وحوش الفوردات ابغى استشاره فالدينمو

خذ العلم امشي عليه حتى اذا ولعت لمبة بطارية اقرب كهرباء يغير لك فحمات الدينمو بكثير 50 ريال اكثر من ذا مبلغ استغلال

طيب هل صحيح ان الفحمات تمشي ٢٠٠ الف بعدين لازم تغيرها؟؟

هذا ماهو زود حرص هذا وسوسه وعندك دراهم زايده ياحبيبي 
دينمو مافيه مشكلة تروح تدور لك على شغله فيه ليش ؟ 

اخي الوافي
موب شرط تمشي 200 الف ثم تغير لا يا حبيبي
لو تمشي 50 الف وتولع لمبة بطارية في طبلون فاعلم ان فحمة الدينمو منتهية

هههههههههههه ماهو وسوسه الا مجنون خرابات هههههه

لكن سؤالي عن العمر الافتراضي للفحمات او الدنمو ؟؟

^^ للي مافهم الموضوع @_@

جزاك الله خير يا محمد قاسم١٤١٠

كفيت ووفيت والله لايوريك مكروه

عندنا فورد 98 من وكالته مابدلنا فيها شيء الا قبل سنة بدلناها بدينمو بوليسي اقوى و احسن و انصحك فيها

الفحمات مالها عمر افتراضي

انا اللي لاحظته ف الدينمو

ف البدايه لما تسخن السياره وتمشي فيها فتره تبدا تفصل كهربا سريعه كذا تحس ان فيه شي فصل كهرب وشبك

بدايه الخراب

طيب مدام انك بتغير فحمات او دينمو كامل .. فضاوه وهو مابه شي

غير القير ... احسن شغله فرفر على التشاليح وابحث عن قير وكاسرهم وبتركبه بيخرب عليه وبتقروش معهم
وهكذا افضل شغل مدام انك فاضي وبراسك قروشه و ورشات

وايضا غير المكينه معها

لاتنسى تبدل الكمبرسور تراه يخرب مع الدوامات والكرف ولاتنسى تغسل السياره وتنومها معك  

الله يهديك بس اذا الموتر مايشتكي من شي وماشي معك لاتحوس فيها بعدين تخرب وتاكلها

يأخوان الرجال طلب استشاره عندك رد ع استشارته جاوب وماعندك قل خير أو اصمت

خذها من الوحش الارقط. وعاشق الفوردات منذ الازل.   الان تعقب الفوردات
طلقتها بالثلاث ليس كرها فيها  لكن مهرها من البنزين الأحمر سوف يفوق القدره
والا حبها يسري في شراييني.  لكن.   سامح الله من قطع خط الحراره // ليه عن هاتف حبيبي يقطعونه
متى ماولعت لمبة البطاريه خلها تولع.   ولكن وانت تمر المحلات اسأل عن  دينمو اسمه // ديلوكس//
جديد ب ٣٨٠٠ مجدد اقل.   خذ جديد.      سوف يخدمك مده ليست قصيره
استخدمته ٤ سنوات ونيّف. وبعت الفورد وهو سليم. وعسل.  
ملاحظه.  اذا شغلت المكيف ليلا. النور يرمش رمشات بسيطه. الامريكي يقولون حظوظ
الاصلي اكيد احلا بس كل اللي بالسوق مجدد ولاضمان عليه.   وكل عام والوطن اخضر

اوف. جديد ب ٣٨٠. ثلاثمائه وثمانون. 

وسمعت. ولا اعلم مدى الصحه.  اذا غيرت زيت. لاتخليه ينفخ الهواء اذا نظف. لايقرب الدينمو
ينظف المكينه بس يبتعد عن الدينمو

اذا فيه ضعف ويطفى بعض الاحيان شيك على الفحمات والكتاوت وشف المولدات الي ورا شكلها زي الابر تتأكل مع الوقت وتتلحم ويرجع طبيعي اذا مافيه شيء خله لاتحرك ساكن وتبلش

الي يتريق ويطقطق ويقول غير وغير هههههههه

انا اباخذك على قد عقلك ويارب تقطم سيارتك فنص الزحمه ويطلع الدنمو خربان وتتذكرني ههههههههههه



على العموم الي عنده معلومه يعطيها والله يجزاه خير 
والي ماعنده يقضب الباب هذا واضح دلوع ماعمر خربت عليه السياره مع الرضاعه جاته ٢٠١٨

وللمعلوميه اكثر مشاكل الفوردات فالدنمو و الكويلات ( يعني كهرباء وحساسات )

حبيبنا اذا حسيت فيه ضعف بالعزم وصوت حنة بسبب ضعف الدينمو يعني قست قوته ولقيتها اقل من 14 فولت
ذاك الوقت غيره بالبوليسي سعره قبل 3 سنين 1440 ريال اقوى من حق الوكالة انا مركبه و 3 سنين ماشاء الله عليه
حق الوكالة في بحر 3000 ومو اقوى من البوليسي