أضف سؤال أو موضوع جديد          

صوت ماء يسري فيوجن 2012

up 4 down 2
zawyagy 12
قبل شهر و أسبوع



السلام عليكم
عندى اسمع صوت سائل او ماء يسري
وخاصة عند تشغيل السيارة وبعده يختفى هذا الصوت
ايه المشكلة وهل خطيرة
وليه ما فى قسم خاص بالفيوجن بالمنتدى غريبة؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


^^ في نقص ماء عندك ؟؟ شيك عليه

ثاني امر الفيوجن سيارة غير منتشرة كثيرا لذلك مدرجة تحت قسم فورد 


up 0 down 2
benz lover 82
قبل شهر و أسبوع



يمكن ليات الماي الحار للمكيف او نقص مويه رديتر


up 1 down 1
زاهد الاحمدي 234
قبل شهر و أسبوع



عندي نفس الصوت في التيما 2009
طلع وقت البرد قبل ماكان فيه
يطلع لما اشغل السياره الصبح
اتوقع مافيه مشكله يمكن الليات بارده
وهذا صوت الماء لما يتحرك داخلها والله اعلم 
الزبده لاتوسوس


up 0 down 0
احمد 170 270
قبل شهر و أسبوع



الأغلب نقص في ماء الرديتر ، حاول تعبي القربة الخاصة بماء الرديتر الجاهز المخلوط حتى كلمة max ، أو ماء مقطر


up 2 down 0
anosi 1091
قبل شهر و أسبوع



الغي  اللي الحار.    تزداد برودة المكيف. وتفتك من هالصوت
احتمال اخر ثلاجة المكيف.     


up 0 down 2
عبدالله الشفيعي 1272
قبل شهر و أسبوع



عندك نقص ماء في الرديتر


up 2 down 1
moathqaisiyah 169
قبل شهر و أسبوع



وعليكم السلام اذكر استأجرت كيا ريو ومع التشغيل خصوصآ اذا كانت بارده اسمع صوت الماء
مدري طبيعي مع انها جديده ورجعتها للمكتب ومافيها شيء


up 1 down 2
المنطق يقول 630
قبل شهر و أسبوع



أنت مخلي فرار أو ضبط حرارة هواء المكيف على الحار ؟؟

إذا كذا فهذا طبيعي، هذا صوت موية الرديتر وهي تتحرك وتدخل للدفاية وتطلع منها.


عبدالله الشفيعي، بئس النصيحة.
يعني صانع السيارة حاط الدفاية كذا منظر ؟!
طيب ومن يدفي الرجال راعي الموضوع في هالبرد إذا لغى الدفاية ؟!


فيه واحد شغال دسلايكات هنا ههههههه
أتوقع إنه الشفيعي، الدسلايك لا يغير المشاركات :)


حياك ياوليد
١/. انا عندي سيارات.  ما اشغل المكيف الحار ابد.        لانه يضرك انت تنزل من محيط دافي للشارع البارد 
٢/ المكيف تزيد برودته    
٣/. اذا يحتاجه يخليه.      انا والله فصلته عن ماركيز.   وزادت البروده.          وعمري. ماشغلت الحار.   حتى الاسكاليد عندي
اركب سيارتي ادفى بفروه بجكيت.        وهو حر.        وكثير.  من الناس فاصلينه
وحنا ماحنا في سيبيريا.    ماعندنا برد.      


رأيك وأحترمه، لكن لا تفرضه على الغير :)
أنا ما أعرف أسوق السيارة وكل شيء داخلها جامد.
وتنفس الهواء البارد يضر المجرى التنفسي، فأنا أدفي المقصورة وإذا نزلت أتلطم لحد ما أوصل مكان دافي.

ولا يمكن أستغني عن الدفاية ومقولة إن فصلها يزيد برودة المكيف هذا فقط في حال كانت البوابة اللي تسكر هواء الدفاية داخل الطبلون ما تسكر مزبوط.
بالإضافة إلى أنها على كلامك تزيد البرودة، المكيف بيكون درجة برودة وحدة بس، ما تقدر تخفض برودته أبداً.
يعني إذا اشتغل لحد ما صار بارد مرة بتتجمد يديك ويمكن تمرض بسبب برودة المقصورة الشديدة والخارج حرررر صيف.

اشتريت سيارة قبل مدة لاقيت صاحبها السابق فاصل الدفاية، وحصلتها منسدة، والله يعينني على فتحها أو تغييرها.


عجيب!
ممكن يقنعني أحد وش فيه كلامي خطأ علشان أصحح معلومتي؟


أنا أشوف كلامي سليم جداً ودائماً كلامي سليم لأني أبنيه على تجاربي وخلاصات تجارب المخترعين والصانعين، ما أجيب شي من راسي وتجربة كم شخص.

فياليت اللي يشوف كلامي غلط يفنده بالدليل.

ومعروف صوت جريان الماء داخل المقصورة سببه مروره في الدفاية.


ولا تخافون ما راح أسوي لكم دسلايك.
هذي آخر مشاركة للشفيعي عطيته لايك لأنه تكلم بكلام من تجربة واقعية له وأتفق معه في بعضها.


هون عليك اخي وليد.   حنا هنا في الموقع  نتبادل الاراء احيانا نخطئ.  احيانا نصيب
رأيي صواب يحتمل الخطأ او خطأ يحتمل الصواب.    ولا اعتقد. ان فيه احد بياخذ رأي واحد.  لا. يأخذ رأيي رأيك ورأي ١٠ ورش
ويبحث.   انا الان طرحت تساؤل عن مساعدات لسيارتي. كنت بتوهق واركب عاديات
طرحت تسأؤل.  وكلمت احد الزملاء معه يوكن.   قال ابد ركب حقها.  عشان ماتفقد ميزة التوازن ولاتولع لمبه في الطبلون
وتوفقت بواحد.   بيبيعني ٢ جدد ب ١٤٠٠. والتركيب رخيص.   
ولك من عندي احلا لايكات. واحلى تحيات واصدق دعوات 
انا وانا اخوك ماركيزي خسرني مكيفه.  قال واحد افصل الحار.  وفصلته وصار يبرد.  ولاعاد خرب. قعدت ٤ سنوات احلا منه مافيه
رغم ان فيه تحذيرات انه يأثر على الثلاجه حقت المكينه.   وبصراحه.  خربت الثلاجه بس مدري هو منه او لا.   يقولون عادة الفورد تخرب 
ثلاجته.     


ههه تو قريت  اتهامك.   اللي فوق.  والله مهوب انا ولادخلت الموقع الا اليوم
وعطيتك لايكات على مواضيعك. 


الله يسعدك أخوي عبدالله.


ماشاء الله
ربي عدكم جميعا على الردود والنقاش البناء المحترم
تسلموا على مروركم الكريم والنصائح الجيدة .



up 0 down 0
zawyagy 12
قبل شهر