أضف سؤال أو موضوع جديد          

فاكتوريا مخزن

up 3 down 2
ask1430 6
قبل 2 أسبوع و 6 يوم



السلام عليكم ورحمة الله وبركاته

من يعرف لي فاكتوريا مخزن او جديده عنده او عند معرض اهم شي ممشاها اقل من عشرة الالف واللون الذهبي سعودي
وفقكم ربي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام بحدونها عليك ب ٨٠ ويستغلونك ان حصلتها اصبحت مستهلكة ان طقتها الحمى ما ادفع فيها اكثر من ٤٠ 


up 6 down 4
benz lover 82
قبل 2 أسبوع و 6 يوم



فعلا أسعارها كلمة خرافية قليلة بحقها

حصلت وحدة بالموقع قبل فترة حادينها ب ٨٠ الف ممشاها تقريبا ١٠ الاف ولو تبحث بقسم ٢٠١١ ممكن تحصلها

لكن السعر مبالغ فيه الى حد الجنون والمشكلة لو تستخدمها سنة وتنزلها الحراج ممكن ما تسام منك بأكثر من ٣٠!!!

الافضل تدور شي نظيف ممشى معقول اسعارها على ٢٥ تزود وتنقص حسب الممشى والنظافة واللون


up 4 down 6
دكتوراه في الحب 259
قبل 2 أسبوع و 6 يوم



من زينه عاد الله يقطعها من سيارات
٨ سلندر وحده ١٦٠ ههههههه مدري ليه ٨ سلندر
وياكل بانزين وهو ١٦٠ يالله يجيبها
نصيحه اترك الفرد خله يولي


up 14 down 15
ركاب الالماني 3259
قبل 2 أسبوع و 6 يوم



الفرد سعره يطيح ماحد يدفع فيه ريال


up 7 down 7
ركاب الالماني 3259
قبل 2 أسبوع و 6 يوم



ي ركاب الالماني اذا ما انت حاب تفيد اكرمنا بصمتك بالنسبة لي صاحب الموضوع نصيحه ابعد عن المخزن ماتنفع بريال الفورد لوقفت تخرب دور لك فورد غير مخزنه


up 5 down 12
نواف الحربي4 322
قبل 2 أسبوع و 6 يوم



وعليك السلام
شف معرض البحر العربي خابر عنده وحده وفيه وحده بالمعارض الشمالية مرهم مدري اي معرض

طبعن اقصد معارض بريدة


up 2 down 2
الأطلســـي 26
قبل 2 أسبوع و 6 يوم



الفورد سياره خسيسه
من عام ٩٠ الى ٢٠١١ ماتطور فيها شي
نفس الشكل الغبي والداخليه الخايسه
اللهم مكبرين الوسايد حقت الراس مخلينها اكبر من الكرسي نفسه هههههههههههههه تخلف قسم بالله
واللي ألكع من كذا مكينه ٨ سلندر واليارس تمحطك بالخط تمحيط هههههههههههههههههه سياره عار



up 8 down 5
ركاب الالماني 3259
قبل 2 أسبوع و 5 يوم



مع أحترامي لك يا ركاب الالماني كلامك غير صحيح

العزم جيد خاصة اذا كتمت له ورجع نمرة يطربك يارجل

ومكينة ٨ سلندر حتى لو عزمها ضعيف مقارنة بحجمها لكن حتى لو تمشي ١٦٠ تكون المكينة مريحة وهادئة

وبالنسبة للشكل هاذي مسألة أذواق

وبالنسبة لي الفورد الوحيد اللي امتلكته كانت موديل ٢٠٠٥ وبعته قبل ثلاث سنوات


up 7 down 5
دكتوراه في الحب 259
قبل 2 أسبوع و 5 يوم



ركاب الالماني
ماجربت الفورد كاستخدام
ارحم من اليارس بكثير وصيانتها رخيصة مو ذيك الغلاء
وحقت خطوط وكرف وحق كل حاجة


up 2 down 2
ali-911 2925
قبل 2 أسبوع و 5 يوم



وبالنسبة لصاحب الموضوع دور فورد ماشي 90 الف بهالحدود واذا تبي ذهبي ونظيف خذ من حقات ارامكو



up 0 down 0
ali-911 2925
قبل 2 أسبوع و 5 يوم



وعليكم السلام ورحمة الله وبركاته

اتذكرعضو قدير هنا قبل كم سنة كان يدور فورد ماركيز امريكي مخزن أو نظيف من الصالات

كل ماشاف وحدة اكتشف فيها حلأ > صدأ من تحت

واتوقع صرف النظر عنها
ترى امريكي ومخزن يخوف إلا إذا كان مخزن بطريقة احترافية جدًّا وهذا نادر تلقاه

بالتوفيق وإن شاء الله تلقى طلبك



up 1 down 0
nader2002 1499
قبل 2 أسبوع و 4 يوم



الله يجزاكم خير
لكن انا ابحث عن الفورد ولي الرغبه فيها ولم احصلها في معارض بريدة ولا غيرها ولي اكثر من شهر ادور اذا احدى
يعرف لي الله يجزاه خير ووفقكم ربي واسعدكم


up 2 down 2
ask1430 6
قبل 2 أسبوع و 4 يوم



نصيحه اتركها وخلها تولي
تشفط بانزين ومكينه كبيره ولاتمشي
خذلك كامري اصرف منها


up 1 down 3
ركاب الالماني 3259
قبل 2 أسبوع و 4 يوم



بتلقى بمعارض الدمام فوردات من حقات ارامكو وامريكي من الصالات مثل مجموعة السلام والعوهلي والكفاح


up 3 down 2
ali-911 2925
قبل 2 أسبوع و 4 يوم