10 شهر



عب النقص ولا تخاف بس يكون زيت مطابق للدفرنس مايكون نوع ثاني وتقدر ترجع للكتالوج


up 0 down 0
ابو حسين.......... 802
قبل 9 شهر و 3 أسبوع