أضف سؤال أو موضوع جديد          

بخصوص تغيير موية اديتر التورس مهم جدا

up 10 down 1
;كاسبر 970
قبل 2 سنه و 9 شهر



السلام عليكم ورحمة الله وبركاته
حياكم الله اخواني واعتذر عن التاخير في طرح مواضيع قد تكون مهمه للبعض

موضوعنا اليوم عن// مشاكل عدم تغيير موية الاديتر لتورس خصيصا ولبعض السيارات

من ايام زمان وكثير منا ماسمعنا عن لابد من تغيير موية الاديتر وكان بس نشييك عليه هل يوجد نقص او فيه تهريب
ولكن مع السيارات الحديثه اختلف الوضع تماما
هناك بعض السيارات ماعليها خوف اوضرر كبير من عدم تغيير الماء
واكبر غلط الواحد يضيف مويه عاديه لان الماء العادي يغلي بسرعه ويتبخر مع الحراره ومع الايام والاستخدام نسمع عن فلان سيارته خلطت ماء وزيت وتحي تساله قال السياره الفلانيه عله وفيها وفيها
ومايدري انه هو من كان السبب
لان اي اضافه للماء العادي في الاديتر ومع الاستخدام وحسب الجو والحراره والبروده ودخول الماء للمحرك وخصوصا في راس المكينه راح يسبب بصدا داخل الراس ومن ثم تحتاج نص توضيب او البعض يغير مكينه كامله والسبب الماء العادي
وتتحمل تكاليف وانت في غنى عنها

موضوعي عن التورس خصيصا لانها قد تكون مكلفه للبعض وقس ذالك على بعض السيارات

التورس وحسب جدول الصيانه لابد من تغيير ماء الاديتر كل 72 الف كيلو وفي حالة الممشى كان اكثر من 100 الف يفضل تغيير الماء مع بلف الحراره
والسبب ياعزيزي في حالة عدم تغيير الماء راح تضرب عندك طرمبة الماء وسعر القطعه رخيص تقريبا 360 ريال او اقل
ولكن شغل اليد مكلف جدا حيث تبدا في الورش والمراكز الكبيره من 1500 ريال حتى الى الوكاله بسعر 3 الاف ريال
والسبب انهم راح يفكون المكينه كامله ويطلعونها من مكانها عشان يقدر يوصل للقطعه ويغيرها
وعشان تفتك من الورش وتتعطل امورك غير الماء وارتاح
وانت بنفسك تقدر تسويها مايحتاج ورشه يغير لك الماء
وهذا الفيديو نزلته قبل فتره يبين لك طريقة التغيير وماعليك الا اتباع الطريقة

الصوره هذي لواحد من الشباب في قروب التورس ضربة الطرمبه وشف كيف طلعو المكينه كامله بسبب الاهمال
انا غيرت المويه لسيارتي ولبعض الزملاء والحمدلله لم تواجهنا اي مشاكل
لذالك حبيت اخواني انقل لكم فايده قد تكون جديده للبعض وللفايده
وشكرا لكم
اخوكم ابو ريما
 


ملاحظه// اعتذر عن تنزيل الصوره حاولت ولكن رفض الموقع
وهذا رابط مقطع الفيديو ولاتنسون الدعم ياشباب
https://youtu.be/J_PEPnSRZik

بعض الاسئله اللي ممكن تجي/
س/ لو المويه فل ولا يوجد نقص هل يحتاج تغيير والسياره ماشيه فوق 70 الف
ج/ نعم يحتاج والسبب مع الاستخدام الماء يفقد خواص التبريد

س2/عادي اغير الماء بدون تغيير البلف او بيكون ضرر عليها؟
ج2/  لايوجد اي مشاكل اذا كانت السياره ماشيه اقل من 100 الف ولكن الافضل تغييره اذا كانت ماشيه اكثر من ذالك.

س3/ اشتريت سياره ماشيه 110 ولا ادري عن صاحبها قد غيره او لا؟
ج3/ اي سياره تشتريها ومهما كان الممشى من 70 الف وفوق فالافضل تغيير الماء والبلف.

س4/كم تكلفة تغيير الماء؟
ج4/ سعر الماء في الوكاله ب 106 وتاخذ من البنشر 4 علب ماء مقطر ب 8 ريال وشغل اليد لاتتجاوز ال 50 الى 70 ريال في الورشه

واي استفسار انا حاضر يا شباب
اتعذر عن الاطاله ولو كان هناك اي ملاحظه فا انا اتعلم منكم.
ودمتم بود...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لفته مفيدة ومهمة سلمت يمناك


up 2 down 0
benz lover -78
قبل 2 سنه و 9 شهر



انا احد الاشخاص الي كان ترتفع حراره التورس
في طلوع العقبات الصعبه وبعد فتره حتى السهله
ترتفع فيها. رحت للصناعيه قالوا كلام كثيير وهدره من
تسييخ والي يقول غير رديتر كامل افضل وغيرها.

قلت نبدأ بالاسهل وغيرت بلف حراره ومويه رديتر
واشتغلتها بنفسي ومن فضل الله رجع زي اللوز حتى
الجبال نطلعها والمكيف شغال ولا فيه الا العافيه.

فهذا مصداقيه لكلام اخوي صاحب الموضوع
يعني بتبتلش بالحراره ولاتغير طرمبه المويه وهي
شغلتها بسيطه



up 4 down 0
الوااادعي11 284
قبل 2 سنه و 9 شهر



انا من ١٠ سنوات كل سنه اغير مويه الرديتر اشتري.مويه ميتسوبيشي ب ٣٥ ريال اصلي اخذ علبتين حق سنه كامله ويزيد بعد مع الاضافات كل فتره

ولله الحمد ليومك ذا كل شي بلمعه وكالته داخل المكينه

قبل فتره غيرت اهواز بعد استخدام ١٠ سنوات والبلف والله نظافه وتززيت من المويه الاصليه تقول وكاله ماشاء الله طبعا كل الفتره ذي ماشفت حراره

والسياره سوناتا


up 0 down 1
7amood1930 179
قبل 2 سنه و 9 شهر



طرنبة الماركيز. وكاله من موزع موثوق ب ٢٣٠.  غيرتها ب ٨٠
طريقة تغييرها سهله.   
بالنسبة لتغيير موية الاديتر. شريت موتر كرافت ب ٥٥  وشريت كرتون موية مقطره ب ١٠
وغيروها ب ٣٠.  وهي من ٣٠ الي ٥٠.  للماركيز.    طبعا في كتلوج كذا سياره
من ١٥٠ الف او ٤ سنوات. ايهما يسبق.  وكل مابكرت.  احسن
يعني كل ٨٠ الف حلو. في ظل السخونه. والجو. اللي عندنا
حتى فلتر الهوا.  اغيره كل ٣٠ الف مع انهم كاتبين كل ٥٠ الف
ف ماي الاديتر. مهم.  وسعر تغييره مع الماي.  غير مكلف ولا يتعدى ١٠٠ ريال
ف.   من الضروري تغييره.  كأنك تغير زيت.  


up 0 down 0
عبدالله الشفيعي 1438
قبل 2 سنه و 9 شهر