أضف سؤال أو موضوع جديد          

مشكلة في قير فكتوريا 2004

up 0 down 0
allawi506 2
قبل 5 شهر و 3 أسبوع



السلام عليكم

عندي مشكلة ف قير فكتوريا 2004 سعودي ماشية 400 الف ،،،

المشكلة هي
ادا كانت السياره بارده (الصبح) اشغلها احميها شوي احطها فالدي تصير كنها عالفاضي لكن تمشي خفييف واذا دعست تزيد السرعه ب شي بسيط لكن تحس القير مالقط النمره ، المهم لازم ادعس له نص دعسه ثم ينتع وتمشي زي الحلااوه .
لكن اححيانا القير يفضي بين سرعه 60-40 ، مثلا اذا كنت ماشي 120 ثم رفععت رجلي عن البنزين عشان اخذ مخرج ودعست تصير كنها عالفاضي لازم ادبل الدعسه وتنتع وتمشي تمام .
واذا كنت توني مطفي السياره وحطيتها بالدي يصير ادعس دعسه بسيطه وتتلقم وتمشي .

للعلم الريوس مافيه مشكلة ، وايضا المشكلة هذي جتني بعد تغير زيت القير والفلتر ب كم يوم ، وايضا غلطت غيرت نوع زيت مخصص لفكتوريا من موديلات 2008 وفوق .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب وش تنتظر رجع زيته الاصلي وان شاء الله يرجع طبيعي


up 0 down 0
ابوخلوودي1 5071
قبل 5 شهر و 3 أسبوع



مارجعته لان مادري ما احس المشكلة من نوع الزيت .
لكن لو برجعه اغيره كامل مع زيت الطنجرة ؟


up 1 down 0
allawi506 2
قبل 5 شهر و 3 أسبوع



ماودي اكبر الموضوع ولكن الواضح ان القير خلاص انتهى ويحتاج توظيب 
الزيت القديم كم كنت ماشي عليه ماغيرته ؟ 
مشكلة كثير ناس يواجهونها بسبب تأخير تغيير الزيت والفلتر  
حتى الوكالات يحسبون لها ألف حساب وتوقيع واقرار اخلاء مسؤولية 



up 1 down 0
hussain4 711
قبل 5 شهر و 3 أسبوع



مدري بالضبط كم لكن اتوقع حدود 50 الف .

لكن مو ممكن المشكلة من حساسات ؟ مثل حساس الكف ؟


up 1 down 0
allawi506 2
قبل 5 شهر و 3 أسبوع



مدري بالضبط كم لكن اتوقع حدود 50 الف .

لكن مو ممكن المشكلة من حساسات ؟ مثل حساس الكف ؟


up 0 down 0
allawi506 2
قبل 5 شهر و 3 أسبوع



واذا هي توضيب ، كم تتوقع يمشيني لين مايوقف القير تماما ؟ لان ناوي امسك فيه خط للدمام (:


up 0 down 0
allawi506 2
قبل 5 شهر و 3 أسبوع



حساس الكف يسوي تاخير ويفلت النمر خصوصا اذا الموتر حار


up 0 down 0
youssef296 29
قبل 5 شهر و 3 أسبوع



خذها مني القير معدوم مايفلت إلا اذا الكلشتات رايحه فيها شكلك ما تهتم بالزيت


up 0 down 0
نواف الحربي4 340
قبل 5 شهر و 3 أسبوع



القير ودع يالغالي لا حساسات ولا خرابيط توضيبه رخيص لا تبهذل نفسك وتمسك خط انتبه


up 0 down 0
benz lover -117
قبل 5 شهر و 3 أسبوع



طيب رايكم اوضب ولا اشري قير من التشليح ؟؟؟
واذا تخبرون ورشة شغلهم جيد ياليت تدلوني عليها


up 0 down 0
allawi506 2
قبل 5 شهر و 3 أسبوع



غيره بمستورة افضل لك وسعره 1200 مايتعداها وتركيبه 300 ريال حولها والتركيب على حسب الورش فيه اللي يخلصه بنص يوم وفيه اللي يخلصه بيوم ع حسب الورش


up 0 down 0
نواف الحربي4 340
قبل 5 شهر و 3 أسبوع