أضف سؤال أو موضوع جديد          

استلام سيارة جديدة من الوكالة

up 4 down 2
الفشقة 214
قبل 7 شهر و 2 أسبوع



السلام عليكم ورحمة الله

قصتي انا شريت سيارة جديدة توريس من الوكالة واتفقت مع المندوب ان السيارة اشوفها قبل الغسيل والتجهيز المهم كلمت المندوب قالي السيارة موجودة في قسم التجهيز قسم التجهيز هذا في مركز السمكرة في الخبر انا صراحة شكيت توجهت شفت السيارة ولاحظت ان الصدام الامامي من جهة اليمين بارز والطرف طالع خفيف على عكس الجانب الايسر المهم شكيت على السيارات الثانية لقيت اكثر من سيارة نفس الشي وفيه سيارات ما فيها كلمت المسؤول قالي هذي من المصنع وقمت اخذ واعطي معه وراح ورجع وفتح الباب الخلفي ووراني علامات قال تحت المقعد على طرف الباب وقال هذي من المصنع فيه مشكلة بوية فيها زي حبات الرمل وعقبها علمته بسالفة صارت لولد عمي انه شرا من عندهم واكتشف انها مسمكرة قام وقال حنا نفحص السيارات واذا لقينا اي شي نعلم الزبون عشان يكون على بينه المهم انا ما اقتنعت وقلت انا ما راح استلم السيارة قام ويقول سيارتك افضل الموجود وراح يوريني سيارات وقام يوريني عيوبها اللي فيها معجون واللي فيها رش بس مصر انها من المصنع مو من عندهم .
بس لحد الحين انا مستغرب هل يكون استلام السيارة في قسم السمكرة الشي الثاني الحين لو استلمت السيارة ورحت فحصتها وطلع فيها رش او سمكرة هل لي حق اني اطالب الوكالة خصوصا اني بوقع على ورقه اني فحصتها السيارة واستلمتها سليمة؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غريبة عاد ناوي اطلع اكسبلورر و عقب سالفتك هذه بتوغوش.

الله يعين اخوي وان شاء الله يطلع ما بها شي.  اما اذا طلع انصحك لا تاخذها و تطورط فيها بعدين.  هذا رأيي.


up 1 down 1
بدر الباثفايندري 908
قبل 7 شهر و 2 أسبوع



يا زين وارد الخليجي بالفورد من المعارض ارخص
و خذ معك جهاز كشف السمكره شيك عليها براحتك




up 4 down 1
1405-1985 1283
قبل 7 شهر و 2 أسبوع



خذ معك جهاز فحص ياجرونه ب ٥٠ ريال وياخذون تامين لا قضيت رجعه لهم وبكذا تاخذها وانت مطمئن


up 5 down 0
benz lover -117
قبل 7 شهر و 2 أسبوع



انتبه توقع استلام ع السياره قبل ما تكون واثق انها سليمه 

اذا وقعت استلام انتهى كل شي ، واذا حصلت شي بيقولون انت رشيت وانت عدلت
 ووقتها يصير موقفك ضعيف واذا جيت تشتكيهم حتتعب وتتمرمط 




up 7 down 0
nader21 34
قبل 7 شهر و 2 أسبوع



الموضوع واضح من عنوانه
دام هذي سالفتهم من البدايه اجل وش نهايتها
كراحه نفسيه وعشان ماتكره ويطيب خاطرك منها
اتركها وشف غيرها ماتدري يمكن خيره
وبلغ وزارة التجاره مافي شيء اسمه مرشوش ولامعجون من المصنع
المهم لاتاخذها عشان ماتبدا توسوس فيها واخرتها تبيعها بتراب الفلوس
خذ وارك خليجي من المعارض ارخص وقدامك تقلبها وهي واقفه بالمستودع
بعدها تكمل اوراقك بس تاكد انها تدخل على الضمان او لا


up 3 down 1
d7ooom777 457
قبل 7 شهر و 2 أسبوع



رح فرع ثاني للوكالة وطلب من المندوب انك تشوف السيارات الجديدة اللي عندهم هل هي نفس الموضوع أو مختلف


up 2 down 0
bloly 1160
قبل 7 شهر و 2 أسبوع



اسحب عليهم روح فرع ثاني واذا الفرع الي رحت له بالغربية روح فرع الرياض ولا الجنوب ولا الشرقية
ولو اني مكانك بسوي مثل ماقالوا الاخوان بستأجر جهاز كاشف السمكرة وافحص الموتر الي ابيه سواء بمستودع الوكالة او المعرض


up 1 down 1
معرض المئوية 192
قبل 7 شهر و 2 أسبوع



انا لو في مكانك ما اخذتها


up 0 down 0
shahen 53
قبل 7 شهر و 2 أسبوع



صاحي انت تاخذ موتر جديد وانت تدري انه ملعوب فيه ،، اللي انغش بدون مايدري خلاص الله يعينه لكن انت دام تدري انحششش


up 1 down 0
فيصل طلال... 150
قبل 7 شهر و 2 أسبوع



لاتاخذها لو يخصم لك واضح انها ملعوب فيها الله يعينك ويرزقك السياره الي تتمناها واستخير ياغالي


up 1 down 0
صاحب الاوريون 2017 110
قبل 7 شهر و 2 أسبوع



"دع ما يريبك إلى ما لا يريبك"

إذا ما دفعت نصيحة ابعد عنهم لأن الموضوع واضح فيه نصب

مستحيل آخذ جهاز فحص وأفحص السيارة في الوكالة لأن الشك رح يتعبك

أطلب تشوف السيارة قبل الغسيل وهي بغبار بلدها وصور رقم الشاصي


up 0 down 0
مفقود 759
قبل 7 شهر و 2 أسبوع



ليش محتار الرجال دخلك على قسم السمكره اكيد كل السيارات الموجوده فيها مشاكل ..
وليه ماياخذك للمستودع الرئيسي للسيارات السليمه مو في ورشه


up 0 down 0
meem34 169
قبل 7 شهر و 2 أسبوع