مشكلة تورس

وش دخل لمبة المكينة في عمر الزيت ؟
افحص كمبيوتؤ عشان تبين معاك المشكلة
اللمبة لها اكثر من سبب

لا تاخذ كلام السيارة بخصوص الزيت احسب له 5000 كيلو وغيره اذا كان زيتك او ٥ الاف واحسب ١٠ الاف كيلو اذا كان زيت ابو عشرة الاف

لمبة المكينه ما تولع الا لعدة اسباب

الاول حساس الشكمان

ثانيا ممكن حساس خربان وما يعطي قراءة

جرب قبل اي شي افصل اصبع البطاريه الموجب لمدة 15 دقيقه

وارجع اشبكه وفرفر بالسياره شوف ترجع تولع

اذا ولعت في حساس خربان ما يعطي قراءة او حساس الشكمان اذا السياره باقي على الضمان وديها الوكاله

او اذا منتهي افحص كمبيوتر ب 50 ريال وراح يطلع لك الخلل

تحياتي لك

الله يجزاكم خير يااخواني ماقصرتو 

فصلت البطاريه لمدة١٠ دقايق والان اختفت اللمبه ماطلعت هل يحتاج اروح افحص والا لا

يارجال ماعليك من كلام الهبل اللي فوق تطفية البطارية كل ماحط احد مشكلة قالوا طف بطاريتك هذا مو حل انت كذا تخلي اللمبة بس تروح مدة يوم يومين واحيان ساعات وترجع تشتغل الزبدة الاغلب اذا فحصت راح يطلع عندك انها حساسات الشكمان لكن لا تتوقع هي الخرانه الخربان راح يكون دبات التلوث مسدوده لو موترك ماشي 100 الف وفوق واذا دعست تطلع عندك كتمه خلاص اعرف انه المقصود دبات التلوث تحتاج تغيير او تفرغهم وخلاص

الله يجزاكم خير جميعاً ماقصرتو  طيب فيه ورشه والا كركز كويس تنصحوني فيه

فيصل طلال

وين الهبل ب الموضوع ؟ ووين احترامك للاعضاء باين من عضويتك انك جديد ومسوي انا الفاهم

كلامي له افصل البطاريه واذا رجعت اشتغلت ثاني مره روح افحص

لانه ممكن يصير لخبطه في الحساسات وتولع لمبة الكمبيوتر ولما تفصل البطاريه وترجع تشكبها
ترجع تبرمج نفسها ع برمجة المصنع

وين الجديد في كلامك وانا قد قلت له ان اول سبب من حساس الشكمان
دبات التلوث ما تنسد على ممشى 100 الف واثبت لي ان الدبات نتسد على 100 الف
لو فرغ دبات التلوث اللي هي معروفه ب ( الرصاص)
راح تزيد صرفية البنزين + صوت السياره راح يصير عالي + ريحة كربون

الكتمه لها اكثر من سبب
غالبا فلتر بنزين
او طرمبه تعبانه
او تنضيف بخاخات
او كويلات
او بواجي مستهلكه
او حساس العزم
او الايرماس
انا اتاجر في التورسات واللي ما يعرفني يجهلني
انصحك بعدم تفريغ الدبات

احمد بيض الله وجهك وماقصرت شاكر ومقدر لك يابعد حيي انت 

يا احمد انا موتري كابرس 2013 وانسدت دبات التلوث على ممشى 102 الف بالضبط وهي عمرها الافتراضي من الشركة الى 100 الف بعدها ممكن تعيش معك الى 300 الف وممكن تنسد انت وحظك

هذي ماهي مشكله 
صفر عداد  عمر الزيت وتروح 

هذا خيار  زي الحاسبه ميزته انك تصفره بعد كل تغيير زيت 
يحسبلك كم عمر الزيت وكم نسبة ادائه مع ممشاك 
تطمن ماعندك مشكله