أضف سؤال أو موضوع جديد          

سبايك فكتوريا 99

up 2 down 0



السلام عليكم
ياشباب ظهر عندي صوت طقطقه مستمره قبل يومين
تظهر وتختفي يعني اول ما اشغل السيارة مافي صوت لين تقريبا نصف ساعه وبعدها يجي الصوت فتره طويله ويروح ثم يرجع مره ثانيه
المهم وديتها لميكانيكي قال طرمبة الزيت كويسه هذي اما سبايك او عمود كرنك
سؤالي
كم يكلف (شغل يد) تغيير السبايك او الكرنك
وهل من نصائح او حلول مؤقته
حاليا بجده انا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف حكم عليها سبائك او عامود الكرنك و هو ما سمع الصوت مجرد تخمين

و كيف حسب تخمينه تروح تخسر نفسك

لازم وقت الكشف الصوت يكون مستمر

عامود الكرنك و السبائك تتحرك طوال الوقت لو فيها مشكله كان الصوت مستمر

مثل لو كفر محبل مثلا الرجه تكون مستمرة بالسيارة

مثل لو عامود الدوران او الدفرنس فيه صوت يكون مستمر

اما صوت يروح و يجي يكون المشكله بقطعه ثابته غالبا غير متحركة

او حساس مرتبط بقطعه متحركة

و اتوقع حساس طرمبة الزيت طالما الصوت ماهو ثابت


بيض الله وجهك ابو عبدالله على سرعه التفاعل والرد
هو سمع الصوت
لكن الصوت يروح ويجي يعني مهو ثابت
بالنسبه لطرمبة الزيت هو فك غطاء الزيت وقال لي ناظر تشوف الزيت يناقز قلت ايه يقول لو الطرمبه الزيت يصير تحت ما يرتفع
انا ماودي اخسر على شي مهو اكيد لانه يقول اما كذا او كذا


انت تقصد الصوت يروح و يجي فترات

اقصد مثلا كل ربع ساعه او ساعه مثلا يجي شوي و يختفي

او تقصد يروح و يجي يعني بثواني يختفي و يرجع

لو يجي كل ربع ساعه مثلا او عدة دقائق و يجي هذي مشكله حساس

و غالبا حساس الطرمبة

لو خلال ثواني هذا يعني مستمر ما يعتبر يروح و يجي


عليكم السلام ورحمة الله وبركاته
حياك الله ي عبدالرحمن الشريف
انا ما اقدر افيدك بدون ما اسمعه بس عندي خلفيه عنه ممكن ((جنزير المكينة) ) مكينة الفورد قوية جدا جدا صعب تتعطل السبايك
بالنسبه لضعف لطرمبة الزيت عندك امبير الزيت لو فيها ضعف اول ماتشغل مايتحرك لي ثواني فجاءه ينقز لنصف


up 5 down 2



نواف

وين قويه جدا و هي معروفه مكائن الفكتوريا و الماركيز و الاكسبديشن

تصلب فجأة بدون سابق انذار


تصلب من طرمبة الزيت ولا السبايك قوووويه


up 1 down 0



ابراهيم التركي لا يروح ويجي بعد نصف ساعه مثلا ويجلس نصف ساعه ويروح وزي كذا
نواف الله يبقيك ياغالي
امبير الزيت عندي مفصول له سنه تقريبا

بالنسبه للصوت زي اللي في المقطع هذا

https://youtu.be/yputwqd4KT4


بالنسبه لطرمبة الزيت بالفورد لمعرفة تلف طرمبة الزيت : - الامبير يطفي والموتر شغال مجرد ما تدعس ع دواسة الوقود يعود لنصف ((احيانا يكون فيه تهريب من الحساس الزيت نفسه))

بالنسبه لضعف الطرمبة الزيت :- يلاحظ عند تشغيل المحرك بعد فتره طويله الامبير ياخذ فتره طافي ثم يتحرك ويثبت لنصف تماما

حساس الزيت او سلك الزيت الامبير تبع الزيت :- يلعب امبير الزيت من النصف إلى الاسفل سواء دعست على دواست الوقود او لا

*** طبعن الكلام اللي فوق للي بفوردهم امبير زيت فقط فقط ***حبيت افيدك فيها عبدالرحمن الشريف دمتم بخير......


up 1 down 0



اللي ظهر الصوت بالمقطع المرسل اخي الكريم جنازير المكينة شف الصدر مع الجوانب اذا فيه تهريب
وهداك الله حاول تستعجل وتصلح امبير الزيت مهم جدا للغايه يقيس لك ضغط طرمبة الزيت لاهمال مشكله لايوجد لها لحل


up 3 down 1



اولا جزاكم الله خير جميع
ثانيا نواف ماعليك امر كم سعر شغلتها الجنازير ذي
اخيرا اعتذر ما قدرت اسوي لكم لايكات ع الردود الجميله والسبب :::
لايمكن التقييم بشكل إيجابي 7 مرات متتالية.
إضغط هنا للإخفاء


اذا الصوت نفس اللي بالفيديو 
نصيحة لوجه الله لاترجع للميكانيكي اللي قالك سبايك ولا عامود كرنك
لانه سباك ويخرب لك سيارتك ويطفر بك 
الصوت اللي واضح نفسس ماقال نواف الحربي جنزير 
ويمكن من شداد السير يطلع نفس الصوت والبكره اللي فوقه 
الشداد تطلع نفس الصوت هذا مشكلتك بسيطة ان شاء الله
فك السير وشف البكرات والشداد اذا مو منها الصوت 
من الجنزير



up 2 down 0
w.asa 2091
قبل 2 شهر



انا كان عندي صوت شبيه بالصوت الي بالفيديو قبل سنة , والسبب اني اكلت مطب مسرع , وصار فيه ثقب في الهيدرز الموصله
للشكامين , رحت لمحل الشكمانات فكها برا ولحمها لحام كهربا وراح الصوت , وايضا غيرت مساميرها.

والله أعلم


up 0 down 1



القطع انا مغيرها قبل فتره القطع لحالها اصلي وكاله 1300 مع طرمبة الزيت 340 فك وتركيب 400 يعني لو طلع جنزير بتكلفك نصف سعر مكينة كامله


up 1 down 0



السلام عليكم
ياشباب اشكركم جميع
وماقصرتو
رحت لافضل ميكانيكي سيارات امريكيه بجده سوداني اسمه عبدالله
المهم قال لي غير فلتر زيت بعدين تعال الفلتر اللي عندك تجاري
استغربت من كلامه صراحه وقلت يبي يفتي من راسه ورحت من عنده بعد فتره قلت ليه ما اغير الفئتر امكن كلامه صح
وفعلا غيرت الفلتر باصلي من الوكاله ب 25 ريال الصوت فعلا خف لكن مازال موجود بعدها غيرت الزيت واختفى الصوت نهائيا ولله الحمد


up 0 down 0
عبدالرحمن الشريف55 62
قبل شهر و أسبوع