فورد دخان ازرق

هل المشكلة من الدبات؟ يعني شالوا الشخالات مثلا؟

عليكم السلام ورحمة الله وبركاته
طبيعي يطلع دخان بعد التنظيف فتره لما تسخن الدبات يروح الدخان (بس اهم حاجه عدم تفريغ الرصاص الموجود بها) اذا ماراح بعد فتره قصيره عندك مشكلة بجلد البلوف تحتاج تغيير

يخوي الرصاص هو الحجر الأزرق الي كان موجود بالدبات؟؟
شالوه كله
انا من نظفتها لي شهر الان ما انقطع

كان الله بعونك لازم تغير الدبات (ب دبات غير مفرغة) لان تفريغها يسبب صوت عالي للمحرك +رائحة كربون عالي للغاية +صرف وقود عالي بسبب التفريغ الرصاص
و الدخان إذا يطلع فتره ويقطع جلد بلوف المحرك تحتاج تغيير

بالفعل الصوت صار عالي
وريحة الكربون طالعة بعد التفريغ
الدخان صحيح، يطلع اول ما ادعس وينقطع
ولا كان موجود قبل التفريغ

بالفعل عطاكيها نواف
مشكلتك واضحة وضوح الشمس
المشكلة في الدبات والسبب التفريغ
ومضارها كثيرة
خذلك دبات غير مفرغة وركبها وشوف الفرق كيف
وعطنا ردك في نفس الموضوع

طيب لو تركتها ومشيت عليها فترة ما تتعبأ رصاص؟

اخوي حفظك المولى عز وجل الرصاص :- عباره عن شبك يشبه خلية النحل موجود داخل الدبات،، التفريغ يكسر الشبك الداخلي لها فما يرجع نهائي إلا بتغيير الدبات المفرغه بس الخطوة الأولى تغيير جلد البلوف لان بحال تغيير الدبات دون حل مشكلة التدخين المحرك فترة قصير وتنسد الدبات فتظطر تسوي لها تنظيف ثاني بسبب نسبة الكربون العاليه الدخان الأزرق فلذلك افضل حل للمشكله تغيير جلد البلوف وبعده تغيير حساسات الأوكسجين قبل دبات الرصاص لانه يعطي امر للكمبيوتر علشان يقيس نسبه الأوكسجين بالعادم ويعطي امر للكمبيوتر بتخفيف نسبه الكربون وتخفيف صرف الوقود

جزاك الله خير اخوي نواف
بالفعل كانت زي خلية النحل
لكن مابي أفك المكينة علشان جلد بلوف، والا وش رأيك؟
بالنسبة لصرف الوقود ما لاحظت شي، زي ماهو
ولو تركت الدبات فيه ضرر على المكينة؟

الدبة لو تركتها تصرف بنزين وصوت المكينة غير منتظم لان العادم مافيه حابس علشان يهدي صوت المكينة والعزم ينحفض بس الصوت العالي يتهيأ لك انت عزمها افضل والعكس صحيح مثل وجه القزوز لصار تالف صوت عالي للمحرك بس العزم منخفض لذلك لازم تغير الدبات
بالنسبه لجلد البلوف بعض المحلات يغيرونها بدون فك رأس المحرك الأمر سهل للغايه....

الحل عندك اذا تبيها ترجع لطبيعتها
1- تغيير جلد البلوف يحل مشكلة الدخان الازرق
2- تغيير دبة التلوث الي فرغتها بواحدة من التشليح وتحل مشكلة الصوت العالي والكربون

بس حبيت اعطيكم معلومة ان مو كل السيارات فك دبة التلوث معناتها ضرر على السيارة
انا عن نفسي سويت قص للدبة كاملة واستبدلتها بماصورة والنتائج افضل بكثير من اول
مثل الصرفية تحسنت وعزمها افضل ومافيه صوت مزعج وريحة الكربون مهي قوية ولا مزعجة ابداً
لكن المشكلة الي واجهتها هي لمبة التشك انجن مستحيل تطفي لان الكمبيوتر يقرأ ان عندك كربون زايد
وحلها تافه جداً وطبقتها على سيارتي وهي وصلة تباع تركبها في الحساس بحيث يكون الحساس بعيد على الماصورة
والحمد لله مشوار 20 كيلو وطفت اللمبة :) طبعاً سيارتي كامري امريكي V6

اول مره ادري ان الدبات تتنضف سؤال حصلتها مليانه بأيش

والله ما انصحك انك تنظفها