أضف سؤال أو موضوع جديد          

هل فورد توروس عملية

up 7 down 4
alrabee605 18
قبل 6 شهر و 2 أسبوع



سلام عليكم ..
ناوي اشتري سيارة بحدود 40 الى 48 حصلت توروس 2013 sel بطاقة جمركي السؤال هل التوروس عملية ولا كثيرة خرابات وهل تنفع لي انا طالب بالجامعة ؟!

رجاً الي مستخدم السيارة هو الي يعطينا تجربتة مع التوروس حتى غيري اذا قراء الاستفسار يستفيد وشكراً. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
نعم عملية واحسن ماخترت
الموتر خدوووم جدا واحسن مافية عزلة ماشاءالله
طلعته جمرك امريكي في شهر 8 الي راح
2013 لؤلؤي
الى الان الحمدللة ماواجهت اي مشكلة
فية حاجتين فقط الي هي المساحة الامامية ضيقة اشوي
والرؤية فيها ضيق اشوي
غيرها مايلحقة اي كلام
لاتنسى اذا نويت تاخذ رقم الهيكل
وتطلع تقريرين الكارفكس والاوتوشيك
وتشوف وضعها ولا يكفي التقريرين
افحصها من الصدام الى الصدام مسمار مسمار
والله يوفقك الموتر حلوووو يعيبة الحاجتين الي ذكرتها



up 10 down 12
الرفاعي33 13761
قبل 6 شهر و 2 أسبوع



وعليكم السلام ورحمة الله وبركاته
انتبه فيه دفع امامي  ودفع رباعي والافضل الامامي
موفق خير


up 2 down 4
عبدالرحمن النوفل 96
قبل 6 شهر و 2 أسبوع



قطع غيار البودي غاليه و ما تتوفر الا بالوكالة
و تصرف بنزين وسط البلد شوي لكن بالخط ممتازة
انصحك خذ اقل مواصفات بأقل سعر ممكن


up 4 down 2
1405-1985 1284
قبل 6 شهر و 2 أسبوع



صادق والله الامريكي مايحتاج على الخطوط والراحة فية عال العال لاكن قريت وسمعت ان فية شوي تعقيد في بعظ الاصلاحات مثل البواجي لازم تفك الثلاجة والمساعدات وبعض الاشياء هل ذا صحيح 


up 1 down 1
alrabee605 18
قبل 6 شهر و 2 أسبوع



انا ماستخدمتها لكن ركبتها الرؤية فيه دمار والداخلية تصميمها سيئ وضيقة وعيب فيها لاحظته رحت لمحل هدروليك شفت دودة تورس مفكوكة يقولي لحقتها موية وخربت لانها كهرب والدينمو راكب في الدودة تحت واحترق وقيمتها مبلغ جامد


up 7 down 2
x-bariq 166
قبل 6 شهر و 2 أسبوع



أنا أستخدمت السيارة لمدة 3 سنوات تقريباً إلى أن عملت فيها حادث وبعتها .. بأمانه السيارة ماطلبت مني شي غير بطارية وكفرات


up 2 down 2
إبراهيم النايلي 156
قبل 6 شهر و 2 أسبوع



من تجرتي لها لانصحك بها


up 6 down 3
الجوابر1 381
قبل 6 شهر و 2 أسبوع



الله يكتب لنا ولكم لكل مافيه خير
الموتر مااشريته لكن استخدمت واحد الرؤية فيها صعبه


up 1 down 0
كارينو 539
قبل 6 شهر و 2 أسبوع



مع اثنين من اقاربي عانوا فيها من خرابات مثل دواسة البنزين والسياره تطفي ومشكلة في الجلنط انكسر والثاني المكينه فيها مشكله
واسعار قطع الغيار غاااااااااااليه جدا

لو بقيمتها تاخذ افالون امريكي حيكون افضل كعزم وكراحه وكوسع وقطع غيار وكل شي


up 4 down 3
ryan702 433
قبل 6 شهر و 2 أسبوع



الله يجزاكم خير خلاص بشرد عنها والله كثير يذمونهاا


up 2 down 0
alrabee605 18
قبل 6 شهر و 2 أسبوع



نصيحة اتركها وخذ لك سيارة شعبية متوفرة قطع غيارها ولاتاخذ تورس مستوردة لاتعلم ماذا جرى لها ولاتغرك التقارير حاليا يتم تعديلها بسهولة


up 3 down 2
الجوابر1 381
قبل 6 شهر و 2 أسبوع



محدثك معه تورس 2013 السياره عمليه ولا تطلب شي وبخصوص تغير البواجي صحيح لازم تفك الثلاجة لان تحتها ثلاث بواجي في البداية حسيت الامر صعب لكن تطلع جدا واضح وسهل ومن تفتح الكبوت كل شي واضح فيه كم مسمار تفكها وتنزل الثلاجة يعني ما فيه تعقيد 
وبخصوص اللي يقول الرؤية معدومة هذا للي سيارته ما فيها كاميرا خلفية يعاني لكن اللي موجودة كاميرا ما يحتاج يلتفت للخلف كل شي واضح بالكاميرا 
لذلك انصحك بها 


up 2 down 1
088mansour 773
قبل 6 شهر و 2 أسبوع



قطع الغيار غاليه وطرمبة الموية لو تخرب غير تطلع مكينة السيارة بكبرها ومساحتها الامامية ضيقة وتواجه مشكلة عند الصراف بعيده عليك شوي بس الرساوه ممتازه جدا


up 0 down 0
نواف الحربي4 340
قبل 6 شهر و 2 أسبوع



السيارة خدومة مايحتاج وصرفيتها تصرف لكن مو ذاك الشي

السيارة كبيرة ترا والرؤية ماهي سهلة بس عندك كاميرا خلفية أساسية تساعد

والمساحة من الداخل اشوفها ممتازة

عموما اذا السيارة سقتها وتعودت عليها ماراح تتركها

وصحيح بعض القطع الخارجية غالية وأغلب السيارات الجديدة كذا



up 2 down 1
atn17 1
قبل 6 شهر و 2 أسبوع



الموتر بأمانه معي و عملي
لكن  انصحك بسياره  تكون اخف اذا مشاوريك داخل المدينه
التورس أفضل للخطوط


up 1 down 0
pirlo.z 425
قبل 6 شهر و 2 أسبوع



الي يقول لك سمعت عن عن وعن اسحب عليه
السياره معي من 2015 والحمدلله عملية لأخر درجه ومريحتني على الأخر.

ومع احترامي التورس مع كثيرين مثل الناس حالها حال السيارات الأخرى . غير كذا القطع متوفره في التشاليح او خذها من النت لباب بيتك

التورس فعلا لما ترجع ريوس فيها مشكله ^_^ اذا كانت بدون كاميرا ( محدثكم بدون كاميرا ) ولكن الحمدلله مو تقول مشكله كبيرة

اما صرفية البانزين : فعلا تصرف اذا قلبتها سبورت وتدعيس عند كل إشارة .

التورس الان متوفر منها 4 سلندر . ولو قررت اخذ سياره تورس من جديد باخذها وانا مغمض عيوني


قطع البودي كيف ماتلقاها الا عند الوكاله .... والله لو اني راكب جاغوار







up 1 down 0
المخلص الأمين 110
قبل 6 شهر و أسبوع