استهلاك الفورد

طبيعي مادام 8 سلندر

معدل الفورد الصح 10.02
يعني كل 10 كيلو تستهلك لتر بنزين
اكثر شي يسبب صرف الوقود البواجي وفلتر الهواء وبوابة الهواء

حسب موقع كفاءة الطاقة الأمريكي اللتر المفروض يمشيك كمتوسط 8 كيلو
أما موقع كفاءة الطاقة السعودي اللتر يمشيك كمتوسط 10.3 كيلو

الفورد ماله حل الا اذا الله رزقك تبدله بموتر ثاني 

انا سويت كل شي وهو نفسه المعدل الاستهلاك ماتغير شي 

يا رجال نعمه

انا عندي ماركيز
كل 5 كيلو .. لتر
يعني اللتر الواحد .. يودي 5 كيلو

وانا موتري تقريبا 70
يوديني 350 كيلو .. ومرة حسبتها وطلع لي 330 كيلو
داخل البلد طبعاً ..

فالخطوط الصرفية افضل.

عبدالملك شف حساسات الاوكسجين ودبة الرصاص والبواجي وفلتر الهواء وغطاء التانكي والصفاية شفها كلها تسبب صرف انا الفل عندي تمشي 500 كيلو

شف لمبة تشيك انجن شغاله او لا اذا شغاله الله يعينك على صرف البنزين قبل كانت عندي وضبطها والان ميه ميه موتري موديل 98 ماركيز

شوف خذ نصيحة من مستخدم فورد سابقا 
1- ابتعد عن السرعه والقومه القوية اللي مع الإشارات وغيرها قومها على اقل من مهلك 
2- اذا كنت واقف بالسياره تنتظر حتى لو دقيقه طفها ولا تنتظر وهي شغاله 
3- تأكد من صيانه السياره مثل البواجي وصفايه البنزين والثروتل وفلتر الهواء  وغيرها اذا كانت تمام ان شاءالله بتلاحظ تحسن في الصرفيه 

انا عبيته فل كتب في الشاشة يمشي 711 كم موديله 2011 امريكي ومرة عبيته من الطايف كتب في الشاشة 830 كم ووصلني بتانكي واحد لين القدية والدنيا صيف ومكيفات

العام الماضي عبيت في حائل وبتانك واحد بسم الله ماشالله وصلت للثمامة في الرياض السرعة 120 ثابتة تنقص شوي تزيد شوي لكن اغلب الوقت 120

ي رجل صرفيتها اجل مثل الكورلا

عندي اللتر تمشيني 10 -11 كيلو


والكورلا 2007 موديلها

لايكون في مشكلة بسيارتي

افلل ب 66 ريال 48 لتر

ما تمشي الا 500كيلو تقريبا داخل البلد

يعني المعدل 10 كيلو في اللتر

اجل سيارتي صرفيتها عالية

نواف ..
اللمبة شغالة ..

لكن دامه يروح ويجي بركة ..
المواتر هالحين (حرك تبلش)
يعني مثل ما يقولون نبي نكحلها واعميناها

تو مغير ومعدل فيه وخسران عليه بالآف ..

لكن فالخطوط صرفيته طيبه ..

دام لمبة تشيك انجن شغاله الله يعينك على الصرفية اكيد حساسات الاوكسجين ودبة الرصاص معدومه وهي اكثر شي تشرب بنزين عالي جدا جدا جدا

فك حساسات الاوكسجين ونظفها ورجعها تخف الصرفية ٦٠%

ابجرب وان شاء الله تضبط

لاتنسى لفكيت الحساس شفه اذا متكسر او متأكل لازم تغيرها ماينفع تنظفه

عندي فورد 99 يصرف بنزين يمكن الفل يمشي 350 كيلو
واعتقد المشكلة من الحساسات لكن من وين اغير الحساس فيه محلات اشتريها