أضف سؤال أو موضوع جديد          

لقيت فورد موديل 2004 ماركيز شرايكم فيه

up 3 down 1
lero0o 7
قبل 9 شهر



السلام عليكم ورحمة الله وبركاته

لوسمحتو انا حصلت فورد ماركيز2004 نضيف جدا والمحرك ماله صوت ابد وهو شغال ونضيف وعلى الفحص
ابي رايكم في الموتر هل فيه خرابات كثيره ابي نصايح منكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي نصيحتي لك . البنزين بعد شهر او شهرين رايح يصير اللتر اخضر بريال و٣٥ هلله و الأحمر بريال و ٦٥ هلله
الفلوس الي بتحطها في بنزين انت اولى بها .
شوف لك سياره ٤ سرندل والله يوفق



up 5 down 3
الـقـنـاص 1081
قبل 9 شهر



اذا الفورد نظيف وسعره رخيص 
افحصه اذا كل شي نظيف بودي ومحركات
توكل على الله واشتر اذا عشان البانزين 
الفورد النظيف مايصرف بانزين الا فيه مشاكل
بالبخاخات وغيره 
فيه سيارات ٤ سلندر صرفيتها للبانزين اكثر من ال ٨ سلندر
واقرب مثال الهايلكس ال ١٦ بلاعة بانزين  كانت عندي تصرف
اكثر من الفورد 


up 9 down 1
w.asa 2051
قبل 9 شهر



ال 8 سلندر ما عاد ينفع
دور على شيء 4 سلندر أفضل لك


up 4 down 2



والله ياغالي لو مقتدر ماليا وفكر بعد 5 او  10 سنوات هل بتقدر تتحمل مصاريفه
لانه اشوف فورد الوالد الله يطول بعمره معاه 2010 وعذاب صرفيه البنزين حقه
لو مو مقتدر ماليا انصحك تشوف لك سياره صغيره تمشي حالك فيها الين الله يفرجها والجديد يمشيك 5 سنوات مايشتكي من شي ولو انت محافظ مره تمشيك اكثر
تقبل تحياتي


up 2 down 1
اتششو 93
قبل 9 شهر



شف الفورد مايصرف
انا معي فكتوريا ٢٠١١ وددسن ٢٠١٥
والله صرفيته روعه احسن من الددسن
اهم شي مكينته نظيفه وصافيه ولاتدعس كثير


up 8 down 1



شف الفورد مايصرف
انا معي فكتوريا ٢٠١١ وددسن ٢٠١٥
والله صرفيته روعه احسن من الددسن
اهم شي مكينته نظيفه وصافيه ولاتدعس كثير


up 4 down 2



نصيحه لا تغتر فيه وبنضافته
بقطعة الـ OBD 2 أرخص قطعه أقدر اخفف صوت المكينة وأشيل علامة التشك أنجن وأخفف ريحة الكربون وسويتها على أكثر من سيارة خصوصا الفروت والماركيز وعدت بالفحص الدوري
لازم تفحصها جيدا وتتأكد من سلامتها قبل ما تشتريها وبعدين تتورط فيها


up 1 down 2
أبو حظيظ 67
قبل 9 شهر



أبو حظيظ ممكن صورة للجهاز عندي سيارة شيبت فيني من 
الخرابات وقالو ماتبين الا فحص كمبيوتر 
وماعندنا الا محل واحد ومسافر 


up 0 down 0
w.asa 2051
قبل 9 شهر



يا ابو حظيظ قطع OBD2 الرخيصة الي تنشبك بالجوال سعرها مايتعدى 50 ريال

هذه مخصصة للفحص مو البرمجة الله يحفظك مثل فحص مشاكل لمبة المكينة وفحص حالة الحساسات وعرض الحرارة واشياء بسيطة

بتقولي لغيت لمبة المكينة اقولك صحيح راحت لانك مسحت الخطأ من كمبيوتر السيارة لكن امسك خط 15 كيلو راح ترجع اذا المشكلة باقي موجودة

اجهزة البرمجة سعرها تتعدى 10000 ريال مثل جهاز HPtuner مخصص للبرمجة وتلعب لعب في كمبيوتر السيارة


up 0 down 0
dark evil 414
قبل 9 شهر



dark evil
أنا ما قلت برمجت السيارة أو صلحتها بنسبة 100 %
قلت فقط أنه مجرد بنج مؤقت تعدل وضع السيارة وأنبعاثات العادم وتصبح المكينة هادية
ومجرد إعادة تشغيل السيارة ترجع السيارة زي ما كانت تتفتف أو صوتها عالي أو ريحة الكربون ظاهرة


up 0 down 0
أبو حظيظ 67
قبل 9 شهر



w.asa
أكتب بقوقل obd 2
حجمها صغير حجم الكف
فيها نوعين بلوتوث ووايرلس
والأخيرة تنفع بالذات لآصخاب الأيفون


up 0 down 0
أبو حظيظ 67
قبل 9 شهر



على حسب فلوسك وميزانيتك وبالنسبة لصرفية البنزين اذا مشاويرك كثيرة يوميا الله يعينك.

لكن اذا مشوارك دوام بيت مشاوير خفيفة اتوقع ينفع معك.

انا اعبيه فل ب 50 ويمشي معاي 10 ايام تقريبا لكن مشاويري قليلة بيت دوام مشاوير الاهل.


up 0 down 0
بوحمد4445 76
قبل 8 شهر و 2 أسبوع