الموتر ينقص زيت مكينة

تاكد من النقص هل تبخير او تهريب قبل اي شي وكم تمشي عليه وينقص كم عطنا شوية معلومات

اخوي اذا كان مافي اثار تهريب اول شي شيك على بلف التبخير
ترا على حسب كلام فورد المفروض يتغير كل 180 الف تقريبا

أول شيء الزيت مو مثل البنزين مع المشي ينقص بالعكس الزيت يبقى لكن يستهلك بالاحتراق يعني يحترق وما ينقص إلا إذا فيه مشكلة تهريب أو صرفيه أو بلف التبخير مثل ما أفادوك الشباب فتأكد من مشكلة سيارتك ووافينا بالنتيجة

صلح التهريب او المشكلة اللي فيه اول شي بعدين فكر ايش تحط زيت لاتضحك على نفسك وتحط زيت اثقل بكذا بتعدمه

بلف التبخير هو السبب اذا ما خاب ظني .. وبعدين ترا بعض الزيوت من شركات معروفة يكون مضروب ومغشوش 
اذا ما تاخذه من مصدره الموثوق 

هههههههههههه بلف التبخير ماشاء الله شكلك خبره اجل كيف عرفت فكيت كبوت سيارته واتضح لك انه من بلف التبخير
قايل لكم المنتدى ماعندك ماحولك احد كلن يخمن من راسه انا لو يجي واحد عن طريق المنتدى ويقلي عندي نقص بالزيت بقوله رح الورشه وخله يفحصه ويشوف ايش سبب النقص ممكن صوف مكينة اماميه ممكن صوفه خلفيه ممكن شنبر ممكن غطاء البلوف اشياء عد واغلط صاحب الموضوع بين قوسين (رح الورشه وخله يفحصه ويشوف ايش سبب النقص) وحلها وخلك على الزيت الموصى به اذا تبغى طرمبة الزيت تودعك حط ثقيل

^^ الناس تبي معلومة وهي متسدحة وانا اخوك اخر شي يروح لورشة يقوله عندك كذا وكذا يقوله انت نصاب بالممنتدى قالو مافيها شي ههه

ممكن الزيت خفيف شيك اذا فيه تهريب او دخان ابيض او ازرق من الشكمان لا سمح الله ممكن شنبر او جلد بلوف لكن اذا مافيه دخان ممكن يكون طبيعي لان المكينة توسعت من الداخل بالاضافة الى انو الفوردات اصلا فيها نظام تبخير للزيت من اجل المحافظة على مستوى حرارة على النص ثابت

اذا طلع ماعندك تهريب من مكان معين او طلع ما عندك جلد بلوف او شنبر وهذه النتيجة اللي نبغاها اصلا فالحل انك تحسب كم كيلو ينقص عليك عدد علبة وتزود والمرة الجاي تغير الزيت الى ان تنفرج معاك وتعرف المشكلة وتكون قادر على حلها والله الموفق

بلف التبخير ذا وشهو ؟ اول مره اسمع فيه

الموتر ممشاه 190 الف

ومشوار قريب ابو نص ساعة والقاه منقص زيت

مدري وش المشكلة

المشكلة بعد ياخوان مالقى اثر للزيت اللي نقص

بس انه ينقص