أضف سؤال أو موضوع جديد          

شريت سيارة اكسبلور 2016 جديدة نصيحتكم قبل الاستلام

up 2 down 0
fahad6867 11
قبل 2 شهر



الحمد لله شريت اكسبلور 2016 من توكيلات الجزيرة وان شاء الله باستلمها اليومين القادمة
ابي نصيحتكم كيف اشيك على السيارة قبل توقيع الاستلام من المعرض لني اول مرة اشتري سيارة جديدة
لنه اخبرت ان هناك بعض الاغراض لايتم الانتباه لها من قبل المشتري تكون مفقودة او اخذت الي ابيه منكم
خاصة مللاك الفورد ايش الاغراض الي داخل السيارة الي لازم اتاكد منها انها موجودة
وسؤال =هل توجد طفاية حريق وشنطة اسعافات اولية
وبالنسبة للكفرات هل هم مجبورين على تغيير اذا تعدة اكثر من سنة ونصف وهي واقفة
فتكفون لا احد يبخل عليه في اي معلومه تفيدني لنه اذا وقعت على استلام السيارة فذي حجه عليه اني اخذت السيارة ومافيها اي مشكلة
والسلام عليكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حياك
اول شئ مبروك السياره والله يعطيك خيرها
ثاني شئ شيك على الكفر الاحتياطي ويا العده حقته

ثالث شئ شيك على طفاية الحريق

رابع شئ شيك على شنطة الاسعافات الاوليه

خامس شئ شيك على كتلوجات السياره

سادس شئ شيك على دفتر الضمان/////مادري كان يجي بكل السيارات او لا تاكد من الاخوان
وشف الكتلوج يمكن يجي مدمج معاه لو مالقيت الدفتر////

سابع شئ شيك على الدعسات حقت الارجل

ثامن شئ شيك على السياره من الصدام الى الصدام يمكن فيها حكات ولاشئ

تاسع شئ استلم السياره بالنهار عشان تشوفها اوضح

عاشر شئ تاكد ان اكياس الوكاله موجوده على المراتب والديكورات عشان تضمن انها ماكانت معروضه

11/ لاتوقع على ورقة الاسسسسسستلالالالالالالالالالالامممممممم الا بعد ماتشيك على الاشياء الي فوق
حتى لو قالك وقع قله لا ماني موقع حتى اشوف السياره لانك لو وقعت واكتشفت مشكله مايمديك تقولهم شئ لانك وقعت

/////الاشياء الي ذكرتهم تخص السيارات بصوره عامه الي تشتريها من الوكالات وليس المعارض لان المعارض يجيبونها
ناقصه يمكن في اشياء اضافيه تجي للمازدا غير ذي يفيدونك الاخوان/////


up 7 down 5
d7ooom777 821
قبل 2 شهر



وشيك على هذا الرابط
راعي تورس توه منزل موضوعه
قبل موضوعك بكم ساعه
حصل السياره الي بياخذها ملعوب فيها من قبل الوكاله

https://ford.montada.haraj.com.sa/77725/


up 3 down 2
d7ooom777 821
قبل 2 شهر



بيض الله وجهك عزالله انك كفيت ووفيت
وعطيتة كل المهم قبل التوقيع على الاستلام



up 2 down 2
الرفاعي33 13463
قبل 2 شهر



ووجهك ابيض ماسوينا الا الواجب


up 0 down 2
d7ooom777 821
قبل 2 شهر



مبروك يعطيك خيره ويكفيك شره


up 1 down 1



الف مبروك مقدما المفروض تعاين السيارة قبل الشراء وبعد الشراء


up 1 down 0
ابومزعل 287
قبل 2 شهر



الله يبارك فيكم والله يسهل الامور في المعاينة قبل الاستلام لنها تعتبر النقطة الفاصله قبل الاستلام السيارة
والله يخارجها من العيوب


up 0 down 0
fahad6867 11
قبل 2 شهر