هل فورد توروس عملية

وعليكم السلام
نعم عملية واحسن ماخترت
الموتر خدوووم جدا واحسن مافية عزلة ماشاءالله
طلعته جمرك امريكي في شهر 8 الي راح
2013 لؤلؤي
الى الان الحمدللة ماواجهت اي مشكلة
فية حاجتين فقط الي هي المساحة الامامية ضيقة اشوي
والرؤية فيها ضيق اشوي
غيرها مايلحقة اي كلام
لاتنسى اذا نويت تاخذ رقم الهيكل
وتطلع تقريرين الكارفكس والاوتوشيك
وتشوف وضعها ولا يكفي التقريرين
افحصها من الصدام الى الصدام مسمار مسمار
والله يوفقك الموتر حلوووو يعيبة الحاجتين الي ذكرتها

وعليكم السلام ورحمة الله وبركاته
انتبه فيه دفع امامي  ودفع رباعي والافضل الامامي
موفق خير

قطع غيار البودي غاليه و ما تتوفر الا بالوكالة
و تصرف بنزين وسط البلد شوي لكن بالخط ممتازة
انصحك خذ اقل مواصفات بأقل سعر ممكن

صادق والله الامريكي مايحتاج على الخطوط والراحة فية عال العال لاكن قريت وسمعت ان فية شوي تعقيد في بعظ الاصلاحات مثل البواجي لازم تفك الثلاجة والمساعدات وبعض الاشياء هل ذا صحيح 

انا ماستخدمتها لكن ركبتها الرؤية فيه دمار والداخلية تصميمها سيئ وضيقة وعيب فيها لاحظته رحت لمحل هدروليك شفت دودة تورس مفكوكة يقولي لحقتها موية وخربت لانها كهرب والدينمو راكب في الدودة تحت واحترق وقيمتها مبلغ جامد

أنا أستخدمت السيارة لمدة 3 سنوات تقريباً إلى أن عملت فيها حادث وبعتها .. بأمانه السيارة ماطلبت مني شي غير بطارية وكفرات

من تجرتي لها لانصحك بها

الله يكتب لنا ولكم لكل مافيه خير
الموتر مااشريته لكن استخدمت واحد الرؤية فيها صعبه

مع اثنين من اقاربي عانوا فيها من خرابات مثل دواسة البنزين والسياره تطفي ومشكلة في الجلنط انكسر والثاني المكينه فيها مشكله
واسعار قطع الغيار غاااااااااااليه جدا

لو بقيمتها تاخذ افالون امريكي حيكون افضل كعزم وكراحه وكوسع وقطع غيار وكل شي

الله يجزاكم خير خلاص بشرد عنها والله كثير يذمونهاا

نصيحة اتركها وخذ لك سيارة شعبية متوفرة قطع غيارها ولاتاخذ تورس مستوردة لاتعلم ماذا جرى لها ولاتغرك التقارير حاليا يتم تعديلها بسهولة

محدثك معه تورس 2013 السياره عمليه ولا تطلب شي وبخصوص تغير البواجي صحيح لازم تفك الثلاجة لان تحتها ثلاث بواجي في البداية حسيت الامر صعب لكن تطلع جدا واضح وسهل ومن تفتح الكبوت كل شي واضح فيه كم مسمار تفكها وتنزل الثلاجة يعني ما فيه تعقيد 
وبخصوص اللي يقول الرؤية معدومة هذا للي سيارته ما فيها كاميرا خلفية يعاني لكن اللي موجودة كاميرا ما يحتاج يلتفت للخلف كل شي واضح بالكاميرا 
لذلك انصحك بها 

قطع الغيار غاليه وطرمبة الموية لو تخرب غير تطلع مكينة السيارة بكبرها ومساحتها الامامية ضيقة وتواجه مشكلة عند الصراف بعيده عليك شوي بس الرساوه ممتازه جدا

السيارة خدومة مايحتاج وصرفيتها تصرف لكن مو ذاك الشي

السيارة كبيرة ترا والرؤية ماهي سهلة بس عندك كاميرا خلفية أساسية تساعد

والمساحة من الداخل اشوفها ممتازة

عموما اذا السيارة سقتها وتعودت عليها ماراح تتركها

وصحيح بعض القطع الخارجية غالية وأغلب السيارات الجديدة كذا

الموتر بأمانه معي و عملي
لكن  انصحك بسياره  تكون اخف اذا مشاوريك داخل المدينه
التورس أفضل للخطوط

الي يقول لك سمعت عن عن وعن اسحب عليه
السياره معي من 2015 والحمدلله عملية لأخر درجه ومريحتني على الأخر.

ومع احترامي التورس مع كثيرين مثل الناس حالها حال السيارات الأخرى . غير كذا القطع متوفره في التشاليح او خذها من النت لباب بيتك

التورس فعلا لما ترجع ريوس فيها مشكله ^_^ اذا كانت بدون كاميرا ( محدثكم بدون كاميرا ) ولكن الحمدلله مو تقول مشكله كبيرة

اما صرفية البانزين : فعلا تصرف اذا قلبتها سبورت وتدعيس عند كل إشارة .

التورس الان متوفر منها 4 سلندر . ولو قررت اخذ سياره تورس من جديد باخذها وانا مغمض عيوني


قطع البودي كيف ماتلقاها الا عند الوكاله .... والله لو اني راكب جاغوار