استشاره حرم الله وجيهكم على النار.

ممشاه كثير أو قليل أهم شيء نظافة المكينة واستخدام الشخص ومدى الاهتمام بتغيير الزيت والفلتر بشكل منتظم
يعني لا نحكم على نظافة المكينة برقم العداد ، ممكن تلقى سيارة ممشاه قليل لكن مكينة منتهية واستخدام جائر ، وممكن تلقى
سيارة ممشى كثير لكن مكينة نظيفة ولا تزال بحالة الجديد بحكم الاهتمام والصيانة المنتظمة .

شف خذ هالقاعده وحطها براسك 
......ّّ............

اهم شئ بالسيارة البدي يكون وكاله 

لان كل شئ يتغير وامره سهل المكينه 

لوخربت تجيب بدالها مكينه وهكذا الخ ...

لكن البدي اذا فيه حادث ماتقدر تسوي 

فيه شئ 

.............  


الامر الثاني الممشى القليل مودلاله على ان الموتر 

نظيف وترا كلها كمبيوتر يرجعون الممشى اللي يبونه

بالعكس انا لما اشوف ممشى السيارة معدلها الطبيعي 

ارتاح واشتري وانا مطمئن بينما لما تلاقي سيارة 

2000 وماشيه 30 الف مثلا الوضع يخوف وهكذا 

وترا السيارة النظيفة تعرفها من وقفتها وسواقتها 

عندي صديق موتره صك 400 الف ما شاء الله مكينته 

بلدها وكل شئ بلده تسوق الموتر كنه وكاله بينما صديق اخر 

عنده النترا 2015 تسوقها كنك راكب ددسن مع ان ممشاها 

ماتعدى 60 الف وهكذا لذلك ركز على بدي السيارة اولا 

ثم باقي الامور تهون وسلامتك ....

أحسنت ..واللي حببني في السياره انها على يد صاحبها من الوكاله.وكما تفضلت فعلا" العداد ليس محل حكم على السياره ولكن لاخاب من إستخار ولاندم من إستشار وأشكر تجاوبك الكريم.

انا شريت اكورد 2006 كان ممشاها 330 الف بس بدي وكاله وبعتها ما شية 570 الف

والله ان الماكينه والقير شد بلد

ماقصرت يابو ليلى والموتر بوديه وكاله .

تسلمون جميعا" .. لكن السؤال يالمطاليق هل 271الف يعتبر طبيعي.

اخوي ابوعمر
لو قسمنا ممشى السيارة على عدد سنوات الاستخدام
270 الف تقسيم 6 سنوات = 45 الف بالسنة
انا اشوفه طبيعي
اذا البدي والقير والمكينة سيلمات توكل على الله
ومبروك مقدماً :)

ما ادري طبيعي ولا لا بس اذا شفتها نظيفه وارتحت لها بس مشكلتك مع الممشي خذها
اعرف واحد معه اكسنت 2012 الممشي ما وصل 55 الف لكن اعرفه لو بشتري ما اقربها لا يهتم بزيوت ولا قطع استهلاكيه

تسلم وتبقى وتدوم انت وكل مطلق رد وتجاوب وأسأل الله لي ولكم جنة عرضها السموات والأرض.

انا عندي ٢٠٠١ المكينة انتهت قبل اسبوع ماشي ٥٠٠ الف واكثر 

ابعد عن مقوله الممشي الكثير لا يؤثر علي السياره ، والله بيأثر وهتدفع فيها كتير ، لان كل شئ وله عمر افتراضي
زود فلوسك شويه واشتري ممشي قليل وهتسترييييييييييييييح

والله ي اخوي قبل ٣ سنين ونص اشتراء الوالد ماركيز ماشي ٢٨٨ الف كذا وماشاء الله عليه ورده و وكالة المهم ما طول معنا الا عمي جاء وشراه ل ولده المهم اللحين مع ولد عمي وماشي ٤٠٠ الف وعليها 
وماشاء الله للحين وكالة والرجال يغير الزيت شهريا كل ٤٠٠٠ كيلو ومرتاح ماشاء الله 
يعني الممشى اذا كان على نضافة ف ما عليه خلاف 

يارجل واحد من الشباب عنده كابرس ابو حديده و باعه من زمان و لقيناه واصل 800 الف
و لقيناه بعد فترة طويله طلع خوينا شاريه
بغيت انا اشتريه الموتر للحين مثل الوكاله من ناحيه عزم و صرفيه و محركاته ممتازه

الموضوع على الاهتمام عندي قبل الممشى

أشكر تجاوبكم البناء وردودكم الهادفه للنصح لاحرمكم الله الأجر.

السلام عليكم جميعاً

بالنسبة لسؤالك او استفسارك ياصاحب الموضوع الوضع طبيعي جداً كممشى وكثر الممشى مايعيب الموتر ابد الاعتماد الكلي على النظافة والاستخدام


يعني فيه فرود او أي سيارة ثانية تلقاها ماشيه 150 ومكينتها تصرقع ف هذا اكبر مثال ان الاستخدام والمحافظ فوق كل شي اعرف ناس وضبت سيارات مشهود لها بالعملية جداً ماتعدى ممشاهم 200 الف

وغيرهم معه سيارة الناس تخاف منها وتتحسس ووصلوا لممشى مهول ويروع والله الحمد سياراتهم ما اخلفت معهم ابد


وبعدين الفورد ومكاين الامريكي بشكل عام و8 سلندر بعد من النوادر انه يخبط من كثر الممشى اذا انت محافظ يمشي مايوقف وحتى لو بدا عليه جلد بلوف ولا بداية شنبر يمشي لو تبي الامارات وداك عادي تلقاه ينقص بسيط بس يروح ويجي وعزمه زين


الفرد تبي مكينته تعيش عطه حقه من التحمية البسيطة وغير زيته بانتظام وخف رجلك عن التكتيم له وصدقني يعيش لو تبي مليون مايقول لا يطلب اشياء ثانية كل سنتين مثلاً تجدده عضلات او من هالاشياء وحسب استخدامك طبعاً ويعود يتجدد ويمشي يروح


موفق ولا تشيل هم الممشى ابد خصوصاً في الفكتوريا والماركيز ماشاء الله تبارك الله ناس ما تحافظ ويعيش معهم لين 400 واكثر بالراحة فما بالك اذا كنت محافظ


تحياتي