أحتاج معلومات عن الفورد

ماركيز 2000 وقيمته 15 . غالي بالحيل . عزيزي اذا كان الجمس ومقاسع 1500 ولا ناسب معاك فما اعتقد فيه سياره راح تناسبك .

شبك على الكفرات ونزل الهواء 35 . او عندك الكفرات ناشفه تحتاج تغيير . انا مجرب اغلب السيارات الصغيره . ومساعداتها اقسى من الجمس اريحهم كلهم .

والحمدلله على سلامتك اولا واخر ونسأل الله يتمم علي العافيه .

اذا بتاخذ فورد وتبي الراحة لا تاخذ الا بالونات
مريحه الا درجه ماتتصورها
والاحسن منها في الراحه التون كار برضه
خذ بالونات مريحه جدا جدا
والحمد لله على السلامه ماتشوف شر ...

شف لك بنز ع قد فلوسك وماتشوف شر

مراتب الفورد مريحه.   بس يشرب بنزين.  والله يشفيك ويعافيك
فعلا الفورد مريح ومراتبه مريحه
بس مشكلة الارتفاعات المتتاليه للبنزين.  تخليني اقول ابحث عن سيارة اخرى مريحه
او اذا مشاويرك قليله.    فتوكل ع الله وخذ ٢٠٠٥ نظيف بتلقاه بفلوسك
اما ٢٠٠٠ قد بعناه قبل ٣ سنوات ب ١٢.    لاباس فيه.   

ماتشوف شر يالغالي 2000 وبالممشى هذا ب15 غالى مررررره حده من 5الف الى 7 اذا كان نظيف وتحصل من 2006 الى 2008 بحدك هذا ونصيحه تراه يصرف بنزين ولاتنسى انو البنزين بيرتفع وعندك الكابرس الصابونه اريح من الفورد واذا تبي جمس خذ من ٩٩ تحت اريح من الجدد انا مجرب

الفورد الفكتوريا اذا تبيه خذ موديلات التسعينات هي اللي
مريحة جدا .. موديلات بعد 2000 مريحه لكن ليست
مثل موديلات التسعينات و لا بترتاح معها بالوضعية اللي
انت عليها نسأل الله لك الشفاء ..
بخصوص الكابرس الصابونة اي موديل بعد 93 لا تتعب نفسك
معه لان موديلات 94 و طالع كلها مشاكل
بشكل عام الامريكي القديم السيدان موديلات التسعينات
هي اللي تنفع لك بتريحك لكن بتتعب جيبك بنزين و اعطال

اذا ودك بماركيز 2001 نظيف ممشى 200 الف وكسور امريكي محافظ عليه وحليو بس يبي له اشياء بسيطه عنابي اللون

ياصاحب الموضوع اللي يقول لك انه يصرف بنزين هذا والله ماعنده سالفه وبس يكرر كلام يسمعه
انا الان معي فورد 99 وقبلها معي يارس 2016 قير عادي
الفورد اعبيه فل ب 47 بنزين اخضر واليارس كنت افللها ب30
والفورد يمشي اكثر من 400 كيلو بشوي واليارس 400 بالضبط
وصدقني ان صرفية الفورد اقل من سيارات سته سلندر ولا هو مثل الجمس والكابرس

الفورد ما تصرف 

معي قراند ماركيز ٢٠١١ 

اعبيه ٢٥ للنص يمشيني ٢٦٠ كيلو 

جزاكم الله خير على ردودكم
لكن أريد أعرف وش قصد أحد الإخوان بالردود إنه إذ اريد فورد لا اخذ إلا بالون وش القصد

بالون يعني هيدرولك يجي في بعض الفروود الفل واللنكن أنصحك بلنكن 2005 تلقاه بفلوسك ممتاز

الحمدلله على سلامتك وقدامك العافيه يارب
البالون المقصود به بعض الفوردات وخصوصا التاون كار الخلف بدون يايات
تكون بوالين على كمبروسر في الكبوت ولها حساس يحافظ على توازن السياره
اغلب العالم اذا خربت بسبب شوارعنا الجميله البالون الواحد ماركة فايرستون ب650 ريال فيربكون يايات
واغلب الناس يسمسها هيدروليك لكن الحقيقه ماهي هيدروليك مجرد هواء حتى البعض يولف لها منفاخ ابو جمل ويثبته في الشنطه
بالنسبة للبنزين الفورد ما يصرف الا من خلل فيه
اما في وضعه الطبيعي
موتري 2011 بوليسي
اعبيه 95 ب 64 ريال اذا صفر
داخل الرياض من ال 450 كيلو الى 500 كيلو وتنقص شوي اذا اظطريت احيانا للتدعيس لكن لايقل عن 400 كيلو
عالخط في الصيف المكيف شغال والموتر محمل عفش والسرعه متفاوته من 140 الى 170 يمشي 650 كيلو لين تولع اللمبه وبعد اللمبه يعطيك من 30 الى 50 كيلو
الفورد مريح جدا شرط تكون مساعداته ويايات سليمه والاذرعه موزونه اذا مهي موزونه تفقد راحته
اهم شي لا تاخذ الا موتر مخبور ولال تاخذ واحد راعي خبره يفحصه الممشى على استخدام نظيف ما يضر
موديل 2000 وماشي 350 الف يعتبر معقول جدا بمعدل 20 الف في السنه هذي حقت دوام بيت اذا كان في مدينه كبيره مثل الرياض جده الشرقيه
بالتوفيق

سلامات وما تشوف شر ان شاء الله
موديل 2000 ب15 كثييير مرة ... بحدك تلقى موديل أحدث وأنظف

معروفه الفوردات القديمه براحتها مافيه مثلها

اخوي عندي ٢٠٠٧ ماركيز ماشي ٣٤٠ الف 

اذا لك نظر راسلني ومانختلف بالسعر